انا اتعرفت ع اتنين من بلدي علشان نروح الجامعه سوا وحاليا انا بسببهم نفسيتي سيئه جداا نتيجه التصرفات الغير كويسه الي حصلت من تجاهم وانا مش برد اوي ومش اتعامل ياريت حد يفيدني اعمل اي انا تعبت وعمري ما تعرضت لمواقف زي كدة انا عايزه ابعد عنهم ولكن من غير عتاب ولا لوم علشان انا عتبت ولومت كذا مره اخر موقف كان اوحش موقف فقررت اني مش هتعاب تاني لأن كل واحد عارف بيعمل اي كويس قولت ابعد وانسحب بهدوء ولكن مش عارفه ازاي لأن يقابلهم كتير ف الجامعه وانا حقيقي تعبت نفسيا لأن عمري ما اتعرضت للقرف دا قبل كدا حد يقولي اعمل اي وأزاي اتجرأ بعد كدا علشان اقدر ارد كويس ع اي حد يعمل معايا اي موقف
كويس ان ده حصلك فى الاول ....ياما هتقابلى ناس ..مش كل اللى تقابليه ينفع يكون قريب منك ( سواء عرفتيهم صدفه او جمعتكم اى ظروف ) تفتكرى حد يقدر يغصبك تلبسي جزمة مش مقاسك حتى لو هى ماركة ممتازة.( طبعا لا) الرفض القاطع بكل الاشكال وتجاهل الشخصيات دى هو الحل الاكيد ( اخرهم معاكى صباح الخير - سلام عليكم ) والمواقف السيئة اللى حصلت منهم هى مجرد دروس اتعلمتى منها متقبليش ده مره تانيه من اى حد....وتقدرى تقولى بعد كده لا ومليون لا للشخصيات اللى تفكر تيجى عليكى باى موقف. احترامك لنفسك هو اللى هيجرأك انك متنزليش من قيمة نفسك وتتكسفى تردى.
تم النشر الأحد، ١١ ديسمبر ٢٠٢٢
ازيك، أتمنى تكوني بخير. فيه دلوقت حلين ... أول واحد وهو المواجهة وهي أنك هتجمعيهم وهتقولي ليهم أنك بترفضي أنك تتعاملي معاهم بالشكل ده، وانك رافضة معاملتهم ليكي، وكم المشاكل اللي بتتعرضي إليها بسببهم. ازاي تتجرأي أنك تعملي كده؟ ببساطة شديدة، هو انتي مش عايزة تاخدي حقك، مش عايزة تستريحي؟ مش عايزة تحسي بانك عملتي قرار صح؟ يعني هما هيعملوا ايه؟ أو قلقانه من ايه؟ ايه أسوأ حاجه ممكن تحصل يعني؟ فكري كده! ايه أسوأ حاجه بتحصل لما تقولي الكلام ده، فكري في بعد كده انك مش هتسمحي لحد ابدا يدخل حياتك ويأذيكي بالشكل ده. الحل الثاني. وهو التجاهل .. يعني هوا .. هتحاولي متبقيش موجودة ف أي مكان بيجمعكم سوا، الجامعة هتحاولي بقدر الإمكان متحتكيش بيهم، مثلا هيجيوا يقفوا معاكي .. عن اذنكم هستأذن .. وتمشي. يبعتوا ليكي مترديش ... يسألوا عليكي .. أصلها نايمة، راحت عند صاحبتها، مش موجودة ..! وهكذا .. عايزة اقولك ان الأشخاص ديه لما تلاقي اللي قدامها ضعيف بتيجي عليه اكتر واكتر. أما لما تلاقي اللي قدامهم ولا بيهمه وهياخد حقه غصب عن عين أي حد، هتلاقيهم بيرجعوا لورا. متخافيش .... واتعاملي مع الموقف.
تم النشر الأحد، ١١ ديسمبر ٢٠٢٢
المسافات طبعا ومتدعيش ع حد حقك هيرجعك بكيفية يعلمها علام الغيوب
تم النشر الأحد، ١١ ديسمبر ٢٠٢٢
لعرض السؤال في فدني اضغط هنا