وعليكم السلام ورحمة الله وبركاته، قبل ما اقول لك يا حبيبتي تعملي اي، انتي المفروض تتوبي الى الله، ا مش عايزة احبطك بس الشرع للي بيقول كده، الذنب لل نتي وقعتي فيه دا من الكبائر، ونتي لازم تتوبي توبة نصوح، دا بعد ما لو كنتي اغتسلتي، اغتسلي تاني بنية التوبة وروحي صلي ركعتين توبة و ادعي ف كل سجدة ربنا يغفر لك واستغفار فيهم كتير، ف مجتمعنا اللذيذ، بنخترع اي حاجة مبرر بيها الحرام، أو بمعنى أصح يا أختي نحلل بيها ما حرمه الله ، فيش حاجة اسمها زواج عرفي، مش عايزة اقسو عليكي بس دا اسمه انا اسفة زنا عرفي وكل ماكانت بدايته لا ترضي الله طبيعي نهايته مش هترضيكي، لأنك جعلتني الله أهون الناظرين اليك ، في أية بتقول يستخفون من الناس ولا يستخفون من الله وهو معهم إذ يبيتون مالا يرضى من القول وكان الله بما يعملون محيطا هأنتم هولاء جادلتم عنهم في الحياة الدنيا فمن يجادل الله عنهم يوم القيامة أمن يكون عليهم وكيلا و لأن الله هو من كان أعلم بيكي ونتي بتتكلمي مع أجنبي، كمان كان ساترك، ولأن ربنا بيحبك أكيد كان بيبعتلك رسائل ونتي بتتجاهليها، انتي لما خائفة اهلك يعرفوا اكتر من ربنا ف دي هي الأكبر... أكرر مش عاوزة احبطك بس رضا الله أهم من معرفة الوالدين، انتي بتفضلي اهلك اللي هما عباد لله، عن الله! ف لازم تستغفري من كل دا وربما هيقبلك ربنا بيفرح بتوبة عبده، ويمكن دا ابتلاء عشن ترجعي لربنا اعملي لل قلتلك عليه وربنا هيسامحك ويغفر لك وإن التوبة تجب ما قبلها، اي بتمحي الذنوب لل قبلها ولا أكن في حاجة حصلت، بس المهم تكون توبة نصوح، وماتعلقيش اي امل ف بني ادم سوى رب البني ادم دا، اذا ربنا رضي عنك هيسخرلك البني ادم دا يجيلك لحد عندك اقسم بالله، كل دا بيحصل بالتوكل على الله، بعد التوبة طبعا، وقفي تفكير وعياط واستبدلي دا بالل قلتلك عليه ثم كثرة الاستغفار بيقين، خلي نفسك كله استغفار وهتشوفي المعجزات اقسم بالله، ربنا غفور رحيم، دي بقولها لما نكون على ذنب وحد ينصحنا، وكأنه شفيع لينا عن الذنب دا ايا كان، بس الله فعلا غفور رحيم بعد التوبة ربنا بيقول ف القران وهو الذي يقبل التوبة عن عباده ويعفوا عن السيئات ويعلم ما تفعلون وكمان في حديث قدسي ربنا للي قائله غير القرآن، لو لم تذنبوا لذهب الله بكم ثم جاء بقوم يذهبون فيستغفرون الله فيغفر لهم، و سيدنا النبي صلي عليه قال، كل ابن آدم خطاء وخير الخطائين التوابون، احنا بشر، وبنخطئ فيش حد فينا كامل بس متي ادام عرفتي ذنبك وتبني منه وربنا رضي عنك مالكيش دعوة بأي بني ادم، رضا الله لو تحقق هتتسخرلك الدنيا، و مالكيش دعوة بوسوسة الشيطان لل يقولك ربنا مش هيغفرلك وهيعاقبك، دي مهمة الشيطان بعد ما يحزن ان البني ادم تاب، هيوسوسلك استعيذي منه، واتوضي على طول الشيطان لا يقترب من اللي بيتوضا، بعد كده يا أختي هتصلي على النبي الصلاة الإبراهيمية للي بتقولها ف التشهد الأخير بس بيقين تام أن ربنا هيبعتلك البني ادم دا لحاد عندك، وهيهديه ومش هتحصل مشاكل أبدا بسبب الحوار دا بعد الجواز ، قوليها بيقين تام وكرريها كتير خالص، لو ابدإي ب 100 ف اليوم و كرري لحد ألف، مفعولها سحري اقسم بالله والله على ما اقول شهيد، لو عاوزة تزدادي يقين أن الذكر و تكراره بيقين بيعمل معجزات، تابعي قناة يوميات أم خالد بتحكي قصص واقعية لناس أدمنوا الذكر اقسم بالله جسمك هيقشعر من المفاجأة، دا عوض ربنا للي بيديه للي بيظن فيه خيرا، وربنا قال ف حديث قدسي أنا عند ظن عبدي بي فليظن بي ماشاء، إن خيراً فخير، وإن شرا فشر، اوعي تظني في الله بعد ما تاخدي بالأسباب طبعاً وتتوبي وتستغفري وتصلي على النبي انه مش هيساعدك، دا ربنا بيقول لأنصرن عبدي ولو بعد حين، لازم تظني خير ان ربنا هو للي خلق البني ادم دا، وهو للي بيأخذ بنواصي العباد، ألا يعلم من خلق وهو اللطيف الخبير، ربنا قادر يحققلك المعجزات بس يرضا عليكي وتدني فيه خير، دا ناهيك عن الدعاء، ادعي ربنا كتييير خصوصاً في قيام الليل ربنا بيتنزل أثناء الثلث الاخير من الليل لليةقبل الفجر بساعه كده ويقول هل من داع فأستجيب له؟ هل من مستغفر فأغفر له اغتنمي الوقت المبارك دا وماتضيعيهوش ف النوم، تخيلي أن ربنا بيتنزل نزولاً يليق بجلاله وكماله ويسألنا احنا العباد لو محتاجين حاجة، دا يبقا احنا مجانين لو ماغتنمناش الوقت دا بطلي تفكير وعياط أكرر، التفكير مش هيجيب حاجة، ممكن تدخلي ف حالة نفسية يا حبيبتي عشنتفكير مش هيقدم ولا يأخر، كمان العياط هيأثر عليكي اهدي انتي بس و هقوللك ف نقاط تعملي اي عشن ماتتوهيش: و ازاي تعرفي أن ربنا رضي عنك؟ 1.اغتسلي مش تستحمي، لا اغتسلي غسل اللي هوا بعد البريود 2.ركعتين توبة وف كل سجدة تستغفري وتعاهدي ربنا أن دا مش هيتكرر 3.كل الفروض ف وقتها و اغتنمي قت الفراغ وكل وقت ف الاستغفار 4.الإكثار من النوافل للي هما السنن لل بعد وقبل الصلاة كمان ماتفوتيش دعاء قيام الليل 5.الصلاة الإبراهيمية وصياغتها كالآتي؛ اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم انك حميد مجيد ، 6.عدم التعامل مع البني ادم دا تاني ومسح رقمه نهائي، ايوة ماتستغربيش، ربنا هو مسبب الأسباب اعتمدي عليه وحده ايوة امسحي رقمه وتجنبي التواصل معه ابدا وماتفكريش في أي حاجة غير أن قدرة الله هي الغالبة، 7.اليقين التام في الله وقدرته على إصلاح كل شيء فهو أقرب إلينا من حبل الوريد، وهو أرحم بنا من أمهاتنا اكرر امسحي الرقم وتجنبي حتى التفكير فيه ما عارفة بقوللك اي ي أختي و في نقطة اخيرة، انا من كلامك متعرفش هل انتي مسلمة وللا نصرانية، لو كنتي مسلمه، امشي ع للي قلته بالحنتوفه، ولو انتي نصرانية فأنصحك تتوبي الى الله ، لأنه وبلا شك، أن الله هو ربنا ومنزل الكتب السماوية، وأن الله هو الإله الحق وأن الحلال بين، والحرام بين، اي الحاجة الحلال معروفه وواضحه، والحرام كمان معروف، وإنه و ف اي دين، اي حاجة تستخبا منها أو مدارسها دي اكيد مش عمل صالحنا مش جاية هنا أرغمك على الإسلام، بس يا أختي انا عاوزاكي اغتسلي حتى لو ماعرفتيش ازاي، ابحثي عن اليوتيوب،ڤيديوهات أو بحث جوجل ان الله يحب التوابين ويحب المتطهرين واجلسي تستغفري و قولي لا حول ولا قوة إلا بالله وردديها بيقين تام، كمان الصلاة الإبراهيمية و أنتي لو مش مؤمنة بسيدنا محمد صلى الله عليه وسلم، مش هقولك المرة دي ومش هغصب عليكي خالص، بس نا شايفة انك في مشكله ولا منجي الا الله، وإن الصلاة إبراهيمية وزي ما بنسمع قصص ناس واقعيين وعايشين، مفيش سبيل سوى انك ترددي بيقين الصلاة الابراهيمية لا انتي فيدم تعملي حاجة ولا احتمال طفيف ف البني ادم دا أنه يرجع، سوى قدرة الله، ونا عطيلكي سبل لكده بس اسكپي نقطة الصلاة و واظبيةع الأذكار و لو أفارق ف حياتك والأمر دا بل أقصد لما تحدث فارق، انتي بنفسك هتعرفيىفين الصح وفين الغلط، ومين يعلم ممكن تكون دي نقطة تحول جذري ف حياتك، وتذكري دائما أنه بداخل كل قدر سر يمهد الطريق لقدر آخر، لا شيء يحدث عبثاً أو محض الصدفة، و أنه لو يؤاخذ الله الناس بما كسبوا ما ترك عليها من دابة ولكن يؤخرهم إلى أجل مسمى، لما تحدث فارق ف حياتك و تتفاجئي ان دي قدرة ربنا الله وحده لا شريك له، هترتاحي، ومش هتحتاجي أي حد يرغمك على الإسلام، وأنه من يرد الله أن يهديه يشرح صدره للإسلام و من يرد أن يضله يجعل صدره ضيقا حرجاً كانما يصعد في السماء، دا مش كلامي، دا كلم الله عز وجل، وأنا اسأل الله لك التوفيق والهداية أيا كنت، مسلمة أو نصرانية، و أن تدعي الله مخلصة له الدين لإن أنجاكي مما أنت فيه لتكوين من الشاكرين، ونحن هنا لمساعدتك ولا تترددي في طلب المساعدة، أو طرح سوال في أي وقت تحياتي و لن أتوقف عن الدعاء لك
تم النشر السبت، ١٩ أكتوبر ٢٠٢٤
2 تعليق
على أي يا حبيبتي احنا هنا اخوات، ماتتردديش لو عاوزة اي حاجة كلنا هنا معاكي
تم النشر السبت، ١٩ أكتوبر ٢٠٢٤
شكرا جدا لحضرتك كلامك كويس اوي
تم النشر السبت، ١٩ أكتوبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك