انا كان عندي وحدة صحبتي كنا قريبن فترة من بعض جامد فجأة حصل تاتش بينا هو اقل من تاتش اصلا هو حاجة عادية خالص كمان قمنا قطعنا علاقتنا ببعض خالص تقريبا كده ٦ شهور ويعدين رجعنا واتصالحنا تاني
وبعدين بردو قررت تبين اصلها وعملت حركات كده تبين واختها قدام بقيت البنات وطلعت عليا كلام محصلش وعملت حجات كتيرة وحشة موووووت مع العلم اني مقصرتش معاها في حق صحبتنا أبدا حرفيا وكنت معاها وقت ما تحتجني كنت جمبها اكتر من أهلها تقريبا ممكن نقول كده(مجازا يعني )
المهم احنا قطعنا علاقتنا ببعض تاني المشكلة انو انا مش قادرة انسى الي هي عملتو ومش عارفة ليه سبب بس حرفيا انا بنهار كل ما اسمع سيرتها حرفيا انا مش عارفة انا عاملة كده ليه مع إن الموضوع خلص وأنا عارفة اني مقصرتش وهي اللي وحشة وكله عارف بس انا مش عارفة انا مالي
أنا مبقتش كويسة خالص من بعدها حرفيا من اللي عملتو ده انا بقيت مهشمة بكل معنى الكلمة ومش عارفة اعمل ايه ولا بعمل ليه كده اصلا مش عارفة وحياتي متلخبطة موووووت وقلبي بيوجعني وحاسة اني بموت كل يوم وانا حتى مش قادرة أسامحها بيني وبين نفسي حتى عشان ارتاح
وحاسة ان الحاجة الوحيدة اللي ممكن تشفي غليلي اني اشوفها بتولع قدامي بس انا عارفة انو حتى لو حصل ده مش هتهون عليا ووهروح الحقها انا مش عارفة بعمل ليه كده ليه ليه
عزيزتي، أريد أن أبدأ بالتأكيد على أن مشاعرك تعتبر طبيعية ومتوقعة في موقف مثل هذا. الصداقات يمكن أن تكون معقدة للغاية، خاصة عندما تتعرض للخيانة أو الأذى من شخص كنت تعتقدين أنه قريب منك. أنت قد منحتي هذه الصديقة الكثير من الوقت والجهد، وعندما شهدت خيانتها لك، من الطبيعي أن تشعري بالألم والاستياء. الألم الذي تشعرين به الآن هو رد فعل طبيعي على الخذلان. من المهم أن تدركي أن الشفاء من هذه المشاعر يحتاج إلى وقت. يمكن أن يكون من المفيد أن تكتبي مشاعرك. قد يساعدك ذلك في التعبير عن الألم الذي تشعرين به وبدء عملية الشفاء. حاولي أيضًا أن تتذكري الأشياء الإيجابية في حياتك حاليًا، وحافظي على نفسك بما يفيدك، مثل قضاء الوقت مع أصدقائك وعائلتك الذين يدعمونك. يمكن أن يكون الغوص في الهوايات أو الأنشطة التي تستمتعين بها وسيلة رائعة للابتعاد عن الأفكار السلبية. في النهاية، اعلمي أن العقبات التي تمرين بها لا تعني نهاية العالم. يمكنك التغلب عليها وبناء حياة جديدة مليئة بالأصدقاء الحقيقيين والحظ الجيد. إذا كنت بحاجة إلى مزيد من الدعم، فقد يكون من المفيد التحدث مع مختص نفسي، فهم يمكن أن يساعدوك في تجاوز هذه الفترة العصيبة. تذكري دومًا أن الله معك، وأن ما تفرطين فيه من أذى ستحصلين على تعويضه بخير إن شاء الله.
تم النشر الاثنين، ١٠ مارس ٢٠٢٥
انا مقدرة قيمة الصداقة وقيمة العشرة بس دي مش صداقة اي حد مايقدرش قيمتك ما يستاهلش انك تزعلي عليه وماتخديش قيمتك من اللي حواليكي لان ارضاء الناس غاية لا تدرك لكن في نفس الوقت ما تتمنيش الاذي لحد وممكن يكون في حد موقع بينكم او نقل كلام لو ده حصل متصدقيش غير اللي بتسمعيه بودانك وبتشوفيه بعنيكي متركزيش علي الوحش حاولي شوفي النعم اللي في حياتك يعني مثلا لو صديقة خذلتك عندك عيلتك او عندك ناس تانية بتحبك ولو مفيش حاولي اشغلي نفسك بحاجة مفيدة اقرأي او اكتبي يومياتك عبري عن مشاعرك علي ورق ده بيريح اوي اتمني لك السعادة وانك تتخطي اللي انتي فيه في اقرب وقت 🥰🥰
تم النشر الخميس، ١٣ مارس ٢٠٢٥
متفهمه جدا مشاعرك وجودك جمب شخص ومساعدتك ليه وانك تكونى جمبها ف ظروف كتير وبالرغم من افعالك الكويسه معاها إلا انها اختارت نكران الجميل وانها تكون شخص سىء عند الخصام دى حاجه اكيد هيجي اليوم وتندم عليها ربنا يهديها وإن شاءالله تستوعب أن هى غلطت ف حقك وتحاول تتوب عن الفعل وتعرف قد ايه انتى كنتى حد كويس وهى غلطانه ف حقك ، كمان عاوزه اقولك أن مشاعرك دى طبيعيه جدا متستغربيش نفسك بالعكس اى حد يبعد عننا بعد ما يكون صاحبنا وعزيز علينا طبيعي أننا نزعل وجدا كمان متتمنيش ليها الشر ابدا خليكى كويسه احسن منها حتى قدام ربنا وقدام نفسك تكونى عملتى الى عليك وحفظتى اسرارها حتى لو هى معملتش كده بس على الاقل تحاولى تتقبلى انها خلاص مشيت وان عياطك وزعلك عليها مش هيرجعها وإن شاءالله ربنا بجبر بخاطرك ويعوضك بخير بتفكرينى بنفسي ف فتره من الفترات افتكرت أنها نهاية الدنيا لما واحده عزيزه عليا مشيت الحقيقه ان جه بدالها واحده كويسه جدا جدا والحياه كده ربنا بيشيل عننا اى حد مش خير لينا وإن شاءالله ربنا يعوضك خير
تم النشر الأربعاء، ١٢ مارس ٢٠٢٥
لعرض السؤال في فدني اضغط هنا