السلام عليكم
انا ابن عمي متقدملي وهو بيحبني من زمان بس من طرف واحد ومكانش بيننا أي حاجة ولا هو كان بيكلمني هو كان متقي ربنا فيا لأقصى درجة واللي عرفني بكدا تصرفاته خلتني احس بكدا وأخته كانت بتلمحلي علطول بس انا كنت مركزة في دراستي وقتها واللي خلاه يتأخر كدا هو بابا عشان كان عايزني اخلص تعليمي. المهم فيه شوية مشاكل كدا هي المستوى التعليمي والمادي والإجتماعي، الحاجة الوحيدة اللي ممكن تخليني اوافق بيه هي أخلاقه ودينه وحبه ليا يعني ماظنش هلاقي احسن منه في الجوانب دي. بس بارجع واقول لنفسي انه ممكن يتغير بعد الجواز زي مابسمع قصص كتير ويبطل يحبني ويغير مني ومن شغلى. فانا مش عارفة اعمل ايه اوافق بيه ولا ارفضه واستنى اللي يناسبني. آسفة عالإطالة
شوفي يعني هنا في اكتر من؟ حاجه هتخليكي تتجهي ان شاء الله للقرار الصحيح وبعد ما تفكري وبعد ما تخلصي كل تفكير وتحسي انك استقريتي على قرار اكتر من التاني هتاخدي. كده ان شاء الله خطوه الاستخاره لان الاستخاره لازم تتاخد بعد ما تكوني قررتي او يعني حاجه معينه مش محتاره لسه دي الاستخاره الصحيحه يعني وتستخيري ربنا في الامر وان شاء الله اللي ييسره لك ربنا يكون هو اللي فيه الخير. انك تاخدي بالعوامل كلها ده شيء اساسي صح انك تبصي لكل الاتجاهات ده صح الناحيه الماديه والاجتماعيه. والتعليميه طبعا بنشوف الفروقات اه احنا فيما بيننا فروقات في في الاجزاء دي عامله ازاي وبعدين الخطوه اللي بعد كده نشوف بقى هو انا هتعامل مع الفلوقات دي ازاي واللي قدامي هيتعقد ازاي؟ هل انا دلوقتي بناء على الفرق ده هتعامل مع الشخص وحش في احتماليه ان انا اتعامل مع الشخص وحش طيب هو في احتماليه ان هو يعاملني وحش وهنا بقى بيكون اتفرج لانه لو انا عندي استعداد اتعامل مع ده واقدر ان انا اوقف ان ده يحصل تمام يبقى ما فيش مشكله من الفرق ده لكن لو مش هعرف ده بيوديني. ان انا ابعد عن ده طبعا لانه الزواج المفروض ان هو يكون في سكن. يعني تكون اكيد مش هنروح لحاجه واضح جدا انها هتعمل مشاكل واحنا مش هنعرف نتعامل معها ونقول ان شاء الله الدنيا هتبقى كويسه يعني ده هيبقى طبعا تفكير غير عقلاني وربنا ما امرناش بكده يعني ان احنا نرغي عقله ففكري كويس قوي كل الفروقات دي وشوفي هل طابعتك انت الشخصيه هتخليكي تعرفي تتعاملي مع ده ولا لا هل طبيعته هو الشخصيه هتخليه يعرف يتعامل مع ده بشكل كويس ولا لا واستحيل وربنا وبعد كده بيكون كده كده في فتره خطوبه انت ما تعاملتيش معاه بالشكل المقرب ده فبرده ما تعرفيش حاجات كتير ففتره الخطوبه بتصحح ان احنا نبدا نكتشف فعلا شخصيات بتكون قرر اذا كنا هنقدر نتعامل مع بعض بشكل يخلينا زوجين كويسين في بيت كويس ولا لا؟ ربنا معك ان شاء الله يوفقك.
تم النشر الأحد، ٢٦ مايو ٢٠٢٤
وعليم السلام بصى لما تيجى تختاري شخص اختارى فيه الحاجة الدايمة إلى عمرها ماتبقى مهددة انها تروح يعنى اخلاقة شخصية معملتة مع الناس ومعاكى لاكن الفلوس ممكن تجوزى واحد غنى وبعد كدة يحصل ظروف ويفتقر سعتها انتى مش هاتبقى عاوزة لأنك وخداه علشان الحالة المادية فى الزمن دة لما تلاقى شخصية محترمة وعلى اخلاق ويتقى ربنا فيكى يبقى كويس قصص إلى بنسمعها بتبقى معظمها توجع وحشة لان دة إلى الناس عاوزة تبينو لاكن مفيش حد ينزل وهو علاقة حب ناجحة وحياه سعيدة اكيد هاينزلو الجانب إلى عاوزين يبيانو للناس وصلى بردو صلاه استخاره وان شاءالله ربنا يقدمك إلى فيه الخير
تم النشر السبت، ٢٥ مايو ٢٠٢٤
مرحبا عزيزتى أشعر بالتردد والحيرة التى تمرين بها بشأن قبول او رفض الزواج من ابن عمك ،، الزواج من أهم الأمور التى يجب أن نتريث ونتأنى فى اتخاذالقرار المناسب ودراسة الموضوع من جميع الجوانب ايجابياته وسلبياته ومدى توافق فكره مع فكرك ولكنك ذكرتى أمور جوهرية وايجابية لديه مثل حبه وتمسكه بكِ واخلاقه وسيرته الطيبة وتمسكه لدينه والتزامه كل هذه الأمور يجب ان تضعيها بعين الاعتبار ..أما بشأن التعليم والمادة والمستوى الاجتماعى فلم تذكرين التفاصيل لأكون فكرة بشأنهم، ،،فبرغم ان ابن عمك لايمتلك المال الكافى ولكن يمكن أن يكون طموح ولديه حلم ليكبر ويحسن مستواه المادى او التعليمى ..فكل الأمور التى تشعرك بالقلق من ناحيته يمكن أن تتحدثين معه بهذه الأمور لترين وجهة نظرة وهل سيتوافق معكي اولا ..فى نهاية الامر أنصحك بصلاة الاستخارة واذا شعرتى بالقبول تحدثى معه عن معايير الزواج لديكى وعن الأمور التى تحبيها..احلامك...هوياتك ..وغيرها وعن ايضا ما يزعجك وعن الخطوط الحمراء لديكى ...ويمكن هو ايضا اخبارك عن معاييره وبعد دراسة الامر بروية اعتقد انك ستأخدين القرار المناسب لحياتك وتذكرى أن القصص الذى يعيشها الآخرون قد لا تشبه بعضها البعض ولكل قصة ظروفها الخاصة فاتخذى القرار عن قناعة وليس لتأثير الأشخاص عليكي👌 واسأل الله تعالى أن يوفقك بحياتك♥️♥️
تم النشر الاثنين، ٢٧ مايو ٢٠٢٤
وعليكم السلام، يبدو أن الوضع معقد بالنسبة لك، أخذك للعمل نفسك وقت وقرارات. ألف مبروك على التفوق في دراستك واهتمام ابوك بتعليمك. القرار بالزواج قرار كبير جدا ولازم يكون مدروس. يبدو انك تمتلكين قيم واهتمامات مهمة بالشخصية والدين والأخلاق، وهذا جيد جدا. لكن لازم تعرفي انه لا يوجد شخص مثالي، وكل شخص له صفات جيدة وسلبية. حاولي تتعرفي أكثر على ابن عمك، حاولي تتواصلي معاه وتبحثي عن تطابق القيم والأهداف في الحياة. خليك مفتوحة للتغيير ولا تخافي من اتخاذ القرارات، المهم انك تكوني مرتاحة مع القرار اللي تاخديه، وتستمعي دائما للقلب والعقل في نفس الوقت. واذا في اي سؤال او احتياج للمساعدة انا هنا لشويه نصائح واستشارات، بس متشيليش هم انك تأخدي قرارات حياتية، دا ده الطبيعي في مراحل الحياة.
تم النشر السبت، ٢٥ مايو ٢٠٢٤
المستوي الاجتماعي والتعليمي احيانا بيفرق جدا صدقيني عن تجربة وبالذات في موضوع الغيرة ، صلي استخارة ولو مش مقتنعه او حاسة ان في حاجة مش مريحاكي متوافقيش وربنا يبعتلك نصيبك ولو حاسة ان عادي ممكن تتخطي الحاجات دي ومتكونش عقبة قدام خلاص اتكلي علي الله وان شاءالله ربنا يقدملك ال فيه الخير
تم النشر الأحد، ٢٦ مايو ٢٠٢٤
صلي استخاره يحببتي والله وكمان مستوي التعليم اه بيفرق معاكي انت مش معاه بعدين بس د لو هتشتغليي بيه بس لو مشتغلتييش ف عادي مدام هو قادر ع الصرف عليكي ولو انتي صليتي استخاره ولقيتي نفسك مرتاحه اقبليي يحببتي
تم النشر الاثنين، ٢٧ مايو ٢٠٢٤
لعرض السؤال في فدني اضغط هنا