السلام عليكم ورحمه الله وبركاته
كنت عايزه اسال اي حد ممكن يفيدني لاني في حاله عذاب كبيره ما بين الصح والغلط والحرام والحلال،
دلوقتي انا ماما تعباني في حياتي ومخلياني في حاله توتر واكتئاب كبير لدرجه اني بفكر اعمل حاجه في نفسي لاتخلص من العيشه معاها جربت معاها كل حاجه اعتزلها بردو بتاذيني اعاملها كويس تكون قدامي بوش ومن ورايا بوش
خربت لي خطوبتي وبتشوف اي حاجه بحبها تبوظها وتحرمني منها خدت القطط بتاعتي رميتهم في الشارع وانا والله عمري ما كنت قاسيه عليها دايما بفضلها على نفسي واريحها بكل الطرق ومش بلاقي منها غير معامله خبيثه ودعوات من اوحش الدعوات اللي ممكن تتخيلوها
انا مبقتش قادره استحمل لدرجه اني بقيت ارد عليها وادعي اني خصيمتها ليوم القيامه قدامها من كتر ما هي بتاذيني
انا خايفه من عقاب ربنا رغم اقسم بالله العظيم هي الي بتظلمني وهي عارفه اني شخصية حساسه وبتستغل دا وتفضل تدوس على الحته دي فيا اوي لسه داعيه اني ربنا يبتليني بمرض ملهوش علاج وان مشوفش سعاده ولا هنا في حياتي وان قلبها وربها غضبانين عليا
انا بخاف اوي من الدعوات دي انا والله العظيم عمري ما ظلمتها ولا قسيت غير لما شفت منها قساوه عمري ما اتخيلتها منها وانها بتحب تشوفني حزينه ولما بتشوفني بعمل حاجه تبسطني تفضل تنتقدني وتبصلي نظرات مستخسره فيا الفرحه حتى خطوبتي فضلت وراها لغايه ما بوظتها
قولولي بالله عليكم هل الدعوات دي ممكن تستجاب انا مش عارفه اشوف يوم فرحه بسببها وبترعب من الدعوات وانا والله ما عملت معاها حاجه تستدعي دعوه واحده من دي بس وربنا عالم وشاهد ومش بيرضا بالظلم
ربنا يعينك ي حبيبه قلبي دا بلاء من ربنا ليكي بيمتحنك فيه عاوز يشوف صبرك وكلنا عندنا ابتلاءات بس ب اشكال تانيه وانت بلاءك مع اهلك عاوزه اقولك ان فيه كتير امهات نرجسيين او زي منقول ام سامه ودي يمكن نتيجه عقد طفوله عندها او يمكن يكون مرض نفسي وفي الحاله دي منقدرش نعمل حاجه غير انك تستحمليها وتحاولي متقوللهاش اي سر عندك طالما هي مش امينه وهتعايرك بيه دا استنادا علي كلامك لكن انا معرفش الحقيقه واللي يمكن تكون من جانب تاني خالص وهقولك برضو تتكلمي معاها وتتفضفضي باللي جواكي نحيتها لوالدك او اي حد تاني مسئول عنك او ممكن برضو تقوللها انها قاسيه عليكي وتسأليها عن السبب دا في حال لو هي ام طبيعيه وبتحبك ويهمها زعلك ودا استبعدو عشان قولتي انها بوظت خطوبتك اللي لحد الان مش فاهمه اي اللي يخلي ام تعمل كدا وخصوصا انك بنتها ف ربنا يعينك بجد وحاولي تتجنبي اذاها قدر الامكان ومهما حصل متتجاوزيش الحدود معاها وصلي وادعي ربنا يهدهالك وربنا معاك🤎
تم النشر الأربعاء، ٢٦ فبراير ٢٠٢٥
عليكم السلام ورحمة الله وبركاته، أختي العزيزة، أقدر مشاعرك وآلامك التي تمرين بها. من الواضح أن الوضع الذي تعيشينه مع والدتك يسبب لك الكثير من التوتر والقلق. أريد أن أوضح أن العلاقات الأسرية قد تكون معقدة وأحيانًا تؤدي إلى مشاعر صعبة، لكن من المهم أن يكون لدينا أسلوب للتعامل معها. أولاً، يجب عليك أن تعلمي أن الدعوات السلبية قد تكون مؤلمة، وقد تكون نتيجة لمشاعر الغضب أو الألم. لكن تذكري أن الله سبحانه وتعالى هو العادل، وهو يعلم كل شيء. عليكِ أن تتمسكي بالإيمان، وأن تدعي لنفسك ولها بالهداية. بالنسبة للتعامل مع والدتك، هناك بعض الاستراتيجيات التي يمكنك التفكير فيها: التواصل الهادئ : حاولِ أن تعملي على فتح حوار هادئ معها، حيث تعبرين عن مشاعرك دون أن تتهميها. أحيانًا تكون المشاكل نتيجة لسوء فهم أو عدم وعي. وضع حدود : إذا شعرتِ أن هناك سلوكيات تعرضك للأذى، يمكنك تحديد حدود لما يمكن أن تتقبليه. ربما يكون من المفيد أن تخبريها بطريقة لطيفة أنك بحاجة لبعض المساحة. البحث عن الدعم : قد يكون من المفيد التحدث مع أحد الأصدقاء المقربين أو الأقارب الذين تثقين بهم، أو حتى الاستعانة بمستشار نفسي للمساعدة في تحليل الوضع وتعزيز قدرتك على التعامل معه. دعاء الصبر والقدرة : قدمي دعاءك إلى الله بأن يسهل عليك الأمور وأن يمنحك القوة لتحمل هذا التحدي. لا تفقدي الأمل، فأنتِ قوية وقادرة على تخطي هذه الصعوبات. تذكري، أن الله مع الصابرين، وأن في كل محنة هناك فائدة. أسأل الله أن يغير حالك إلى الأفضل وأن يرزقك السعادة والهدوء.
تم النشر الأربعاء، ٢٦ فبراير ٢٠٢٥
لا اول مره
تم النشر الأربعاء، ٢٦ فبراير ٢٠٢٥
انتى كتبتى نفس المشكلة قبل كده على فدنى ؟
تم النشر الأربعاء، ٢٦ فبراير ٢٠٢٥
لعرض السؤال في فدني اضغط هنا