بتعرفوا مواهبكم او شغفكم او انتوا شاطرين ف ايه وبتعرفوا تعملو ايه ازاى لانى حاسة انى جاية الدنيا سادة منغير مواهب ولا حاجه شاطرة فيها ولا حاجه نفسي اعملها عاملة زى الطفل ال كل م يشوف مجال يتشعبط فيه يومين وينساه🥺
مساء الخير اولا ، ايه تعريفك للموهبه او الشغف ؟! وجهة نظري ان المصطلحين دول مش اكتر من كلمات رنانه بلا معني. خليني اوضح بمثال : دلوقتي لو قلنا ان فيه واحد شغال نجار او بناء او اي مهنه محددة ، بيتقال انه شاطر امتي ( موهوب او بيحب اللي بيعمله) لما يكتسب قدر كبير من الخبرة في المجال ده ، يعني لو واحد كان حاسس انه موهوب جدا في النحت ، وقارنا شغله بواحد خبرة في مجال النحت اكتر من 20 سنه مثلا ، هتلاقي الخبرة تكسب. ببساطه حديث النبي صلي الله عليه وسلم ، العلم بالتعلم.... .... بس حابب اقول ان كلنا اطفال ، وكلنا جايين الدنيا نتعلم ، ومش معني ان في واحد ابتداء يعمل حاجه من وهو صغير واكتسب خبرة فيها ، نقارن نفسنا بيه ونقول اصل هو موهوب واحنا لا ، ف مش هنقدر نوصل لمستواة ... احلي حاجه بجد انك تتعلم في كل شي ، واللي بعد شويه هتكتشف انك موهوب في التعلم وبس كد سلامات
تم النشر الأحد، ٢٧ نوفمبر ٢٠٢٢
الموهبة دى هى الحاجة اللى ربنا خلقك بتعمليها ببساطة وبشكل جميل. الموهبة مش لازم تكون حاجة فظيعة اوى زى ما انتى متعودة تشوفي المجتمع بيتكلم عن المواهب. موهبتك ممكن تكون فى انك بتعرفى تقولى كلام حلو يجبر بخاطر الناس. ممكن تكون كوباية شاى بتطلع مظبوطة مفيش منها. ممكن تكون طريقتك فى انك بتطبقي الغسيل مظبوط كل قطعة قد التانيه. الاهم بقي انك متدوريش انك تكونى موهوبة ...دورى انك تكونى انسانه ليها اثر جميل حتى لو كانت حاجات الكل بيعملها كل يوم ...بس استمرارك انتى فى عملها هيكون شىء مميز جدا. احنا مش موجودين فى الدنيا عشان نكون موهوبين وعندنا حاجات واو...كفاية اننا نكون انسان حقيقى ومتوازن بعقل وقلب سليم. ولو ع المواهب الفنية فدى مش شرط تكتشفيها فى سن محدد ..ممكن فى اى وقت تكتشفى حاجة جديدة فى نفسك..متستعجليش
تم النشر الأربعاء، ٣٠ نوفمبر ٢٠٢٢
ربنا خلقنا مميزين وداخل كل واحد فينا فيه ميزه ابحثي كويس عن نفسك ومواهبك ايه بتحبيه أو بتلاقي نفسك فيه أو تقدري تفيدي بيها غيرك
تم النشر الأحد، ٢٧ نوفمبر ٢٠٢٢
ازيك يارب تكوني بخير مش لازم كل الناس تكون اتخلقت عندها موهبة معينة، ومش لازم كمان علشان مثلا معندناش الموهبة ديه، يبقى نرضي بالأمر الواقع. فيه ناس عندها موهبة ربانية، وفي ناس بتخلق الموهبة ديه، يعني فيه حاجه اهو اسمها الموهبة المكتسبة. - اه فيه. زي ما فيه حاجه اسمها عقلية النمو وعقلية الثبات. _ طيب هما ايه يا ترى؟ عقلية النمو ديه هي انك بتؤمني إن كل المهارات قابلة للتعلم، يعني أنك تكوني مقتنعة إن اللي عايز يكون شاطر في الرسم ينفع يكون شاطر في الرسم، رغم أنه اساسا مش موهوب بالفطرة زي صاحبه اللي موهوب اساسا بها من الصغر. لكن مع التعليم والتطوير والسعي والمجهود هيبقوا مميزين في الشئ ده بعد كده. أما عقلية الثبات هتكوني ساعتها مؤمنه إن المهارات والذكاء وأي حاجه ديه غير قابلة للتعلم، يعني لإما تكون موجودة أو غير موجودة وخلاص كدا. هتقوليلي يعني وبعدين برده اعمل ايه دلوقت يعني؟ هقولك جربي، جربي كل حاجه لمدة كويسة، جربي كل حاجه عايزة تتعلميها. ابدأي هاتي المجالات كلها، ابتدي خدي فكرة عن كل مجال مثلا وبعدين شوفي فديوهات عليها مثلا، والله لقيتي نفسك منجذبة للكلام ده يبقى انتي كده من جواكي عايزة اهو تتعلمي الشئ ده. وأخيرا خلي بالك طويل على كل حاجه لان اكيد كل حاجه لازم تاخد وقتها كويس، ويتمنى ليكي كل التوفيق.
تم النشر الأربعاء، ٣٠ نوفمبر ٢٠٢٢
حبيبتي مش لازم ابدا تكون موهبه فنيه او حرفيه او يدويه ممكن جدا تكون فكريه او نفسيه ورغم كده جربي تعرفي عن كل المواهب المكتشفه يمكن تقدري تحبي حاجه منها بس ده ميمنعش انك مميزة وجميله سواء عندك موهبه او لا
تم النشر الأحد، ٢٧ نوفمبر ٢٠٢٢
بتحبي المغامرة وتعملى حاجات مجنونة.بتحبي تدرسي علم الارض .بتحبي تخرجي وشاطرة ف اختيار الاماكن .شاطرة ف معرفة اقل الاماكن اسعار واجودهم.عندك ذكاء مكاني مبتنسيش اى مكان تروحيه حتى لو مرة واحدة.بتحبي الرحلات.بتعرفي تختارى الهدايا للناس.شيك ومهتمة بالموضة والعناية .متكلمة وجريئة وبتعرفي تكتبي خطابات.شعر
تم النشر الأربعاء، ٣٠ نوفمبر ٢٠٢٢
الاسعافات الاولية ومساعدة المريض او كبير السن.بتعرفي تتعاملى مع الاطفال بتحبيهم .طب بتحبي تقعدي مع كبار السن وتبسطيهم.بتحبي الاعمال الخيرية.بتحبي تتكلمي ف التليفون وتدرشي مع حد وتساعديه ف مشكلته اجتماعية وبتسالي عن الناس.بتحبي تدوري في علم الاحياء .او علم الفلك والكواكب.بتحبي القياس والمسافات .
تم النشر الأربعاء، ٣٠ نوفمبر ٢٠٢٢
رياضة .موسيقي.تتعلمي لغات.تتعلمى برمجة.رسم بانواعه.اشغال جلود ونحاس وخشب.تقرأي. تحفظي اشعار.ترتبيى اشياء.تبدعي افكار جديدة لمشكلات.تفكيرك بره الصندوق.تنظفي لان النظافة مهارة .التدخير والتحويش.وضع خطط او مهام.كتابة ع الورد.عمل فيديوز.عمل باور بوينت.حفظ اشكال اعلام البلاد باسماءها.تعليم التمريض
تم النشر الأربعاء، ٣٠ نوفمبر ٢٠٢٢
عايزة اخيرا اساعدك بمجالات كتير ف دماغي ممكن تفتحلك سكة وتدورى هساعد المدرسة الشطورة اللي هتبحث معاكي.
تم النشر الأربعاء، ٣٠ نوفمبر ٢٠٢٢
ويابختك اللي هيتعلم منك ساعتها لانك هتبقي افضل شخص ممكن يعلمها لانك مستمتعة بيها ومتحمسة ليها ..جواكي كنوز ..دورك دلوقتي بس دورى .دورى يا شطورة ..لما تلاقيها ياريت تفرحينا معاكي .يمكن نتشارك فيها ونمارسها سوا.
تم النشر الأربعاء، ٣٠ نوفمبر ٢٠٢٢
المهم نستمتع وهتلاقي اكتر من حاجة مش حاجة واحدة ربنا خالقنا مليانين مواهب ..زى المدرسة الشاطرة خليكي ورا طفلك الحلو اللي جواكي لغاية ماتكتشفي بيحب ايه المهم دورك دلوقتي تعرضي عليه كل انواع الفنون والعلوم ع قد ماتقدرى..ولما تتعلمى حاجة حبيتيها علميها لغيرك ..لانك هتبقي مميزة جدا فيا ويابخت اللى
تم النشر الأربعاء، ٣٠ نوفمبر ٢٠٢٢
ميولهم لما ينجذبوا لنوع معين من الانشطة .احنا هنعمل كده مع نفسنا كل مانشوف نشاط او علم او غن جديد ونلاقي نفسنا متحمسين له ومنجذبين له نقرب اكتر ونتعلم عنه لو لقينا نفسنا بنستمتع به نكمل ونتعلمه اكتر عشان احنا عايشين عشان نستمتع باللى بنحبه ونجرب حاجات تاني وننجذب تاني ونتعلم تاني ونفضل كده طول حياتنا
تم النشر الأربعاء، ٣٠ نوفمبر ٢٠٢٢
سلام حبيبتي.. بصي ما احلي انك تبقي شبه الاطفال في انك تدورى علي موهبتك لغاية انهاردة وانا كبيرة اوى بكتشف ميول ليا لحاجات وبستمتع لما بتعلمها ..هنفضل نكتشف ف نفسنا لحد مانموت.الفكرة كلها اننا الاطفال ف الحضانة بنعلمهم كل محالات العلوم جغرافيا وتاريخ وفلك وكيمياء واحياء وانواع تربة وموسيقي عشان نكتشف
تم النشر الأربعاء، ٣٠ نوفمبر ٢٠٢٢
لعرض السؤال في فدني اضغط هنا