انا بنت عندي 18 سنة و عايشين انا وماما لوحدنا و بابا متوفي من زمان بس ماما بقالها تلات سنين تعرف راجل ف السر و حصلنا بسببه مشاكل كتير و ناس بعتتلها بتهددها و حتي اخواتها عرفو وهي مصرة برضو تتكلم معاه مع انو مش جي منو غير مشاكل وواحد جبان لو عايزها هياخدها ف الحلال و غير انو متجوز و الي هي بتعملو ده هيأثر علي مستقبلي و عليها و هيبوظ سمعتناو غير انو حرام اصلا و قولتلها كتير و انا لو اتكلمت ممكن تعمل فيا اي حاجه ف انا مش عارفة اعمل ايه بصراحه ولا اخواتها عرفو يعملو حاجه ولو سألوها بتقولهم مش بتكلمو وانا لو فكرت احكيلهم هتبهدل ف انا كنت بفكر اعمل اكونت فيك و ابعتلها اهددها منو يمكن تفوق و الموضوع تاعبلي نفسيتي جدا و مخليني مش عارفة اذاكر ولا عارفة اعمل حاجه ومش عارفة اتصرف ازاي وهي عارفة كمان انو الموضوع مأثر علي نفسيتي جدا و مصرة تكمل وانا تعبت بصراحه و عايزه حد يفيدني او ينصحني اعمل ايه منغير اذيه ليا
فاهمة خوفك ووجعك ومصدقاك ولكن القوة يا جميلة مش إنك تغيري اللي حواليكي! القوة الحقيقية إنك تحمي قلبك ومستقبلك مهما كان اللي بيحصل انك تعملي أكونت فيك دا غلط وفيه خطورة عليك بلاش تعملي كدا! بلاش العنف مع ماما في الأسلوب والطريقة هي مامتك مش صحبتك ولا أختك! كمان العنف بيخلي الشخص يحس انه مهاجم ويزيد عناده وتمسكه بالغلط! تعاملي بذكاء وود! بدل ما تقولي لها انت غلط، قولها أنا بحبك وخايفة عليك! وقيسي على كدا. مهم جدا يا جميلة تفهمي احتياجها ودوافعها اللي بتخليها تعمل كدا، دا مش تبرير لغلطها ولكن هي بشر ولها احتياجات، حاولي تسأليها وطمنيها انك جنبها! كمان عيزاك تركزي على دراستك ومستقبلك ومهما عملت فهو ذنبها مش ذنبك أنت! أنت مش مسؤولة عن تصرفات حد مهما كان الصلة بينكم! حاولي تدخلي طرف أكبر منك حد من خوالك مثلا، بس يكون برضه التعامل بلطف. خليكي صبورة معاها، ادعيلها دايما! اهتمي بنفسك وصحتك وعقلك وسعادتك! ولو في استطاعتك التواصل مع أخصائي تواصلي في أقرب وقت عشان يقدم لك الدعم المناسب وتقدري تتعافي وتتجاوزي المحنة.
تم النشر الأحد، ٢٧ أبريل ٢٠٢٥
اتكلمى معاها بكل صراحه وكل وضوح أن الموضوع مآثر عليكى وانك تعبانه منو ولو فضلت مصره على قرارها قوليها أن لو هى مكان مراتو كانت هتبقى حابه كدا حاولى تلمسى فيها الانسانيه اللى جواها أن هى تبعد عن الموضوع دا
تم النشر الاثنين، ٢٨ أبريل ٢٠٢٥
لعرض السؤال في فدني اضغط هنا