انا مدرس ومشكلتي مش اني ازاي اشرح او اوصل معلومة الحمدلله ربنا موفقني في ده انما مشكلتي في العصبية مع اللي مش بيذاكر انا بصبر مره واتنين وتلاته لكن لما بلاقي مفيش فايده بتعصب اوي علي الطالب ف عاوز اعرف انا كده صح ولا غلط ولو غلط الفروض العصبية تبقي ازاي؟
هو طبعا العصبية على حسب هى شكلها ايه انك تطلع رد فعل للى مش بيذاكر فطبعا دى حاجة اساسية ومهمة....عشان ميبقاش اللى بيعمله عادى. بس رد الفعل لازم يكون على قدر الموقف ويكون مش هيسبب اذى قد ما هيكون فى اتجاه النتيجة الافضل. يعنى ممكن نبرة الصوت تكون حادة وكمان الكلام يكون بينبه الطالب ان اللى بيعمله مش مقبول انك تحطله تبعات على افعاله عشان يوقف ويغير الاهمال لاهتمام. انك تغير معاملتك معاه لشكل حاد ممكن بردوا . الفكرة الاهم ان ده مش هيجيب نتيجة مع الكل ...لان فى اولاد بيفرق معاهم التشجيع اكتر من العصبيه والعقاب. فالافضل انك تقيم الاول رد الفعل قبل ما تطلعه ...ايوه انت خايف عليهم وكمان صعبان عليك مجهودك ...بس نصيحة منى الجيل الحالى بيجى بالمكافآت اكتر عشان يهتم ويذاكر وكمان لو هو حاسس ان انت وهو صحاب هيخاف على زعلك وممكن يذاكر بس عشان كده.
تم النشر الأربعاء، ١٧ مايو ٢٠٢٣
اضافه لتعليق د.ياسمين.. حاول تعرف اسباب الامتناع عن المذاكرة أو الإهمال فيها لانه وللاسف كتير من الأسر لا تعطي القدر الكافي من الاهتمام بالتلميذ أو الطالب من حيث المذاكرة ومتابعة تقدمه، طبعاً ده مش هيكون سهل على حضرتك .. لكن على الأقل هتقدر تفهم شخصية تلميذك واتجاهات ميوله، وانصحك تحط في اعتبارك ديما الفروق الفرديه بين تلاميذك وانك تتعامل مع كل واحد فيهم على حسب شاكلة مهاراته العقلية.. وده تقدر تعرفه بسهوله في حالة قربك منهم لكن بحدود، وافتح مجال للحوار الصحي ولو نص ساعه مخصصه حسب جدولك اسالهم عن طموحاتهم وكل واحد نفسه يكون ايه وليه اختياره الحاجه دي .. اديهم مهام يعملوها خارج المقررات الدراسيه لكن في إطار التعليم ويكون على حسب مرحلتهم العمرية .. كمان ثقف نفسك في ازاي تقدر تفهم شخصياتهم باختلاف أشكالها.. كن مربي أولا ثم معلم... ده هيكلفك مجهود كبير لكن صدقني هتستفيد وهتستمتع وهيكون ليك اسلوبك الخاص في التدريس، وده هيعود عليك بتقدم مهني كويس جداً، فضلاً عن كل ده أجرك عند الله.
تم النشر الأربعاء، ١٧ مايو ٢٠٢٣
العصبية لا تحل مشكلة ... وفي نفس الوقت لا يمكن اهمال عدم اتمام كل شخص ما عليه. وهنا أنت في حاجة لمعرفة حل المشكلة، مشكلة عدم دراسة ذاك الطالب لما عليه، ربما كان يعاني من وضع سيء، ربما يكون بسبب أنه يعاني من مشكلة في الفهم، ربما اي شيء لذا عليك سؤال الطالب لماذا، واجراء حوار فعال معه، حول هدفه في الحياة، ما يحب وما يكره، المادة التي يفضلها، والتي لا يحبها، إن كانت هناك جامعة معينة يفضلها، ساعده على وضع خطة للدراسة، ضعا سويًا جدولًا لاتمام ما عليه وراقب معه تقدمه، واحرص في هذا الجدول على ان يتناسب مع قدراته، ثم وضح له في الأخير أنه إن لم يلتزم فإنك لن تستطيع أن تساعده أكثر من ذلك وحينها ستتوقف عن تدريسه لأن هذا تضييع لوقتك ووقته .. هذا باختصار الطريقة التي أراها مناسبة للتعامل مع المشكلة
تم النشر الخميس، ١٨ مايو ٢٠٢٣
العصبية اكيد مش حل و بالذات لو كانت قدام حد زي صحابه او اهله لانه كده هيتعبرك بتهينه و بتقلل منه ف الحل انك بعد ما تصبر مرة و اتنين و تلاتة انك تاخده علي جنب و تتكلم معاه و تفهم منه ليه مش بيذاكر و يهتم بمستقبله و قلوهم انك مش عايزهم يخذلوك و عايزهم يطلعوا ناجحين حاسسهم بالمسئولية و اديهم تشجيع عشان كل ما يقفوا يفتكروك و يكملوا تاني و اهم حاجة حاول تصاحبهم و تخلي وقتك معاهم ممتع و تشرح الحاجة بهزار و تربطها بحاجات تانية +مبسوطة جدا ان فيه مدرسين مهتمين بطريقتهم مع الطلبة و بيدوروا علي حل 👍
تم النشر الخميس، ١٨ مايو ٢٠٢٣
• بالطبع هذا سلوك خاطئ ، ولا يليق لمهنتك.
تم النشر الخميس، ٢٥ يناير ٢٠٢٤
لعرض السؤال في فدني اضغط هنا