انا مرا واحدة بقيت حاسه اني بتحط في حوارات ملهاش لازمه واني بقيت بعك بالكلام كتير وبزات قدام عيلتي بعيد عن مامتي وبابايا أهل مامتي مثلا كرهت خالي مرا واحدة من طريقه هزاروا ورخمته شويه عاوزة حاجه أبين بيها اني شخصيه وشخصيه قويه
بصي في الاول طبعا هتكلم من ناحيه الدين اول حاجه احنا اللي ربنا خلق لنا سما النهارده ما بينهما فضلنا نحن عن كل حاجه (ولقد كرمنا بني ادم ) فاحنا الحمد لله ربنا مكرمنا وانعم علينا اول حاجه حاولي تحطي حدود ما بينك وما بين اي شخص هيتعدى حدوده اذا كان هزار او جد مش عايزك تتكسفي خالص طول ما انت بتعملي الحاجه ولا بتغضب ربنا ولا بتغضب امي وابوكي خلاص يعني مثلا واحد حصل مثلا منه الموقف ده انا مش متقبله ده فرد عليه واقول له لا ما تعملش كده تاني وما تخافيش من كلام الناس اهم حاجه انتي ثانيا حاولي انك تكوني شخصيه هاديه خالص الهادي ده بيعرف يتصرف في الموقف ما بيخليش الناس تزعل منه ثالث حاجه حاولي ان انت تنامي مهاراتك وتنمي ذاتك وترضي ربنا وترضي مامتك وباباكي وتقراي كتب واسال الله ان يهديك ويصلح لك الحال
تم النشر الاثنين، ٣ يوليو ٢٠٢٣
لازم كمان تعملي حدود ما بينك وما بين اي حد (الناس) انتي لو مش عاجبك حاجة معينة بيعملها الشخص (س) مثلا والحاجة ديه بتضايقك ف هنا انتي لازم تتكلمي وتعبري عن اللي جواكي .. والله يا (س) انت الجملة او الكلمة اللي قولتلها ديه مش عجباني ومضيقاني ومن فضلك بلاش تستخدمها في تعاملك معايا وبس نقطة والكلام انتهي. انتي هنا لازم تعبري عن رأيك وتعملي حدود بينك وبين اي حد علشان ده اللي لازم يحصل. اعملي ده بطريقة هادية جدا، وشيك علشان تكوني عملتي حدودك، + محدش يقولك انتي غلطانه في كلامك.
تم النشر السبت، ١ يوليو ٢٠٢٣
انا فاهماك تمام ومش بالغلط انك حاسة كدة . ازاي تكوني شخصية محترمة؟ اولا لازم تكوني واثقة من نفسك ومتزنة في كلامك ، مش مهم انك تغيري نفسك علشان ترضي الناس . استمعي لحوارات التانيين وادخلي بأدب واحترام في الوقت المناسب. ثانيا مهم جدا انك تحترمي نفسك وتقفي حائط مع اي حد بيأذيكي ، حتى لو كان خالك . احكيله بهدوء وثقة ان الكلام ده مش مقبول . ثالثا ، لما تكوني مع اهلك ، استمعي ليهم واحكيلهم بمحبة وادب على اي موضوع . دي هتبينلهم انك شخص ناضج ومحترم . رابعا ، اقري واستفيدي من تجارب الناس الكبار علشان تطوري مهاراتك في التعامل مع الناس .
تم النشر السبت، ١ يوليو ٢٠٢٣
حاولي تقرأي كتاب أو تسمعي ملخص كتاب عن العلاقات وحدود العلاقات والواجبات فيها والهدف منها زي كتاب صحة العلاقات كدا ممكن يفيدك تحطي حدودك ومتسمحيش لحد يتخطاها إلا بمزاجك دا بيدي قوة للشخصية و وضوح للناس الي بيتعاملوا معاها
تم النشر السبت، ١ يوليو ٢٠٢٣
انى يكون عندى مبادىء واضحة وتظهر فى افعالى دايما بدون استثناءات ...دى اول حاجة تثبت قوة الشخصية انى يكون عندى حدود قصاد نفسي قبل ما تكون قصاد غيري ..دى نقطة مهمه جدا. يعنى اكون مقررة انى بهزر بس عمرى ما اسمح بهزار بالايد بتناقش بس بحترم رأى اللى قدامى .ولو الحوار خرج برا نطاق الاحترام فانا بوقف الحوار تماما. وهكذا
تم النشر السبت، ١ يوليو ٢٠٢٣
اهم حاجة انك تكوني واثقة من نفسك، و تعرفي قدراتك. ما تسمحيش لكلام حد انه يأثر عليكي. ابقي هادية و متزنة و استمتعي بوقتك مع اهلك. ما تديش لخالك او حد تاني الفرصة انه يسيطر على مزاجك. انتي اقوى من كده!
تم النشر السبت، ١ يوليو ٢٠٢٣
معلش بس عندي سؤال استوضح قبل ما أرد..هنا أنتي قولتي صورتين من الاحترام 1 الاحترام اللي نابع من الخوف .... 2 و الاحترام اللي نابع من الأخلاق... أنتي عايزة أنهي واحد؟
تم النشر السبت، ١ يوليو ٢٠٢٣
لعرض السؤال في فدني اضغط هنا