انا مخطوبه صالونات من فتره صغيرة و هو كمان مش من محافظتي ومش بشوفو ولا بنتكلم بسبب ضغط شغله مفيش وقت ليا حتي لو في ساعه بيخرجها يقابل صحابه الوضع شكلو مطول وانا مش عارفه مين الشخص ده اصلا ومش عارفه احدد اختياري صح ولا غلط وف نفس الوقت طبعا لما بنتكلم مثلا دقيقه لازم يحصل تاتش واقفل زعلانه ف اي النصيحه اللي ممكن اعمل بيها اكمل ولا لا عشان حاسه كمان ان بدأت اتأذي نفسيا
اولا/استخيري دايما وادعي الدعاء ده كتير "اللهم اختر لي ولا تخيرني" ثانيا/ضروري ييجي البيت كل فترة وتقعدي معاه في وجود حد من الأهل وتتكلموا وتتناقشوا في اي شيء ولو ليكي اخ او والدك يتكلم معاه واسمعي حوارهم مع بعض عشان تفهمي طريقة تفكيره مكالمات الفون مش كفاية ابدا حتي لو اتكلمتوا بالساعات ثالثا/ معاكي قلم وورقة رتبي فيها افكارك واكتبي اي حاجة بتحصل منه وزعلتك واوعي تعديها لازم تتكلمي وتعبري عن زعلك منه وتنتبهي هيصلح الحكاية ويحل المشكلة ازاي وهل بيهتم لزعلك ولا يهون عادي رابعا وخامسا وللمرة المليون... استخيري وربنا يدبر امرك ويكتب لك الخير ويرضيكي بيه 🌹
تم النشر الأربعاء، ١ فبراير ٢٠٢٣
اطلبي من اهلك انهم يتفقوا على وقت يزوركم فيه وتتكلموا مع بعض لانك محتاجة ده ...وارفضى اى ترتيبات للزواج قبل ما تتأكدى من انك عاوزة تكملى.
تم النشر الثلاثاء، ٣١ يناير ٢٠٢٣
اتكلمي معاه ف انك محتاجه كلامكم يبقا اطول وانه لازم يجيلك مره ف الاسبوع او كل اسبوعين على الاقل عشان تعرفيه لانكم هتفضلوا تتخانقوا طول منتوا مش عارفين بعض واستخيري افضلي استخيري لو حسيتي انه برضه مفيش تفاهم فهمي اهلك وعرفيهم ويساعدوكي تنهي الموضوع او يتكلموا معاه
تم النشر الثلاثاء، ٣١ يناير ٢٠٢٣
لعرض السؤال في فدني اضغط هنا