سلام عليكم ورحمه الله وبركاته
انا كنت اللعب لعبه ببجي كعادتي وانصدفت ببنت في اللعبه وكان اسمها الاء ولعبنا مع بعض لفترات طويلة وبقينا اصدقاء واخدت رقم الواتس وبيقينا نتكلم وفي خلال يومين ظهر الاعجاب بيني وبينها وكالعادة طلبت اشوفها وهي كانت خايفه تبعت صورها قالت ابعت صورك انتا الاول وبعت وهي بعتت وحبينا بعض وكانت هي في 3 معهد تمريض وانا في رابعه كليه تجاره وهي كانت من كفر الشيخ وانا من الشرقيه وكنا بنحب بعض قوي وكنت متافق معاها هخلص كليتي بعد الامتحانات واجي اتقدم بس حصل زعل بيني وبينها بسبب اني في يوم ايام امتحانات لياا وكده وكنت سهران بقالي يومين منمتش بسبب المذاكره وهي قالتلي عاوزه نسهر سوي قولتلها انا محتاج انام بقالي يومين منمتش فضلت تتحايل لحد لما وفقت وساعتها كنت بنام علي نفسي وبدل مقولها يا الاء قولتلها يا أيه بالغلط لقيتها بتقولي مين أيه دي قولتلها والله معرف انا قولتها الزاي انا معرفش اصلا بنت اسمها ايه المهم عدتها وحنا بنتكلم نديتها تاني بإسم أيه راحت قافله في وشي وبعد مصالحتها في نفس الليله وتكلمنا تاني حصل نفسي الكلمه ٣ مره بس المره دي هي بعدت عني خالص ورحت كلمتني بس قالت خلينا صحاب حكيت الموقف لوحده صحبتي في الجامعه قالتلي هاتلي رقمها وانا هكلمها ولما كلمتها جات أيه بتقولي خلي صحبتك تنفغك وعملت بلوك لياا وبجد انا بحبها ومش عارف اتخطي الموقف وعمال حرفيا اكتم جويا ولما اجي اصلي بروح معيط ومبطلش عياط اعمل اي ساعدوني 😭💔
بص انت بما انك بتحبها وشاريها حطها تحت امر واقع وروح اخطبها وصراحه انك تدخل بنت بينكو عشان تصالحها دا غلط المفروض انت الي كنت حاولت معاها مره واثنين وتلاوته حتى لو انت مش غلطان عشان عقلنا ك بنات صغير محتجابن نشوف قد اي الشخص الي قدمنا بيحبنا أو هيتمسك بيا ازاي المفروض كنت انت تحلها ووقت متبقا حابب تنام متخليهاش تجبرك انك تقعد عشان متخرفش اه هتزعل انك نمت بس بردو احنا ك بنات هايفين وبنتصالح من اقل كلمه حلوه وربنا يخليك لبعض وان شاء الله ترجعو
تم النشر السبت، ٢٥ مايو ٢٠٢٤
طيب يعني اكيد هتلاقي شكل المساعده اللي هيقدمه لك الناس اللي هم سنهم اكبر منك زي حالاتي كده مختلف عن نوع المساعده اللي ممكن يقدمها لك حد تاني يجي يشوف السؤال بتاعك ممكن يكون حد في سنك يعني او لسه في نفس درجه. الدراسه او الفكر بتاعتك. اللي انت بتعمله دلوقتي اللي هو الحاضر بتاعك بص هيبقى اثر وايه على المستقبل بتاعك دي ده اللي انا اقدر اقول لك تعمل ايه يعني بتقول اعمل ايه تعمل ايه تكون راجل قد كلام وقد المسؤوليه دي الحاجات اللي بتتفهم في الحياه المواقف اللي معناها رجوله فاذا انت حابب تثبت لاي شخص انك راجل فعلا وانك حتى لو اتلغبطت يعني في اي حاجه وحصل سوء تفاهم او ايا كان نوع اللخبطه تقدر تثبت حاجه اكبر منها بس بالافعال ايه هي الافعال اللي انت ممكن تثبتها انك تخلص كليتك على خير تشتغل تكون راجل قد المسئوليه وبعد كده تروح تتقدم للبنت اللي انت ان انت مش هتشوف حد ينفعك احسن منها وتتوكل على الله وتثبت بافعال. كبيره تخلي الافعال التانيه الصغيره اللي هي يعني عشان نقدر نقول غير ان هي حاجات مش مستاهله ان هي تعدي. وارجوك ارجوك خلي بالك من الوقت اللي انت بتقضيه في حياتك. مش هقول لك تبطل تلعب ببجي ولا تبطل تكلم صحابك الصبيان او تقضي وقت مع ناس انت بتحب تقعد معهم. ولكن خلي بالك من وقتك اللي انت بتقضيه عموما لان بعد ما اي حد فينا حياته تنتهي وما حدش فينا عارف حياتها تنتهي امتى هيتسال عن عمره فيما افناه وعن عمره كله عموما وبعد كده هيبدا السؤال يتقسم كده طب شبابك قضيته في ايه طيب لما كبرت وبقيت كهل كده يعني افنيته في ايدي طب لما بقيت برضو كبير في السن قضيته في ايه فاحنا نتسال عن كل مرحله في حياتنا احنا قضيناها في ايه السؤال ده مش سهل مش سهل مش سهله خالص ارجوك خلي بالك منه. والنصيحه دي قلناها كتير بس لازم اقولها لك الارتباط والكلام اللي بدون ارتباط رسمي حتى لو ناويين نرتبط رسمي مش صح مش صح وعمره ما يكون صح ومش هتلاقي جواه غير المواقف اللي من النوعيه اللي انت بتقولها دي ونتضايق ونزعل ونبقى حاسين ان حياتنا اتدمرت ارجوك خلي بالك. اللي انت بتقضيه عشان؟ ما تزعلش بعد كده؟
تم النشر الجمعة، ٢٤ مايو ٢٠٢٤
عزيزي .. الشاب في سنك في مكان آخر من العالم (مش بعيد كثير عن مصر) بيحارب إسرائيل ويتمنى الشهادة في سبيل الله وأنت بتلعب ببجي مع بنات وبتتخانق معاهم وتخلي واحدة صاحبتك تصالحك على واحدة تانية صاحبتك وأكبر مشاكلك في الحياة أنك ملخبط بين آية وآلاء!!
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا