السلام عليكم
انا فى اولى ثانوى والترم الاول كنت بذاكر جامد بس لما روحت الامتحانات وشوفت الطلاب الفشله بتجيب اعلى من لمجرد انهم بياخدو دروس مع مدرسي المدرسه مبقاش ليه نفس انى اذكر تمامآ والترم التاثى بداء من اسبوع ومش عارف اعمل اى ؟؟
ممكن دلوقتي بياخدوا حق مش حقهم بس ف الثانويه العامه ف تالته ثانوي هيكتشفوا انهم متعلموش حاجه وهيتصدموا ومش هيعرفوا يعدوا غير بمجهودهم وهم متعودوش يعتمدوا ع مجهودهم ف وقتها هتاخد حقك وهتحس بالعدل لانك هتاخد مجهودك وهم هياخدو حقهم ثق ف مجهودك... وابدأ بقا واهدى كده وافتكر انك تستحق تنجح وتفرحي وتفرح اهلك بيك واي تقصير قصرته من اول الترم لسه في وقت كتير تلحق تعوض وتنجح محتاج بس تنظم وقتك ومتراكمش دروس عليك وحافظ على انك كل درس بتاخده تذاكره نفس اليوم وتحل كتير وتجمع ملخصاتك الشخصيه من فهمك ومن النقط الي بتحس انها مهمه والاسأله الصعبه وان شاءالله ربنا يكرمك ويوفقك افضل حاط هدفك قدامك وهتوصلله ان شاءالله
تم النشر الجمعة، ١٧ فبراير ٢٠٢٣
هتعمل ايه طيب بعد كده؟ هتعمل ايه لما تلاقي ناس ممكن تاخد حقوق بالواسطة، والرشوة هتعمل ايه في حياتك لما تشوف الحاجات ديه؟ ده مش سبب انك تهمل في مذاكرتك.. لانك هتشوف العينة ديه كتير جدا بعدين في حياتك. ركز على نفسك .. اساسا انت ليه مركز معاهم وشايل هم مين جاب اعلى ولا جاب اقل؟ متقارنش نفسك بغيرك .. لانك هتتعب ركز على نفسك وركز على مذاكرتك ومستقبلك
تم النشر السبت، ١٨ فبراير ٢٠٢٣
طيب والناس إلي بتنجح واسطه علي حساب ناس بتتعب و كتير آوي عايش حياه كريمه من الجهل والعلم اتركن.. مش مقياس ده شيطان بيخلق لك سبب منطقي يكسلك ويهز ثقتك بربنا. العدل مش موجود في الدنيا موجود بس ف يقينك فربنا إنه سعيك متشال وإنه الأرزاق بايد ربنا وحده منها الرزق المبارك ومنها الرزق ال كله ابتلاء ف صدقني أثق آكتر فربنا إنه حافظ ليك مجهودك وسعيك واصدق النيه ف مذاكرتك وعلمك لوجه الله
تم النشر الجمعة، ١٧ فبراير ٢٠٢٣
المذاكرة محتاجة ذكاء شوية و ترتيب و تخطيط مش محتاجة تفضل قاعد علي الكتاب عشر ساعات ، رتب جدول لنفسك كل يوم مادة او مادتين ، اقرا المحتوي الاول قراية عادية كانك بتاخد فكرة ، بعد كده لخص علشان اغلب الكتب التعليمية و الوزارة و الدكاترة الخ فيها دش كتير فاعمل ملخص للي قريته ، ركز علي نقط معينة و لما تفهمها اكتب ملاحظاتك عنها علي جنب مثلا لو رياضيات ركز علي حاجه واحدة في المرة لما تفهمها تماما انقل علي اللي بعدها .. و هكذا .. ذاكر مش علشان بس تفهم لاء اعتبر انك استاذ المادة او معيد و بتذاكر علشان تشرح و تفهم اللي حواليك الطريقة دي بتجيب نتيجة افضل .. لما تخلص مادة و تبقي تمام فيها .. اعمل اختبار لنفسك و درب نفسك عليها بمختلف الاساليب علشان متنساش .. دتيما اكتب اللي فهمته غلي شكل ملاحظات علشان تنمي ذاكرة الحفظ عندك لما تكتب بايدك و بالتوفيق يا صديقي .
تم النشر الجمعة، ١٧ فبراير ٢٠٢٣
لعرض السؤال في فدني اضغط هنا