احببتها وظروفى لا تسمح بخطبتها وبعد انسحابي تمت خطبتها لآخر، هل أحاول أم أبتعد؟

Question

انا عندي 22 سنه اتعرفت على بنت بس أهلها واهلي مكنوش يعرفو بعد فتره اكتر من 6 شهور كدا مثلا ولدتها عرفت وطلبت أنها تكلمني وانا مقصرتش وكلمتها وقلتلها أن انا لسه قدامي فتره أن اقدر اجي اتقدم وكدا لأن انا في الواقع معنديش ولا شقه ولا عندي اي حاجه هقدر احوش ازاي 300 الف اقل واجب لو هجيب شقه ف حته معفنه حتي المهم والدتها قلتلي ماشي هكلمك تاني بس مكلمتنيش تاني ولا حاجه وقالت لبنتها اعمليلو بلوك طبعآ البنت جت حكتلي ومعملتش بلوك وانا معرفتش الاقي حل وخدت رقم ولدها أن أكلمه بس معرفش هكلمه اقله اي بصراحه فرجعت ف كلامي وفعلا قللت معاها كلام مع انها كانت بتحبني وانا مكنتش عايز احطها في مشاكل مع اهلها أو اخلي شكلها وحش لان احنا مش عيال صغيره المهم بقا ممكن تكلمني كل فين وفين ارد عليا وحش كدا يعني وتخانقت انا وهي وعملت بلوك بسبب أن بكلمها وحش جت بعد فتره من قريب دخلت كلمتني وشالت البلوك وقالتلي أن جيلها عريس وبتاخد رأيي تعمل اي بس مجبتش سيره أنها بتطلب مني مثلا أن انا اتقدم أو اي حاجه كانت بتكلمني في تفاهات زى البس اي وكدا وطبعا قلتلها معرفش براحتك بعد ما جه العريس لقتها بعتهالي بتقولي ابويا هيغيرلي الخطوط وعملت بلوك انا افتكرت أنها رفضت العريس فأبوها زعل ف عمل كدا بعدها بيومين تلاته دخلت على اكونت الفيس بتعها لقتها منزله صور الخطوبه وأنها اتخطبت دخلت كلمتها ومفهمتش منها حاجه بصراحه بس هي بتقول انها شبه زعلانه شويه وبتقول أنهم وافقوا عليه وبعد كدا خدو رأيها في الاخر خالص..... انا كنت بعيد عنها بس كنت بقول اللي ربنا رايده هيكون ويا عالم انا هشتغل ويمكن ظروفي تتبدل وبعد كدا اقدر اتقدملها مثلا ولا حاجه... مكنتش مدي احتمال أنها تتخطب بالسرعه دى خالص😂 وبصراحه مش عارف اعمل إيه إي المفروض اعمله انسحب والخيرة فيما اختاره الله ولا اسألها انتى عايزاني ولا لا ولو قالت اه اكلم ابوها طب لو كلمت ابوها أقول له إيه وانا يعتبر محلتيش حاجه انا حتي معيش أن انا اجبلها شبكه حتي وعارف أن انا لو قلت لاهلي برضو مش هيساعدوني بحاجه لان انا شايف الظروف ماشيه ازاي انا شغلي بجيب منه 3000جنيه في الشهر يعنى عشان احوش تمن شقه ولا تمن شبكه محتاج سنين محتاج حد يقولي اعمل اي وتصرف ازاي

Accepted Answer

طيب وليه دا كله و تتعب نفسك وتتعبها و مش جاهز أنك تتقدم خدها من بابه وأبعد وسيبها تشوف حالها ونصيبها، علقتها بيك وأنت مش هتقدر تتقدم وعشمتها ونفس الوقت أنت من كلامك لا تملك شئ و مش جاهز وفالصح أنساها عشان تنساك و ولما تجهز دور على بنت الحلال و متكلماش تانى عشان دى خلاص واحده مخطوبه هل ترضى أنك تبقا خاطب واحده وهى بتكلم حد تانى الى مترضهوش لنفسك مترضهوش لغيرك والاصل فى الامر ده أنك تكون جاهز أو معاك الى يخليك تتقدم على الاقل انت لسه 22 سنه ابدا حوش أعمل حاجه بحيث لما تتقدم لحد يقدر يصبر عليك وبعدين يمكن ربنا يعوضك بأحسن منها مش أخر واحده فى الدنيا. وكلمتك أنك تجهز نفسك وترجعلها دى مش فاهم ازاى هتلحق تجهز نفسك قبل ماتتجوز وترجع تكلمها تقلها انا عايز اتقدملك و تفسخ خطوبتها بعد ماتكون اقتنعت بالشخص وهى ارتاحت ليه وبعد ماخلاص استقرو هترجع تقولها عايز اتقدملك وهى هتوافق انت مقتنع بده؟ بلاش العشم المؤذى ده وارضى ربنا قبل اى حاجه النبى صلى الله عليه وسلم معشر الشباب! من استطاع منكم الباءة؛ فليتزوج الباءة: يعني: الزواج فليتزوج؛ فإنه أغض للبصر، وأحصن للفرج ، ومن لم يستطع؛ فعليه بالصوم؛ فإنه له. دا اسهل واريح ليك من كل الكلام ده وراحه نفسيه ليك وتقعد تتعشم وتستنى طيب وليه اجهز وبعد كده دور عشان لما تلاقى تقدر تتكلم ومحدش يكسفك أو تكون مش قادر تتكلم عشان مش جاهز

Answer

أولاً، أنا أود أن أعبّر عن تفهمي لصعوبتك الحالية وما تشعر به. العلاقات الإنسانية معقدة، خاصة عندما تتداخل العواطف والظروف الشخصية. من الواضح أنك كنت تهتم بهذه الفتاة، وقد كان هناك تواصل بينكما. ومع ذلك، فقد حدثت تطورات لم تكن تتوقعها، مما جعلك تشعر بالقلق والضياع. هنا بعض الخطوات التي يمكنك التفكير بها: التقييم الذاتي : عليك أن تأخذ خطوة للوراء وتقيّم مشاعرك. هل أنت حقًا ترغب في الارتباط بها، أم أنك تشعر بالخوف من فقدانها فقط؟ الاستعداد العقلي : اقبل أن القرار النهائي بيدها، وعليها أن تختار ما هو الأفضل لها في هذه المرحلة من حياتها. الاحترام لقرارات الآخرين هو أمر مهم. التواصل بوضوح : إذا كان لديك مشاعر قوية تجاهها وترغب في التحدث إليها، فكن صريحًا وللغاية. اتصل بها أو اكتب لها رسالة توضح فيها مشاعرك. يمكنك أن تسألها مباشرة ما إذا كانت تعتبر العلاقة بينكما جدية. التخطيط للمستقبل : يجب أن تفكر في مستقبلك المالي والمادي. إنشاء علاقة جادة يتطلب استقراراً، وفي حالتك، عليك أن تحدد هدفًا واضحًا لتحسين وضعك المالي (مثل الادخار، البحث عن فرص عمل أفضل أو مهارات جديدة). صبر وحكمة : إذا كانت الأمور تسير في اتجاه لا تريده، عليك أن تتقبل ما يحدث وتعلم أن هذا جزء من الحياة. اقنع نفسك بأن هناك بركة في تقدير الله واختياراته. طلب الدعم : لا تتردد في الحديث مع شخص تثق به (مثل أصدقاء أو مقربين) حول مشاعرك، فهم قد يقدمون لك خبرات أو نصيحة قيمة. في النهاية، تذكر أن الأمور قد تتغير، وأن الحياة تحمل مفاجآت. اهتم بنفسك وبمستقبلك، وكن إيجابيًا في تحدياتك.

احببتها وظروفى لا تسمح بخطبتها وبعد انسحابي تمت خطبتها لآخر، هل أحاول أم أبتعد؟

اجتماعية

زواج

علاقات

سؤال من احد أعضاء فدني

تم النشر الثلاثاء، ٢٧ أغسطس ٢٠٢٤

2 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك