في واحدة شفتها وحسيت حرفيا بانجذاب من اول نظرة وبراحة نفسية لما بشوف وشها وملامحها. هي كانت معرفة امي الله يرحمها (بس مش نفس سنها اكيد هي لسه شابة برده).
انا عارف انها اكبر مني بكام سنة (يمكن خمس سنين) وانها عندها بنت. وعرفت بالصدفة انها منفصلة بس هي غالبا فاكرة اني معرفش النقطة دي.
عايز افاتحها معرفش ازاي. انا مليش كلام معاها الا لما بشوفها بالصدفة لما اروح المكان اللي كان بيجمعها بأمي.
🎤 إجابة صوتية
تم النشر الخميس، ٦ فبراير ٢٠٢٥
السلام عليكم، زي ما كوتش ياسمين قالت حضرتك محتاج الأول تتحقق وتتأكد من مشاعرك... مش أي حد بنحس بإنجذاب أو راحة أو إعجاب ناحيته ينفع نتزوجه. إذا تأكدت فعلا إن هي دي اللي شايفها زوجة ومناسبة لك فقبل ما تقرر تفاتحها أو تفاتح أهلها محتاج تعرف الظروف في بيتك إيه. هل أهلك ممكن رأيهم يكون مخالف لرغبتك؟ ممكن يرفضوا عشان فرق السن وكمان عندها بنت وخصوصا لو حضرتك مكنتش أصلا تزوجت من قبل. رفض الأهل وعدم تقبلهم لها ممكن يتسبب أصلا في إنك متقدرش تروح تتقدم لها بعد ما تكون خلاص فاتحتها وممكن حتى يظهر رفضهم في معاملتها وأنت بتتقدم أو بعد الخطبة.. وده فعلا حصل مع ناس للأسف. فتأكد الأول من مشاعرك وقرارك والأحوال عندك وكمان هل هي أصلا مستعدة تتزوج مرة تانية وبعدين استخير ربنا وساعتها الأفضل تتقدم لأهلها مباشرة. بالتوفيق إن شاء الله.
تم النشر الخميس، ٦ فبراير ٢٠٢٥
من الجميل أن تشعر بهذا الانجذاب والراحة النفسية تجاه شخص ما. ومع ذلك، يجب أن تتعامل مع الأمر بحذر واحترام لمشاعرها وظروفها. إليك بعض الخطوات التي يمكنك اتباعها لفتح موضوع الزواج معها: تهيئة الأجواء : حاول أن تتواجد في المكان الذي يجمعك بها بشكل أكبر، وابدأ بالتحدث معها في مواضيع عامة. هذا سيساعدك على بناء الثقة والراحة بينكما. التعرف عليها بشكل أفضل : حاول أن تفهم شخصيتها وظروفها بشكل أوضح. يمكنك أن تسألها عن اهتماماتها وأفكارها حول الحياة، وليس بشكل مباشر عن الزواج. صراحة ووضوح : بعد أن تشعر أن هناك تواصل جيد بينكما، يمكنك أن تكون صريحًا في مشاعرك. يمكنك أن تعبر لها عن إعجابك بها وكيف أنك تفكر فيها بجدية. احترام الظروف : تذكر أنها أم ومنفصلة، لذا يجب أن تكون حساساً لموقفها. اعرض نيتك بكلمات واضحة، لكن احترم أي قرار قد تتخذه. كن مُحتملًا للردود : كن مستعدًا لتقبل أي رد منها، سواء كان إيجابيًا أو سلبيًا. من المهم أن تكون مستعدًا للدعم حتى لو اختارت عدم الاستمرار في المسار الذي تفكر فيه. تأكد من أنك تأخذ في اعتبارك مشاعرها واحتياجاتها، وأيضًا ظروف ابنها. إن الزواج علاقة تتطلب التفاهم والاحترام المتبادل. وفقك الله في مسعاك.
تم النشر الخميس، ٦ فبراير ٢٠٢٥
طالما انت هتدخل البيوت من أبوابها متخفش حتي لو اترفضت المهم تكون شجاع ومتخفش ظبط الاول حياتك عشان لما تتكلم تروح وانت كامل وتعرض عليها الموضوع وفقت تبقا نصيبك رفضت يبقا نصيبك بردو ممكن تخلي حد ثقه يكلمها يديها نبذه لو عندها رغبه هتقولك تعال معندهاش يبقا خلاص بس عاوز اقولك حاجه بلاش تحبها اوي من البدايه غير لما تتأكد انها بتحبك وعاوزاك عشان لا قدر الله لو مكنش في نصيب هتتعب اوي جرح القلب ملهوش علاج
تم النشر السبت، ٨ فبراير ٢٠٢٥
كلمها انت بلاش تخلي وسيط
تم النشر الجمعة، ٧ فبراير ٢٠٢٥
كلم حد قريب منها يعرض عليها، يمكن اصلا مش ناوية للخطوة، ان شاء الله يقدم الخير
تم النشر الجمعة، ٧ فبراير ٢٠٢٥
خش البيت من بابه وربنا هيكرمك ان شاء الله
تم النشر الخميس، ٦ فبراير ٢٠٢٥
لو تعرف تروح لأبوها تكلمه و تسأله وتدخل البيت من بابه هيبقى حلو اوي و اتكل على الله ولو عايزاك هتوافق ولو لا يبقى ربنا شايل لك احسن منها و هتكون رحت و دخلت البيت من بابه وعملت اللي عليك و سعيت وإن شاء الله ربنا يديك اللي فيه الخير ويوفقك
تم النشر الخميس، ٦ فبراير ٢٠٢٥
لعرض السؤال في فدني اضغط هنا