انا مصاحبه واحده من اولي كليه بذلت مجهود كبير اوي عشان اتعرف عليها لانها كانت خايفه شويه من تكوين الصداقات فبدأت انا معاها وكلمتها وواحده واحده بقينا اصحاب وبنعمل كل حاجه سوا وقربنا مم بعض بس بعد مده بدأت تصاحب واحده تانيه وتذاكر معاها وتتفق معاها علي خروجات وكمان بيحكو لبعض كل حاجه لما ابقا بينهم بحس اني مش عارفه حاجه ودا بيضايقني وحكيتلها اكتر من مره اني بتضايق من كدا بس لسه بتعمل كدا وكمان بحسها علطول مش واثقه فيا ومهما حكيت بتفكرني اني بألف ومش بتصدق بس عشان اقول الحقيقه انا كمان فيا عيب وبحاول اصلحه والله اني لما بزعل من حد مش بروح اقوله وبسيبه لدماغه يعرف هو عمل اي وفي الاخر يعني عشان انا معاتبتش والموضوع بيعدي عادي ومش بعرف اخد حقي وهي قالتلي قبل كدا اني بستنزف مشاعرها في الموضوع ده واني لازم اقولها عالي بيضايقني بس انا لما اتكلمت مصلحتش من نفسها وانا بجد بحبها ونفسي صداقتنا دي تكمل ومتبقاش فتره زي ما بتقول لانها علطول بتقول اننا فترات في حياه بعض واننا هننشغل بعد الكليه ومش هنتقابل كتير وعشان الحق بصراحه انا بحب اتكلم معاها وهي بتسمعني واوقات كتيره بتقف جمبي وبتساعدني فارجو ان حد يفيدني وينصحني اعمل اي عشان اخلي علاقتنا تكمل ونبقا اصحاب تاني زي الاول
بصي انا عارفه ان انت يعني اكيد شايفه انك حق واحده بان الصداقه دي تكمل عشان كل المجهود اللي انت عملتيه عشان انت شايفه ان هي مهمه جدا بالنسبه لك في المقابل المفروض هي برضو تبقى شايفاك مهمه واهم من اي حد ده شعور طبيعي يعني ولكن خليني اقول لك ان النصيحه علشان علاقتكم يبقى لها نصيب انها ممكن تكمل للوقت الطويل اللي انت عايزاه تفضلوا عارفين بعض وتسالوا على بعض وبتتكلموا مع بعض وبتخرجوا مع بعض انت لازم تاخدي في كلامها. اللي هو ايه ان احنا فترات فعلا في حياه بعض وان ده وارد ان ما تفضلش نفس صداقتنا بنفس الشكل هو مش لازم كلمه فترات في حياه بعض ان احنا يعني النهارده نعرف بعض وبعد كده مش هنعرف بعض خالص ما حدش هنعرف عن حد حاجه ولكن فترات ما هيكون في فتره ممكن اكون قريب من حد قوي ده بالنسبه لي اقرب حد ولكن بعد فتره تانيه هو مش هيكون هو اقرب حد وهو هيكون في حد ثاني اللي انا يعني ارتحت معاه اكتر او بدات الاقي ما بيني وما بينهم حاجات مشتركه اكثر فلذلك طيب العيب اللي فيك ممكن يكون سبب للي بيحصل اه طبعا زي ما انت بزلتي موجود كبير هي ممكن برضو تكون نزلت مجهود كبير جدا علشان الموضوع ده ما ياثرش على علاقتكم ببعض ولكن الطاقه بتاعتها تنزفت وبدات تكون فكره انه هيبقى صعب جدا ان انتم على مدى اطول تكونوا قريبين بنفس الدرجه ليه لان ده بيستهلك من طاقتها كتير رغم كل مميزات ممكن تكون اللي فيكي الا ان الجزئيه دي استنزفت مثلا بالفعل طاقه كبيره جدا من صداقتها معك وبقت تعامل اصعب واتقل هتقولي طيب ما انا بقيت ما بقتش كده وبقيت مغيره من نفسي ده مش شرط خالص لانه في مراحل بتيجي على البني ادم ممكن يكون خلاص يعني هو وصل لمرحله زي كده. بتتقل بشكل. يعني كثير قوي الايام دي شبه فقط الشغف يعني خلاص انا الحاجه دي استنزفت فيها وقت كثير وطاقه كتير وما عنديش استعداد حتى اجرب تاني فده والد عادي طيب يعني معنى كده انه انا وحشه بقى لا. دي امور طبيعيه جدا في الحياه وهتحصل باشكال مختلفه خلي بس الموقف ده يكون قدامك يوريكي واحده من حقائق الحياه انه دي حاجات بتحصل وهتحصل لازم تبقي شايفه انه ما فيش مشكله انها هتحصل وناخد من الحاجه اللي عملت لنا مثلا نتيجه احنا مش حبيناها ناخد عبره.
تم النشر الخميس، ١١ أبريل ٢٠٢٤
لعرض السؤال في فدني اضغط هنا