السلام عليكم ورحمة الله وبركاته
انا عندي 19 سنة مشكلتي الوحيدة هي أمي انا مجبتش مجموع السنه اللي فاتت في الثانوي بس عوضت في الكلية اللي دخلتها وطلعت التالته ومع ذلك لسه أمي بتعايرني إني فاشلة في ثانوي وانها شمتانه فيه.
ده حتي يوم النتيجة كانت هتموت من فرحة الشماتة وإني إتكسرت ودايما خناقات ع فاضي أنا مش قادرة أحكي باقي الخناقات بس وصل الموضوع إن ساعات أعمل حمام أثناء النوم ولما رحت لدكتورة قالت سبب نفسي ورجعت إنتكست تاني أنا تعبت يعني انا دلوقتي تانية جامعه وهي لسه زي ما هي بتزيد أكتر ومش عارفه اعمل حاجه عشان أمي لدرجة احيانا لو عملت البيت مثلا وروقته وحدي تكدب وتقول لبابا دي اختها عملت هي يدوب متعملش حاجه كلام ده وحاجه كمان عشان أتهرب من واقع بقيت اتخيل ناس علي الاغاني وعيش قصة نجاح مع العلم اني من ابتدائي برتب من الاوائل.
وعليكم السلام ورحمه الله وبركاته. هو واضح انه في مشكله مع مامتك ممكن المشكله دي تكون بسبب انك؟ تتعاملي مع مامتك بنديه شويه وللاسف مامتك تجاوبت مع النديه دي وبتحاول تظهر لك بشكل وحش عمود. يعني نوع من العند غالبا تتعاملي بيه مع بعض اييي ممكن تكوني انت محبوبه عند باباكي وباباكي بيمدح فيك ودي حاجه ممكن تكون برده مامتك للاسف بتتعامل معاها وحش او غلط فاخذت الموقف ده وبتحاول تبينك في حاجه انك ما عملتيش او انك لا مش احسن حاجه اممم وللاسف استغلت موضوع انك مجموعه الثانويه العامه مجاش احسن حاجه فلذلك عمل الدم لو الوضع كده فهو مش حاجه لطيفه طبعا وهضطر ان انا ابقى بنصحك انت تكوني انت اللي اعقل من امك.ووعيك انت اللي يكون اعلى وتبصي لمامتك بعين فيها شكل من اشكال الرحمه بالنهايه عقلها صغير. انت خليكي فخوره بنفسك وخليك عارفه ان انت بتعملي الجهد اللي عليك بتنزلي افضل شيء عشان تحققي النجاح اللي انت هتكوني فخوره بيه حتى لو في شخص هو مش بيتعامل مع النجاح ده بشكل كويس طب هنعمل ايه في الكلام اللي بيتردد كنوع بقى من الشاماته او كنوع من تقليل لجهدك او لانجازك او برده ترجع بتفكرك بحاجه يعني رغم منك دلوقتي بتعملي حاجه كويسه خلينا نقول ان احنا هنسمع ده ونتج بصراحه الموضوع ما فيهوش اي اتجاه ثاني غير انك تتجاهلي الكلام وتتجاهليه ازاي تبصي لماما تقولي انا شكرا يا ماما وتمشي من قدامها لكن طول ما انت بتعملي رد فعل وهي بتشوف ان هي بتاثر عليك بالكلام ده هي للاسف هتكمل وهتستخدموا ضدك. فهتديهاش رد فعل بالكلام وكل اما تقولي الكلام ده قولي لها شكرا يا ماما وامشي وبعد اذنك يا ماما وامشي اا من قدامها اروح اعملي اي حاجه ثانيه ما تاخذيش نفسك استغربتها في الخانه مفيش داعي خالص علشان ما تنتقليش لمرحله ثانيه يكونوا مش لطيفه.
تم النشر الجمعة، ٢٠ سبتمبر ٢٠٢٤
لا يا روحي انتي مش فاشلة، النجاح مش بيختصر على الثانوية العامة ولا على المجموع العالي اللي بيجيبوه؛ ياما ناس جابت المجاميع اللي عايزاها مامتك ولما دخلوا الكلية منهم اللي بيشيل ومنهم اللي بيسقط ومنهم اللي مش بيستحمل وبيخرج منها فالنجاح مش مجرد رقم وخلاص، النجاح ممكن تحققيه في أي مكان تدخليه مش شرط المجموع ويمكن مامتك مش فاهمة الحتة دي لكن يظل احترامها وتقديرها موجود مهما كانت تصرفاتها مستفزة لإن دا واجب علينا واحتسبي الأجر عند ربنا. عن ابن عباس رضي الله عنه قال: ما من مسلم له والدان مسلمان، يُصبح إليهما محتسبا، إلا فتح له الله بابين. يعني: من الجنة . وإن كان واحدًا فواحد، وإن أغضب أحدهما، لم يرضَ الله عنه حتى يرضى عنه، قيل: وإن ظلما ؟ قال: وإن ظلماه. أورده تحت: باب: (بر والديه وإن ظلما ). ممكن تدخلي على اللينك دا ليه علاقة بالموضوع: https://www.islamweb.net/ar/fatwa/457570/التعامل-مع-الأم-القاسية#:~:text=الحمد%20لله،%20والصلاة%20والسلام%20على,رشدها،%20ويصلح%20ما%20بينك%20وبينها .
تم النشر الأحد، ٢٢ سبتمبر ٢٠٢٤
عامليها كويس بس وحاولي تتكلمي معاها مره واتنين وتلاته وقوللها أن خلاص حوار الثانويه ده المفروض عدي وانتي مبسوطه في الكليه اللي انتي فيها وخلاص بقيتي ناجحه فيها ف كل ده ملهوش لازمه بقي..واكيد هي مش شمتانه فيكي طبعا ولو كنتي جبتي درجه اعلي من كده كانت اول حد هيفرح يمكن هي بس كان رد فعلها يومها كده لانها شايفه ان انتي قصرتي شويه أو معملتيش اللي عليكي لكن مفيش ام طبعا هتفرح بحاجه زي كده
تم النشر السبت، ٢١ سبتمبر ٢٠٢٤
فهماكي عموما بمر بنفس الازمه دي عندي ف البيت بس الحاجه الوحيده اللي لازم تعرفيها انك لازم تتعودي انك تطنشيها عشان لو فضلتي تسمعي كلامها انتي م بس هتدمري انتي ممكن تموتي من الحسره لازم تتجاهلي وم كل الأمهات حلوين عشان عارفه انه فيه ناس هتنصحك وتقولك انك ممكن شايفه كدا وهي خايفه عليكي وع مصلحتك لازم لازم تحطي لنفسك هدف وتشتغلي عليه عشان انتي متستاهليش انك تفضلي تتعاملي بالمعامله دي واجهي كسلك وتفكيرك بالواقع انه انتي مفيش حل قدامك غير انك تطلعي واعرفي انه يوم نجاحك هو اليوم الوحيد اللي مش محدش هيقدر يقربلك وقتها وربنا معاكي والله.
تم النشر السبت، ٢١ سبتمبر ٢٠٢٤
وعليكم السلام ورحمة الله وبركاته، أختي العزيزة، أشعر بمعاناتك وأتفهم الضغوط النفسية التي تعانين منها نتيجة سلوك والدتك. من المؤسف أن تكون العلاقات الأسرية مبنية على الانتقادات والشعور بالفشل، خاصة عندما تكوني قد حققتِ إنجازات على الرغم من الصعوبات. أنصحك بالتفكير في ما هو الأهم بالنسبة لك، وهو تطوير نفسك والشعور بالنجاح، بغض النظر عما تقوله والدتك. عليكِ أن تعملي على بناء ثقتك بنفسك وتذكري أن نجاحك في الكلية هو دليل على قدرتك وموهبتك. بالنسبة لردود الفعل التي تتعرضين لها، قد تعزز إدارة الحوار مع والدتك، فحاولي التحدث إليها بهدوء عن مشاعرك واختلاف وجهات نظر كل منكما. يمكنك أيضًا البحث عن دعم نفسي من مختص يساعدك في عملية التعافي والتعامل مع الضغوط النفسية. من المهم أن تعتني بصحتك النفسية؛ إذا وجدتِ أنه من الصعب التحدث مع والدتك، ففكري في التوجه إلى متخصص في الصحة النفسية لمساعدتك على فهم مشاعرك والتعامل معها بطريقة صحية. لا تترددي في اللجوء إلى الأصدقاء أو المعارف الذين يقدمون لك الدعم والتشجيع. تذكري دائمًا أنك لستِ وحدك في هذا، ونجاحاتك لا تنقص من قيمتك. أختي، كوني قوية واستمري في السعي وراء أحلامك، فكل نجاح تحققيه هو خطوة نحو مستقبل أفضل.
تم النشر الجمعة، ٢٠ سبتمبر ٢٠٢٤
صحيح الابتلاء ف الاهل صعب وجدا كمان، حاسه بيكي.. لكن حاولي انك تختصري من اي حد بياذيكي نفسيا وتبعدي عن اي حد بيحبطك، مهما كان هو مين .. بس النهاية صلة الرحم موجودة واتعاملي بكل ادب واحترام من بعيد ل بعيد وقريبة من ناس قريبين منك او اي حد بيشجعك
تم النشر السبت، ٢١ سبتمبر ٢٠٢٤
مش لاقيه حل، بس دا احيانا بيكون ابتلاء والحل الوحيد للابتلاء هو الصبر .. فانتي حاولي تتجنبي التعامل معاها كتير، ودا مش عقوق انتي كدا بتحمي حالتك النفسية لان لنفسك عليك حق وحق نفسك عليكي انك تحميها من اي اذي..
تم النشر السبت، ٢١ سبتمبر ٢٠٢٤
من الواضح انك بتعاملني مامتك بعند ونديه فهي تعاملت مع مشكلتك دي بنفس العند عشان توريكي أن ده مش صح فانتي لازم تتعاملي معاها بهدوء و تتكلمي معاها براحه لحد ما تعدل من طريقتها معاكي واحده واحده الدنيا هتتظبط.
تم النشر السبت، ٢١ سبتمبر ٢٠٢٤
بحاول والله
تم النشر الاثنين، ٢٣ سبتمبر ٢٠٢٤
هو في أهل كده عندهم مشاكل نفسية بيسقطوها على أولادهم بس لازم تفهمي كده وتعرفي إن العيب مش فيكي وتأنبي نفسك وحاولي تتجاهلي تمامآ أي كلام سلبي تقوله كانك مش سامعة حاجة ومع ذلك عامليها كويس عشان ربنا أمر بالإحسان إلى الوالدين وأدعيلها ربنا يهديها للصواب
تم النشر السبت، ٢١ سبتمبر ٢٠٢٤
هو بيتعامل حلو في دراسة فقط لكن باقي الأمور هو شايفها
تم النشر السبت، ٢١ سبتمبر ٢٠٢٤
وعليكم السلام ورحمة الله وبركاته بصي انتِ المفروض تتكلمي مع باباكي وتقولي ليه كل حاجه بتعملها معاكي مامتك ده لو كان باباكي بيتعامل معاكي حلو وان شاء الله خير 🤍
تم النشر السبت، ٢١ سبتمبر ٢٠٢٤
مقدرتش أحكي باقي المواقف أو أحكي كويس لان مش حابه اتفكر أكتر فكرة ا💔الفكرة انها أمي مش عارفه اشتكيها لمين حتي ربنا خايفه أدعي ابقا كده عاق
تم النشر الجمعة، ٢٠ سبتمبر ٢٠٢٤
لعرض السؤال في فدني اضغط هنا