بماذا تنصحوني في هذه المسألة العاطفية؟

Question

انا كنت كلمت واحد ومع مرور الوقت هو حبنى وانا مشاعرى كانت مايلة بس مش اووى وهو انسان محترم وبيصلى وحنين وبيقدرنى بس مش مكمل تعليم.. انا صراحة عاوزة جوزى متدين وحافظ القران وهو مش متدين.. كمان حابة بردو ليكون لى استايل وكدا ورومانسى بس خايفة ميكنش رومانسى انا مش عارفة هو كدا ولا لا لان صراحة عمره ما اتعدى حدوده معايا فى الكلام وهو كلم بابا وقاله انه عاوزنى ومش هيقدر يعيش من غيرى.. وبابا قاله لما اخلص تالته ثانوي اعمل اى انصحونى.. وخايفة ميكنش شكله زى اللى فى الصور ومع ذلك بحن ليه اوووى

Accepted Answer

السلام عليكم ورحمه الله وبركاته إن شاء الله التسجيل ده يكون شغال افضل من قبلي انا انا كنت بقول لك ان والله الطريق اللي احنا ماشيينها كده تمام ان هو كلم والدك وهنتظر المرحله بتاعه الخطوبه اللي حصل دلوقتي ده بتبقى مرحله القبول الاولانيه تمام انا تقبلت الحاجات الظاهريه الاوليه اللي انا شفتها من الشخص واللي خلتني اتقبل اني اتعرف عليه اكثر. مساله الاعتياد بقى دي مساله جانبيه احنا هنبدا عنها خالص لان احنا هنمشي مضبوط بقى من بعد ما هو كلم بابا لانه ده الطريق السليم وهننتظر لحد ما يكون في خطبه رسميه الخطبه دي هنبدا فيها بقى نشوف اذا كان باقي الحاجات اللي احنا محتاجين نتحقق منها موجوده في الشخص ولا لا ودي اللي هتخلينا نحدد هينفع نكون زوجين بيأسسوا بيت جميل متفاهم ولا هيكون فيه عقبات هتمنعنا من ده وده اللي بيقول ان احنا مش هننفع زوجين والله ده سواء من اتجاهك او من اتجاهه هو هيشوف اذا كان في بقيه الحاجات اللي بيدور عليها موجوده عندك ولا لأ لانه طبعا الاكتفاء بالمشاعر الاوليه بتاعه القبول دي مش كافي وهنحتاج ان احنا نتاكد من بقيه الحاجات دي لقيت الحاجات دي جميل وهنستكمل الجواز ما لقيناش. دي هنكون عادي جدا بنقرر ان احنا نوقف الخطبه وكل واحد يتجه لطريقه ان شاء الله يلاقي فيه اللي يناسبه والافضل فبلاش نسترسل في المشاعر بزياده علشان لو انت لقيتي إنه الشخص مش مناسب الموضوع هيبقى اصعب بكتير وهتكوني ظلمتيه وهتكوني ظلمتي نفسك برده في أي حال من الاحوال فاتمنى ان انا يعني اكون الكلام ده وضحته لي كويس قوي قوي خلي بالك منه كويس قوي ربنا معاك.

بماذا تنصحوني في هذه المسألة العاطفية؟

اجتماعية

حب

سؤال من احد أعضاء فدني

تم النشر الأحد، ٢٠ أبريل ٢٠٢٥

1 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك