يوماا تيل والاخر وامي وابي بعيدون عني كل بعد
تصور انه اهلك الي هما المفروض مصدر الامان وصدر حنين ليك ف المقام الاول
يكنوا هما مصدر حزنك وضيقك الاول شئ غريب بجد انه بدل ما الاهل يشجعوا في ولادهم ويرفعوا من روحهم المعنويه لا نحبطهم باكلام السلبي الهادم ومفيش اي مراعاه للمشاعر ولا الاحساس خالص هو طبعاا في المقام الاول هماا ربنا يديهم الصحه مضغوطين ف بيطلعوا دا فينا وطبعاا شايفناا في قمه الامبالاه وعدم الاهتمام وفشل درسي وي الخ الخ وهما عمره ماحالو مره يقربوا مننا ويصاحبونا ولا يفهمونا حتي ولو بكلمه بسيطه تخيل انك تكون ع قد متقدر بتحاول تعمل الي عليك بس مش لاقي تقدير فكك من انه كدا كدا العالم الخارجي كله نفاق وقرف إلا من رحم ربي طبعاا بس لما تبقا من ناحيه اهلك بتبقا مختلفه اوي ي جماعه انه والدي ف الرايحه وجايه عمال يرمي ب كلام سلبي وي كلب وي وسخ وي معرفش ايه و يولاا وي وي كلام كتير بيرميه اين كان غرض هزار ولا غيره بدون مراعاه اي مشاعر او احساس ابنه بيبقا عامل ازاي كل رده ف الوقت دا مش مشكله عاجبني وف ناحيه تانيه اميي ال فقد السيطره علي اعصابهاا الي حرفياا شكه ابره تخليها تصوت ومتسكتش ونتوا ونتوا ويفشله وي وي وسط عيله انعدم فيها تقدير واحترام الكبير وناقصها حجات كتير اوي واهماا مصدر الامان
ي جماعه لكوا ان تتخلوا انه انا مش قادر اشاركهم اي حاجه او حدث حلو بعمله ف حياتي خوفا من ردودهم المستهتره وعدم لا مبالاه لا وسعات بيلوموني يعني لكوا ان تتخيلوا اني الحمدلله يعني بدأ حفظ القرآن ومش عارف اقولهم داا وبجد مش عارف ليهه بجد في حجاات كتير اوي جوايا عايز احكيهاا بس معرفش في حاجه بتمنعني
الاهل هيفضلوا بشر وليهم قدرات وزيهم زيك بيحسوا احاسيس وحشه. على قلة وعيهم بيتصرفوا بدون قصد للايذاء او الاهانه . توقعاتهم كبيرة ومش شرط تتحقق . طب هنزعل منهم ؟ لا ..هنزعل من التصرف الوحش اللى بيطلع تلقائى منهم وبسبب قلة الوعى وبس. طيب نعمل ايه؟ نتقبل كونهم بشر و كل ما تقبلتهم جواك بكل عيوبهم......كل ما هتلاقى نفسك مرتاح اكتر فى التعامل.
تم النشر الأربعاء، ١٨ يناير ٢٠٢٣
بص الانسان مش بيختار اهله عاملين ازاي ولا مين ولا طباعهم ايه وانا معاك ان فعلا اسلوبهم مؤذي بس فكر معايا شويه ف كذا حاجه تخيل لقدر الله اهلك حصلهم حاجه والدك جراله حاجه هل هتكون مرتاح هل هتكون متطمن هل هتحس بنفس مشاعرك دي؟؟؟ طيب مسألتش والدك اسلوبه كده ليه مش ممكن هو البيئه الي طلع منها اصلا كان ده اسلوبهم ف شايف انه مبيعملش حاجه غريبه وهل سألت نفسك ماما ليه بقت عصبيه بزياده ومبقتش قادره تتحمل هي ممكن تكون تعبانه ومضغوطه وعندها مشاكل كتير محدش يعرفها ..طب ف مره هديتها وسألتها فيكي ليه وحقك عليا وامتصيت غضبها ؟؟؟ دي اسأله كتير انت محتاج تجاوب عليها مع نفسك مش بلومك انك حاسس بالشعور ده بس كمان اسال ليه الوضع بقا كده واسأل نفسك كمان سؤال لما يبقا عندك عيال هتعاملهم ازاي؟ طيب بابا مش بيسألك ع اخبارك ولا بيسمعلك ليه متحاولش انت الي تسأله عن تفاصيله وتسمعله ليه متقولهوش انه هو وحشك ونفسك تتكلم معاه وتتعلم منه حاول انت الي تقرب المسافه طالمه هو مقربش
تم النشر الخميس، ١٩ يناير ٢٠٢٣
اتكلم .. لازم تتكلم معاهم .. عبر عن كل اللي جواك ليهم علشان ميفضلش كل ده جواك ليهم وتفضل مخزن كل حاجة قولهم .. انا بيضايقني كل ده .. قولهم من فضلكم محدش يشتمني قولهم انا بعمل نجاحات كتير وببقى نفسي اقولكم وبخاف منكم قولهم كل اللي جواك. معظم الاهل حاليا مضغوطين ومش عارفين يتعاملوا حتى بالشكل الصحي او النفسي السوي .. وللاسف بيطلع على الابناء، وبيكون حتى غصب عنهم.
تم النشر الأربعاء، ١٨ يناير ٢٠٢٣
• أنتَ شاب صح ، كم عُمرك ؟
تم النشر الخميس، ٢٥ يناير ٢٠٢٤
لعرض السؤال في فدني اضغط هنا