دلوقت هو انا مش عارفه إذا كان دا طبيعي ولا ايه بس من كام شهر اتعرفت جديد على واحدة وبقينا أصحاب وأنا في العادي والطبيعي بتاعي مش متعودة اكلم حد حتى لو صحابي مكالمات اتصال بنتكلم شات ورسايل وكدا وممكن ريكوردات برضو
المهم دي اول ما اتعرفنا على بعض لقتها بترن عليا طبعا مردتش لاني معرفهاش كويس وبعدين بدأنا نكلم بعض رسايل عادي ونتقابل في الكليه لحد ما رجعت تاني لحوار الرن بس بقا اوفر اوي يعني بترن كتير في اليوم كنت برد عليها بس مش دايما وهي بطول في المكالمه الواحدة يعني ممكن لو مقلتلهاش اني مش فاضيه تقعد تكلمني بالساعات
هو انا مشكلتي مش معاها مشكلتي مع المكالمات الكتير دي بدايق منها اوي وآخر فترة بقيت مش برد خالص وقفلت مع كله بس في نفس الوقت حاسه اني ندله عشان مش برد وللعلم وضحت لها كذا مرة اني مش بحب المكالمات وياريت تبعت رسايل لو حابه تتكلم بس بتقولي انها مش بتحب تكتب يعني بمعنى أصح عكسي
قلت لها ابعتي ريكورد بس برضو لا ،وأهلي كمان بيدايقوا من مكلمات الكتير دي وانا اتخنقت لان هي مش عشرة عمر ولا حاجه عشان اكلمها في اليوم اربع خمس مرات وكمان امتحانات بتاعتنا قربت وبترن قبل الامتحان اعمل ايه كذا حد من اهلي قالولي اعمللها بلوك وفي نفس الوقت مش عارفه
السلام عليكم بنوتى الجميلة اللى حصل معاكى هو سياق طبيعى للعلاقات الجديدة بنكتشف الاختلافات بينا ولو الطرفين قدروا يحترموا اختلافات بعض وتعاملهم يبقى متناسب مع ده يبقى العلاقات بتكمل باقل قدر من المشاكل لكن فى موقف زى اللى عندك ده ..البنت مش قادرة تحترم اختلافك عنها ومستمرة فى طريقتها ولذلك علاقتك بيها مش هتكون سهلة ابدا طالما العلاقة لسه فى أولها فمفيش عيب ابدا اننا نوضح ان بسبب اختلاف طريقتنا مش هينفع نكون قرييبن
تم النشر السبت، ١٩ أبريل ٢٠٢٥
عزيزتي، أقدر ما تشعرين به من ضغط بسبب المكالمات الكثيرة والمتكررة. من الواضح أنك تعطي أهمية لصحتك النفسية ووقتك الدراسي، وهذا شيء جيد جداً. من المهم لك أن تقومي بالتواصل بطريقة تعكس احتياجاتك وتوقعاتك. يمكنك محاولة توضيح مشاعرك لها مرة أخرى بطريقة لطيفة وحاسمة، مثل أن تشرحي لها أنك تقدرين الصداقة، لكن لديك ظروف دراسية وتفضيل شخصي للتواصل عبر الرسائل بدلاً من المكالمات. يمكنك أيضًا تحديد أوقات معينة للحديث إذا كان ذلك مناسبًا، مما يعطيكما فرصة للتواصل بشكل متوازن دون تجاوز حدود راحتك. إذا استمرت في عدم الفهم، مثلاً إذا حاولت الاستمرار في الاتصال بك مما يسبب لك ضغطاً، فقد يكون من الأفضل لك أن تأخذي استراحة أو تفكري في اتخاذ خطوة مثل حظرها مؤقتًا. من المهم أن تحافظي على صحتك العقلية ومجال دراستك. تذكري، أن الصحة النفسية والعلاقات الإيجابية يجب أن تسير جنبًا إلى جنب. ومع مرور الوقت، سيكون لديك القدرة على بناء علاقات أكثر توازناً مع الأشخاص الذين يحترمون وقتك ومساحتك الخاصة. وفقك الله وسدد خطواتك.
تم النشر السبت، ١٩ أبريل ٢٠٢٥
مش يمكن حاسه بوحده مش يمكن بتحبك جدا وعاوزه ونس طالما متمسكه بيكي بالشكل ده اكيد مرتاحه ليكي نصحتي بلاش تبيعي حد بيحبك شاركي الناس متاعبهم وحياتهم مين عارف يمكن الأحوال تتغير اجبري بخاطرها بهدوء كله يتحل
تم النشر السبت، ١٩ أبريل ٢٠٢٥
انا اتمني حد يتكلم معايا كل ثانيه ومش هزهق منه وبالذات لو بيحكيلي كل حاجه مهما كانت يمكن عشان مليش اصحاب ويمكن عشان انتي شبعانه من اصحابك احتمال وفي الحقيقه ان خير الامور وسط انا لما كنت عاوز ارتبط كنت بحبها اوي وكنت عاوز افضل معاها كل ثانيه زهقت مني واشتكت من رغي و كرهتني كمان معوان نيتي كانت اني اخرجهاومنواكتئابها واكون سند ليها ولما حكتلها عن مناطق طعفي اختقرتني وقلت بيه فإن انسان يحكي حاجه لحد فعلا غلط ربنا احسن من الجميع الإنسان بيخون
تم النشر السبت، ١٩ أبريل ٢٠٢٥
انا مريت بتجربة شبهها عشان كده متعاطف معاها احيانا الإنسان بيكون عاوز حد يشاركه كل تفاصيل حياته حتي لو حاجات تافهة
تم النشر السبت، ١٩ أبريل ٢٠٢٥
فعلا دا صح اوقات ياما بنكون محتجين نعبر ونتكلم مع حد ونخرج كل الي جوانا ،بس برضو انا مع مراعاتي لمشاعر غيري عارفه طرقتي ممكن تضايق ناس كتير بس بحس افضل شخص نلجأ له هو ربنا حتى لو الموضوع دا تافه، علاقاتي بالناس الي حوليا طبيعيه وكله تمام بس مش كل حاجه اقدر احكيها لاي حد بنتكلم وبنحكي مواقف وبنحكي وبنعبر ومل حاجه حلوة ،وكمان فترة كدا هنتأقلم مع بعض بإذن الله انا فعليا مش حابه طريقتي في عدم ردي عليها بس كتر الرن سببلي مشاكل والله مع عيلتي يعني والدتي بتفضل تقولي هتفضلي تتكلمي كتير ومن الكلام دا بقا وغيره واخواتي كمان ،انا مش بكون حابه ازعلها مني والله وبوضحلها بعديها وبنهزر سوا عادي تاني
تم النشر السبت، ١٩ أبريل ٢٠٢٥
بشكر حضرتك جدا اخي الكريم على نصحتك وطريقتك الحسنه في توصيل فكرتك ربنا يجزيك كل خير ،وربنا يجعلنا كلنا من جابري الخواطر يارب لا كاسريها ،انا مقولتش هبيعها ولا حاجه بنقابل بعض في الكليه وعادي والله مفيش مشكله بس كل الموضوع اني من النوع الي مش بيحب كلام الفون ياما يعني برتاح اكتر لما بيكون الشخص قدامي بحس بمصدقيه اكتر في الكلام واحنا مع بعض كويسين الحمد لله ،أما بقا موضوع المكلمات دا انا هحاول معاها تاني نبقا نحدد معاد حتى ونقلل شويه انا معنديش مشكله في تواصلي معاها بالعكس هي شخصيه محترمه جدا وبشوشه بس كل الموضوع اني من زمان متعودة على كدا يعني مش متعودة اكلم حد غير اهلي وقرايبي وكدا يعني ،وكمان في حاجه يعني بنتكلم في حجات مش مهمه اوي فبقول ايه لزمتها نقعد نتكلم طول اليوم ونضيع وقت واحنا ممكن نبقى نحكي كل الي نفسنا فيه عادي لنت نقابل بعض او ممكن تتكلم بس مش كل شويه ، اصل اوقات كتير فعلا مش ببقا فاضيه ارد ومشغوله ، وللعلم كل الي يعرفوني عارفين عني كدا اني مش بحب قعدة الفون ياما يعني بنتكلم في المعقول
تم النشر السبت، ١٩ أبريل ٢٠٢٥
لعرض السؤال في فدني اضغط هنا