في سؤال عن كيفية علاج الشخصية الاجتنابية وكيف يتعامل الشخص الذي يعاني من هذا الاضطراب
فى توصيف للشخصيات ونوع شخصبة انطوائية ....الاجتناب ده سلوك ...وكلمة اضطراب دى كبيرة اوى مش بتتقال على اى حاجة كده .... ياريت توضح تفاصيل السلوك عند الشخص اللى مسببه مشكلة فى حياته عشان نقدر نساعد اكتر ان شاء الله
تم النشر الخميس، ٢٢ يونيو ٢٠٢٣
قرأت التعليقات .. ف اتفق مع كوتش ياسمين طبعا ف اللي ذكرته. اضطراب الشخصية الاجتنابية .. مينفعش اننا نشخصه كده، التشخيص بيكون في العيادة. أما لو هنتكلم عن الانطوائية .. ف ديه حاجه تانية وده نوع شخصية ومش مرض. يعني مش شخصية مريضة. حضرتك ذكرت ان الشخصية ديه:- مش بتحب تحضر حفلات عندها احساس بالدونية الخذلان من الناس الخوف من التعبير عن المشاعر الخوف من خوض الحديث مع الناس طبعا لو ياريت الشخصية ديه تيجي وتشاركنا في الكلام علشان نعرف نفهم الموضوع اكتر.. _ ولكن خلينا نبدأ بأول جزء بأنه مش بيحب يحضر الحفلات .. او التجمعات في الحقيقة ده لازم نعرفه ليه الاول .. هل مثلا مش بيحب يحضر علشان مثلا بيحس بفقدان الطاقة اول ما يحضر في اماكن فيها تجمعات كتير، ولا بيحس انه خايف، مش مرغوب فيه، مش عايز يكون صداقات، او خايف اساسا من الناس! لان مثلا لو هو مش بيحب يحضر اي تجمعات علشان بيحس انه طاقاته بتفقد، ومزاجه ونشاطه بيقل ده هيبقى طبيعي ومقبول .. لان ديه سمة من سمات الشخصية الانطوائية وهي انه مش بيحب ونركز على كلمة مش بيحب يحضر في تجمعات لانه بيحس انه طاقاته بتفقد بسرعة مع الناس. ولكن هو معندوش مشاكل. _ اما بالنسبة لباقي الصفات وهي بالفعل مشاكل ولازم يتم علاجها .. سواء الخذلان من الناس، اللاحساس بالدونية، الخوف من الناس ممكن متقبلوش، الخوف من الكلام مع الناس ... ديه كلها مشاكل ولازم تتحل ونتناقش فيها. ونعرف امتى بدأ يكون الشخص ده كده؟ وامتى كل مشكلة ابتدت تظهر معاه؟ وايه سبب كل مشكلة حصلت؟
تم النشر الخميس، ٢٢ يونيو ٢٠٢٣
لعرض السؤال في فدني اضغط هنا