عندي مشكله ان عضلة المثانه عندي ضعيفه م بقدر اتحكم بالمياه وكشفت كتير جداً بقالي اكتر م 13 سنه بكشف وانا حالياً عندي 18 لما كان عندي تلت سنين كنت كويسه جداً بدأت لما بق عندي 4 والدكاتره قالو اني كويسه وخدت كمية علاج رهيبه ومفيش فايده وللعلم عندي اهلي عندهم اسلوب العنف وجداً ضرب وزعيق ع اتفه الاسباب والدكاتره قالو ان دا السبب لكن هما بردو مفيش فايده اعصابي تعبت ودايما بقيت بخاف من اي حاجه ومش بقدر اركز وكل حاجه فحياتي بقت عياط وخوف منهم م اقل حاجه ومش عارفه اتخطى كل دا ومش عارفه اتكلم مع مين والجأ لمين ودايما خايفه افضل كد وبتحرج جدا وانا مع اصحابي برا ومش بقدر اتحكم
عضلة المثانة الضعيفة هل ده تشخيص من طبيب قالك عليه ولا ده توقع منك ؟ المشكلة مش واضحة كويس هل هو سبب نفسي فقط ولا نفسي وعضوي وده بيتحدد بناءا ع رد الأطباء اللي كشفوا عليكي .. لو سبب عضوي ففى تمارين اسمها "كيجل" ابحثى عنها ع النت ممكن تساعدك شوية ف المشكلة لو ضعف ف العضلات وطبعا بجانب العلاج اللى وصفه الاطباء..وهل فى مشكلة اثناء النوم انتى بتقولي من سن ٤ سنين وده يعتبر سن لسه الطفل بيتعلم فيه ومش بيقدر يسيطر ع نفسه اثناء النوم وده كله طبيعى لحد سن ٦ سنوات وده ليه ادوية او جهاز بيرن اول ما تنزل اول كام نقطة عشان تصحى تروحي الحمام ..و قللي شرب المية قبل النوم ب كذا ساعة وامنعى القهوة والكافيين عموما والحاجات المشطشطة لانه بيزود الدنيا .. وكمان ممكن تعملى تحليل ADH ممكن يكون سبب لو كنتى بتعاني من دخول الحمام كتير اوى اكتر من الطبيعي ومش بتقدرى تستحملي ممكن الهرمون ده يكون قليل وهو السبب .. السبب النفسي مهم جدا جدا ف الأمر ده وضروري الذهاب لطبيب نفسي لان المشكلة حقيقية تستدعى لكده مش رفاهية وممكن لو اهلك مش متفاهمين وخايفة منهم ورفضوا الطبيب النفسي روحي اكشفى ف مستشفى الطلبة التابعة لمدرستك او كليتك وتروحي لوحدك لو تطلب الامر ..وخليكي عارفة ان المشكلة ممكن تتحسن بالعلاج النفسي والطبي إن شاء الله وده اختبار من ربنا ليكي وهتأجري عليه لو صبرتي وأحسنتي الصبر وأخدتي بالاسباب فمتيأسيش من نفسك أبدا
تم النشر الأحد، ١٨ فبراير ٢٠٢٤
أبدئي في حفظ القرآن الكريم . بهذا تكتسبين ثقه بنفسك كبيره جدا . بعدها ستتحكمين في أمور حياتك . بالتوفيق أن شاء الله
تم النشر الاثنين، ١٩ فبراير ٢٠٢٤
يعنى انتى الموضوع مرتبط بخوفك من اهلك ...وبقى مأثر عليكى بشكل مستمر ولا بيزيد ويقل حسب الحاله
تم النشر السبت، ١٧ فبراير ٢٠٢٤
اعتقد ان مشكلتك سببها الاساسي هو سبب نفسي و اعتقد ان حصلتلك صدمه بسبب العنف من الاهل.. ف متسبش نفسك كدا و ابحث ع النت اليوت يوب في دكتور اسمه احمد الدملاوي لو حابب ابعتلك رقمه و تاخد عنده جلسه ممتاز بصراحه هيساعدك باءذن الله هو ف القاهره تقريبا و اعتقد ممكن يعالجك بالمكالمه اون لاين يعني مش محتاج انك تروح العياده تبعه
تم النشر السبت، ١٧ فبراير ٢٠٢٤
الموضوع دة بسبب ضغوط نفسية الانسان لو حالتة النفسية كويسة هتلاقي في تحكم افضل الدكتور المتخصص هيكون عندة افادة اكثر و دكتور نفسي ايضا هيكون عندهم حل اكيد
تم النشر الأحد، ١٨ فبراير ٢٠٢٤
حضرتك محتاجه تروحي لدكتور متخصص في المثانه البوليه
تم النشر الأحد، ١٨ فبراير ٢٠٢٤
أبدئي بحفظ القرآن الكريم سيجعلك هذا واثقه في نفسك و تتحكمين في نفسك .
تم النشر الاثنين، ١٩ فبراير ٢٠٢٤
فعلاً يا أستاذه طبيبه مسالك بوليه مش أفيد بعد البلوغ أنتي محتاجه طبيبه نساء وتوليد.
تم النشر الاثنين، ١٩ فبراير ٢٠٢٤
لعرض السؤال في فدني اضغط هنا