انا وحيده ونفسي يكون عندي صحاب
هنتكلم افضفض نخرج نهزر نضحك يسألو عني واسأل عليهم يحبوني واحبهم
تم النشر الاثنين، ٢٩ يناير ٢٠٢٤
حاولي تندمجي في اي نشاط تطوعي هيكون مفيد ليك. او تاخذي كورس .. او تنزلي تدريب في شركة .. ده كله هيجمعك بناس وهتعملي علاقات ..
تم النشر الاثنين، ٢٩ يناير ٢٠٢٤
عارف ان عندك احتياج عاطفي او احتياج لاشخاص في حياتك لانك حاسه بالوحدة ، بس الأصدقاء مش الحل أبداّ وبالذات وانتي في الحالة دي ، فأولا لازم تقربي من ربنا وتقربي من القرآن وتكوني صاحبة للقرآن ، واقعدي ادعي ربنا واحكيله على كل حاجه ، احكي كل تفصيله صغيرة وكبيرة ، مهما تحكي ربنا هيسمعك ، وقربك من ربنا هيخليكي تحسي باحساس الراحة وعدم الاحتياج لأي حد من دون الله ، وحتى لو احتاجتي صديقة مشاعرك ناحيتها مش هيكون فيها تعلق واعتماد زائد عن اللزوم ، حتى لو قدر الله والصديقة دي مبقتش كويسة مش هيفرق معاكي اذا كانت مشيت او قعدت ، ليه؟ لان قلبك هيكون مطمئن بالقرب من الله عز وجل ، فأهم شئ قربي من ربنا واتعلمي دينك ، واتعلمي مين هو ربنا واعرفي ربنا الأول وقربي منه ، وبعد كده دوري على صديقة زي م انتي عاوزة ، واسأل الله ان يرزقك صحبة صالحة نافعة تأخذ بيدك الى الجنة ، وان يطمئن قلبك وان يغنيك وان يشبع مشاعرك بالقرب منه سبحانه وبحمده
تم النشر الاثنين، ٢٩ يناير ٢٠٢٤
وبعد ميبقي عنديك صحاب هتعملى ايه؟
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا