انا بفضل من الله مجتهده ف دراستي وبتعلم مواهب بسرعه وشاطره ف كذا حاجه بشهاده الجميع بس مشكلتي اني بكسل اعمل الحاجه وبسوف بطريقه رهيبه حتى ف دراستي اللي مجتهده فيها الحمد لله بقيت استهتر فيها حتى ليالي الامتحانات بلعب فيها وازاكر يومين تلاته مع اني بحب المزاكره وطول عمري كنت الشخصيه الدحيحه وبفرح بالمعلومه .. وهكذا ف كل نواحي حياتي لاني لو سمعت بودكاست او اي تحفيزيات مش بيدوم تأثيرها كتير وبحط لنفسي عقبات تكسلني تاني .. لو حد يقدر ينصحني ازاي اكون شخصيه مسئوله واخرج من منطقه الراحه واخد قرارات انتاجبه صحيحه وابطل اللا مبالاه و الاستهتار اللي ضيعوا مني فرص كتير ف حياتي
والله يعني في حلول كتيره بس دا واحد: اولا بس لو عايزه الخلاصه بعيدا عن الحاجات التحت بالرغم من أنها مهمه 1- نظمي وقتك علي حسب النقاط الي في الصوره وهحاول اسب لك فيديوهات بردوا 2-صومي الدوبامين بمعني اي حاجه بتحسسك بالسعاده الفوريه الدوبامين الكاذب اقطعيها لمدة يومين وحسي بالملل واعملي اي حاجه تانيه مش بتحبيها لكنها مفيده وحرفيا هتركزي وتنتجي وتتغير 180 درجه وهما زي: الموبايل ، السكر ، الالعاب ، الافلام ، السكرولينج وخلاص في السوشيال ، وحاجات تانيه كتير 1-اصنع بيئة الإنتاجية يعني مكان الي هتذاكري فيه فيه كل حاجه محتاجه بس وتشيلي المشتتات وتعرفي كل حاجه موجوده ليه ولازم تبقي عارفه كل حاجه بتتعرضيلها سواء موافقه معاها أو لا بتكون شخصيتك وافكارك فلازم تتابعي ناس ايجابيه 2-سهلي علي المفيد وصعبي علي الي هيسرقك ، يعني خلي موبايلك في ابعد مكان أو اي كان المشتت وسهلي علي الي عايزه تعمليه مثلا 3-محفزات عشان تبدأ مثلا تخلي الكتاب مفتوح علي الي هتذاكريه ومكأفات مثلا كل ما تذاكر ماده كأفاي نفسك بحاجه بس مش دايما يعني مره ومره عشان ممتتعوديش وتكسلي 4-ممكن تستخدمي قاعدة ال5 دقائق بانك تبدأ بس بخمس دقائق وهتلافي نفسك كملتي لوحدك 5-اعملي قائمة مهام زي مبيقولوا الحاجه لو متكتبش هي مش موجوده فلازم تكتبيها ومتزوديش عن تلات مهمات تكوني كاتباهم قبلها بيوم 6-ابدا بالصعب والأولويات وكثري من المهام السهله الي مبتخدش اكتر من دقيقتين عشان تحسي بالانجاز وتكملي 7-واجهي الي بتخافي منه أو تسوفيه دائما لحد ما تنزرع في شخصيتك الصفه دي ومتقدريش تسوفي 8-ولازم تحطي وقت محدد ونهائ وهدفك يبقي ذكي مثلا عايز اراجع مادة العلوم بديبقي كل يوم هذاكر ساعه من 9 ل10وتبقي حاجه انت قادره عليها عشان متبقاش صعبه بعدين 9-الرياضه ولو اي تمرين بسيط هياثر في حاجات كتير منها استعادة طاقتك والنوم لازم عشان تصحي بسرعه وفايقه تنامي مضاعفات الساعه ونصف وتبداي من ٦ لحد سنك بقا علي حسب جدول النوم 10-استخدمي تقنية pomodoro 25 دقيقه شغل و 5-10 دقائق راحه تعمل فيهم اي حاجه بس مش في لموبايل 11-يفضل العمل الصبح عشان دا بيبقي وقت مناسب عن بليل بعيدا عن انك شخص ليلي أو نهاري دا احسن 12-المهام الكبيره قسميها لمهام اصغر 9-ابداي والنهايه في مخك ولازم يبقي في محافظه والموضوع مش هيبقي سهل عشان تبقي ملتزمه محتاج اراده بس 10-وحاجه مهمه جدا غالبا ممكن تكوني بتعمليهي. هي السلبيه يعني ممكن تكتبي عبارات ايجابيه حواليك ودائما ترددي انك منجزه مثلا ولو مكنتيش هتكوني بعدين عشان كده انتي بتبرمجي عقلك علي الايجابيه وهو بياثر في حياتك 90% 11-تجربتي: أنا كنت بذاكر واطلع من الأوائل بس من غير ما اذاكر دا عشان كنت يعتمد علي ذكائي وسرعة حفظي فمينفعش تستهويني وتاخدي بالاسباب 12- ركزي علي مهمه واحده بس لو حاجه مش محتاجه تركيز بدون وعي يعني لو برودكاست معاه حاجه مش محتاجه تركيز عادي 13-ودي بقا في علم النفس ممكن تكتبي في ورقه انك بتكسلي ومش بتنتجي وكل حاجه عايزه تتنلصب منها واحرقي الورقه و اضمن لك هتتخلصي من الافكار دي باذن الله وهي عاما كتابة الأفكار بتصفي الذهن فانصحك بالتدوين والتدوين والتدوين اخيرا:ترك المعاصي والذنوب والتوكل علي الله وانجاز بنيه بكسبك ذنوب وبركه اسف اني كتبت كلام كتير معظم مش خاص بالتسويف اوي بس هيحسن حياتك عاما بس ممكن تتابعي الفيديوهات دي وهتستفادي اكتر إن شاء الله واخيرا كل كلامي دا واخد من مكان واحد الي هوا qoura انصحك تسالي سوالك أو تشوفي اجوبه عليه وهتلاقي محتوي راقي: https://youtu.be/ffuZ-LymWhQ https://youtu.be/bJ6kfrEQJuM https://youtube.com/shorts/VbolBmMiW7g?feature=share https://youtu.be/GZpk7Vqv3jQ
تم النشر الخميس، ٢٧ يوليو ٢٠٢٣
أنا أقدر طرق كتير جدآ بس الأفضل لو تتفرجي عليها بنفسك، اكتبي على اليوتيوب (ملخص كورس تعلم كيف تتعلم) هيجيلك قناة إسمها دروس أونلاين و الفيديو عليه صورة أينشتاين أتفرجي عليه و هيقولك كل حاجه ممكن أى حد يقولها لك دلوقتي أو بعدين... وبس.
تم النشر الخميس، ٢٧ يوليو ٢٠٢٣
أبعدي عن المشتتات أول كام يوم الحوار هيبقي صعب بس بعدين هتتعودي عليه أمسحي تطبيقات السوشيال محدش محتاجك عليها فعلاً تخيلي كل الناس مشتته بسبب السوشيال ميديا وأنت بتنجزي وهما لسه قاعدين بيشيروا بوستات كدا أنتي هتاخدي advantage على كمية بشر كتير أوي وهتحسي إنك في منافسه مع نفسك مش أي حد تاني
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا