انا من لما كنت صغيره كنت بتعرض للضرب من أبويا لدرجة كنت بخاف اوي اعمل اي حاجه غلط عشان ميعاقبنيش وكنت بحاول امنع اني اعيط وانا بتضرب عشان مكونش ضعيفه الا اني احيانا مكنتش بقدر امسك نفسي وابويا كان شايف ان دي الطريقه الصح فالتربيه وربي اخواتي بنفس الشكل معرفش دا أثر عليا ولا بس لسه متذكره دا لحد النهارده بس بحاول معلقش شماعتي علي دا ... لحد النهارده كبرت ونفسي اني يبقا في حد بيطبطب عليا او موجود جمبي ويدعمني وكنت زي اي بنوته بحلم بالشاب بقا اللي هحبه وهييجي ينقذني من كل حاجه حسيت ولا مريت بيها وبالفعل قابلت شاب وجمعتنا صدفه وحبينا بعض بعدين ابتدي يحصل بينا مشاكل وخناقات وواحده واحده ابتدت الخناقات دي تزيد مع حاجه يمكن بتكسف من نفسي لما بقولها بس انا غلطت معاه بس غلط سطحي تلامس بس محصلش علاقه ولا كدا وكذا مره لحد ما استحليت الموضوع شويه مش هكذب لاني ابتديت اعرف احاسيس اول مره اعرفها انا معرفش بس هتكلم بصراحه انا مكنش عندي اي معلومات عن الجنس ولا الكلام دا انا كل اللي كنت اعرفه لحد سن الثانوي دا ان الطفل بييجي من بوسه اصلا ولما كنت طفله وظهر قدامي حاجه زي دي شككت وكنت لسه بعقل طفله مش فاهمه ومكنتش فاهمه حاجه ف المهم بالصدفه كنت مع ابويا وسمعته بالصدفه بيقولي انتي عارفه ان اي حد ممكن يشوف حاجع وحشه يجيله امراض فعينه واسوأ حاجه ذنوب الخلوات بعرفك عشان انتي طفله وربنا ميزعلش منك ومعندكيش رقيب غير نفسك كفايه اني سايبلك موبايل وقتها فهمت ان دي حاجه حرام وفهمت ف بقيت اتجنب اي حاجه من دي وكنت طفله فبالنسبالي انا مكنتش فاهمه اصلا دا اي وكمان لما كنت صغيره لكن لما كبرت زي ما قولتلكم العلاقه اللي دخلتها دي فهمت اكتر لدرجة كنت بتكلم معاه فحاجات عن الجنس لحد ما فهمت المواضيع دي المهم طبعا الحاجه الحرام عمر ما ربنا هيبارك فيها مشاكلنا زادت اكتر بكتير وكنت وصلت اني اشكك فكل حاجه وكان قليل الذوق معايا فالمعامله وبيزعق وبيضايقني بالكلام وانا امشي وبعدين يحاول يصالحني فأرجع لحد ما مره سابني وخلاص كانت الناهيه اتمنيت ان ربنا يجبلي حقي وحقي جه وجه اعتذرلي وطلب مني اسامحه وانا وافقت اسامح بعد مره واتنين وتلاتع بس موافقتش ارجع ... الدرس اللي فهمته من العلاقه دي ان الحرام مش بيدوم انا طبعا مكنش فدماغي كدا ولا كنت فاهمه انا الشيطان جرني الحته الجايه بقا هي اللي تعبتني اوي انا وانا فالعلاقه دي لما مكنتش مثلا اقابله ولا اشوفه الاقي شهوتي تقيله فابتديت كنت اشوف الافلام الاباحيه دي عشان استمد منها وافهم اكتر كمان عن العلاقه لحد ما اندرجت وكنت فوقت ظلمه ووحش كنت بخاف من نفسي اوي المهم لما الشخص دا سابني انا بدأت احاول ارجع لربنا تاني واجاهد نفسي بس فضلت معايا حتة شهوتي دي نزلت برنامج ساعدني شويه وبقيت اعد لنفسي لحد ما وصلت ل 90 يوم متفرجش !وقتها اتبسطت اوي وكنت اقعد بالسنه او بالشهور مشوفش احمد ربنا انه مش ادمان برغم جيت ففتره كان ادمان بالنسبالي وانا مواظبه عالصلاه بس اجي مره واحده بعد مده كبيره نفسي تضعف واحسني عاوزه اتفرج واشوف واوصل لشهوتي بس بتضايق اوي بعدها وبحس ان ربنا مش حاببني ومش هيغفرلي بعدين ارجع اقول دا الشيطان لازم اقوي لازم مستشلمش واحاول تاني مع نفسي وانتكس تاني الموضوع صعب انا بقرأ كتب نفسيه كتير لعلها تساعدني ابقا قويه وابقا نفسيتي احسن وافهم نفسي واحب نفسي فمحتاجش راجل يخليني احب نفسي ولا اتسند علي حد احيان كتير ببقا نفسي ابقا بحب واتحب وبعد علاقتي الفاشله حاولت اشوف ناس تانيه بس محستنيش معاهم ومحستهومش مناسبين ليا ي اما حد جاي يتسلي وعارف 600 واحده تانيه ولما الوحيد اللي ارتبطت بيخ ارتباط حقيقي رجع وكان عاوز خطوبه علطول وكدا موافقتش عشان سامحته اه ومعدتش بحمله كراهيه زي لما سابني بس عادي معدتش حاسه بحاجه تجاهه وانا خلاص شخص طالما اتحمل كتير من شخص وجاب آخره لا يمكن لو اي يبقا مع نفس الشخص تاني ... احيانا بتراودني افكار وانا مستنيه عوض ربنا انه مثلا ازاي هيتقبلني انا مش هقوله اني عملت حاجه حرام بس ازاي هبقا سامحه لنفسي اكون مع حد وانا غلطت قبل كدا... غير كدا دايما بجذب ناس رخمه ووحشه لحياتي اللي عاوز يتسلي واللي مش متناسب معايا واللي شخصيته مش زيي وانا علاقتي الفاشله اديت فيها كل حاجع فبقيت بخاف ادي كل حاجع مع العلم العلاقه دي بعد مسبتها وعدي حبه عرفت قيمة نفسي ويمكن اللي بتتكلم دلوقتي مش هي اللي من سنتين اتحسنت اكتر بكتير فكل حاجه بس بييجي عليا وقت زي مبقول انتكس وابقا عاوزه اشوف حاجه وحشه فيديو ومره وبعدين برجع تاني واللي بيرجعني تاني اني عارفه ان ربنا معايا يمكن محكتش كل اللي عاوزه اقوله بس عشان مبقاش بطول واللي يشوف انا عارفه اني غلطانه واذنبت بس محدش معصوم من الخطأ انا بس نفسي ربنا يعوضني وعارفه ان يمكن ذنبي مأخر كل حاجع عليا بس والله دايما بدعي ربنا يسامحني وبستغفره كتير ويمكن دا اللي موقفني علي رجلي لحد النهارده انا شخص من صغره ملقاش حب اهله ليه اغلب الاهل ومنهم اهلي كان كل تفكيرهم انا بأكلك وبشربك وبتلبسي ف كدا خلاص حتي امي شايفه ان وقوفها بالساعات وهي تعبانه تطبخلنا وتيجي علي نفسها وانا اخواتي بيشتغلوا وبعمل اللي اقدر عليه معاها فالبيت بس هي بتشوف اننا مبهدلنها انا عارفه اننا مقصرين معاها بس هي طول عمرها شايفه ان بس دا واجبها احيانا بحاول اقرب منها واديها حب هي كمان لان بحسها هي كمان فقداه بس بتقلب عليا مره واحده وانا طاقتي خلصانه مع العلم برغم صعوبة ابويا وامي بس هما طيبين اوي اوي هما بس اتربوا علي طريقه معينه وحاجات معينه فبيتعاملوا بيها معانا لكن هما برضه طيبين وكويسين من جواهم وابويا طيب دايما بس مبيعرفش يعبر عن شعوره فبيخفيه بإنه يكون قاسي شويه ... انا مش احسن حد فالدنيا ولا ملاك انا بني آدم وبيغلط كل اللي طلباه تدعولي انا بجاهد مع نفسي بحاول اطور ذاتي كمان لاني متخرجه وداخله علي مرحلة شغل بطور وبضغط علي نفسي اغير فكري من سلبي لإيجابي وبجاهد نفسي يوميا احيانا بحس طاقتي خلصانه اوي اوي مش قادره اعمل حاجع ودا غالب عليا انا فكرة ان الواحد يحارب افكاره ونفسه دي صعبه بس بقول انا ياما جيت علب نفسي فحاجات غلط ليا محاول اطورها ولو لمره انا زي مقولت محكتش كل حاجه فحياتي وفي حاجات مريت بيها اصعب بس طولت عليكم اوي قولتلكم عاللي شاغل بالي بس دلوقتي اتمني حد يفيدني
سأجيبك بخصوص نقطتين: سؤالك عن تقبلك الزواج لاحقًا رغم تجربتك السابقة. دعينا نتفق أن التائب من الذنب كمن لا ذنب له وأن الله يبدل السيئات بالحسنات. فأنت طبعًا لن تتحدثي عن شيء مما مضى، لكنك ستتركي تلك التجربة تذكيرًا لك بتجديد التوبة وضرورة البعد عن كل ما من شأنه أن يضعفك لاحقًا. نقطة المشقة في جهاد النفس، أتفق معك، أشد الجهاد جهاد النفس والهوى. والطبيعي أن تقفي ثم تتعثري ثم تقفي وهكذا. استعيني على ذلك بالله، وبصحبة الخير، وبتتبع تقدمك دائمًا.
تم النشر الثلاثاء، ٦ أغسطس ٢٠٢٤
السلام عليكم ورحمه الله وبركاته. اللي انت كاتباه يعني مش هعرف اعتبره ان هو مشكله قد ما هشوف ان هو تجربه احنا بس يعني هنساهم معاكي في ان احنا ندعمها ونقول لك شويه حاجات تتقل التجربه اللي هي اصلا تجربه تحترم اللي انت بتقوليه انت عملتيه لوحدك وانت بتعفري فيه ودي كلها حاجات كويسه جدا جدا جدا بتقول ان انت شخصيتك جميله. اييي من الحاجات اللي انا هاكد عليها لزكاه قالتها لك انك تتقبل شخصيتك تقبلي ظروفك. تقبل يعني ايه اصلا ان انا مارفضش اللي بيحصل ده بفكره انه قدرات كبيره جدا هو من كتر ما بيبقى قدام مشاكل كبيره ان هو ما عندهوش القدرات دي وبينساها لكن في الحقيقه قدراتنا بتقدر تخلينا نعمل الحاجات ممكن تبان غريبه ممكن تبان المستحيل. قدراتنا دي ايه اللي بيدعمها قوي قدراتنا دي بيدعمها هي معيه ربنا من فوق من فوق سبع سنوات يعني ايه معايا ربنا يعني ربنا شايفنا وعارف كل اللي بيحصل وعارف الصعوبات اللي احنا بنواجهها فبيزرع فيه قوه. تخلينا نستحمل بيزرع حوالينا ظروف ثانيه ممكن نبص عليها وتخلين نقدر نتعامل مع الظروف الصعبه دي. في حته خلي بالك منها كويس قوي. هي انك لما بتوقفي قصاد حاجه من اللي بتحصل في حياتك بتقفي قصادها بمعنى واحد بس اه انت قلتي حاجات كتير ملخبطه وعشان كده انت بتحسي انه انا كده تمام ولا انا كده ما بوصلش لحاجه ولا ايه بالظبط. حتى لو انت بتوصلي وبتقعي وبتوصلي وبتقعي ده عادي جدا. وعلى فكره ممكن انت او انا او اي حد بحياته طول الوقت بيقوم ويقع تخيلي وده مش معناه ان هو كده مش شاطر ده مش معانا خالص ان كده ربنا مش بيحبه خالص على فكره احنا ما عندناش اسطمبات في الحياه ما عندناش شكل مثالي للبني ادم الصح او للبني ادم ربنا بيحبه ربنا بيحب يشوف مننا حاجات كثير جدا وعلى اختلاف ظروفنا احنا ممكن يطلع مننا حاجات كتير تخلينا في الطريق السليم. عشان كده عايزه اخليكي معتزه بكل الظروف اللي حصلت لك وما تزعليش منها خالص.ليه بقول لك ما تزعليش من الظروف دي لانه ربنا اللي اعلم مننا بنفسنا عارف ان احنا محتاجين الظروف دي علشان تبان نقطه القوه بتاعتنا فانت ما كنتيش هتعرفي ان انت عندك اراده لانك بتختاري الصحه رغم انه الغلط كان مفتوح قدامك الا لو كان عدى عليك ده دي نقطه حلوه جدا وظروف خلتك تكتشفي حاجات كانت ممكن ظروف ثانيه ما تخليكيش تكتشفيها عشان كده بقول لك ما تزعليش من ده ما تزعليش من الظروف اللي انت محطوطه فيها او اتحطيتي فيها وما تزعليش كل اللي ناقصك لانه احيانا بتكون في حاجات الاحسن ان هي تبقى ناقصه في حياتنا ولان ده الطبيعي يعني من سنن الحياه ان يكون في شيء ناقص لانه الكمال موجود في الاخره بس والكمال لله وحده عز وجل هو بس اللي كل شيء كامل فيه مهما كنا ربنا خلقنا ازاي او في ظروف عامله ازاي لازم هيكون فيه حاجه من احتياجاتنا مش كامله ومش بناخدها بشكل كافي مش بناخدها بالشكل المظبوط. المهم انه ايماننا هيترتب على ان هو رغم ان احنا ابتلينا بالمنع. هنقدر نفضل على طريق السليم ولا لا ده اللي انت ما شاء الله مقرراه خليه دائما قدام عينك ومهما حصل ما تبعديش عن الطريق ده مهما الشيطان حاول يضحك عليك ويقول لك ما فيش فايده لا دائما في فايده لان الفائده الحقيقيه بعد ما حياتي تنتهي مش في النهارده ومش في بكره ومش في السنه الجايه اصلا ومش انا بطلت الذنب ده خالص ولا لا الفايده الحقيقيه في الاخره لما ربنا يكافئني على كل السعايده على كل المعافره دي على اني انه كان كل شويه بيتعرض عليا الغلط الا اني كنت برفضه او انه لما كان بيجي قدامي ونفسي بتضعف كنت برجع برجع تاني ارفض استمري وربنا يوفقك يا رب.
تم النشر الثلاثاء، ٦ أغسطس ٢٠٢٤
أولًا، أنا مقدرة شجاعتك في مشاركة كل الكلام ده، وأنتي فعلاً قوية لأنك قدرتي تواجهين ماضيكي وتحاولي تحسين نفسك. حياتك كانت مليانة بتجارب صعبة، لكن واضح إنك مبتستسلمي أبدًا. الأول، حابب أقولك إن ما في حد معصوم من الخطأ، وكل واحد فينا عنده مشاكله. التقييم الذاتي والتناقضات اللي بتحسي بها طبيعي، ومهم إنك تتقبلي نفسك كما أنتي، بكل عيوبك ومشاكلك. عشان تحسني من نفسك، حاولي تركزِي على شوية خطوات بسيطة: التقبل : حاولي تقبلي نفسك بكل ما فيها. شجاعتك في مواجهة مشاعرك واعترافك بأخطائك يجعل موضوع التقبل أسهل عارفي إنك بشر ودي جزء من الحياة. الدعم النفسي : لو حسيتي إن كل الحكايات اللي فاتت لسه مؤثرة عليك بشكل كبير، فكري في فكرة الذهاب لحد مختص نفسي. ممكن يساعدك تفهمي مشاعرك وتتعاملين معاها بشكل أفضل. الاهتمام بالنفس : احصلي على وقت لنفسك. اعملي أنشطة تحبيها أو تجربي حاجة جديدة. الرياضة، الهوايات، أو حتى قراءة الكتب. كلها بتساعد في تنشيط العقل والجسد. التواصل : حاولي تتواصلي مع ناس إيجابية في حياتك. الصداقات أو العلاقات الصحية ممكن تساعدك تقوي ثقتك بنفسك وتحسني من حالتك النفسية. الصلاة والاستغفار : واضح إن إيمانك قوي، فاستمري في الدعاء والاستغفار. التواصل مع الله بيمنحك طاقة إيجابية كبيرة. تحديد الأهداف : اجلسي مع نفسك وفكري في أهدافك، سواء كانت صغيرة أو كبيرة. اتلمي وقتك وابدأي في تحقيقها، حتى لو خطوة بخطوة. في النهاية، تذكري إن التغيير يحتاج وقت وصبر، لكن أوعدك إنك هتلاقي النور في نهاية النفق. ودايمًا تذكري إن أزماتك ممكن تكون بداية لشيء جديد وجميل في حياتك. أنا هنا لو محتاجة أي حاجة. 💪❤️
تم النشر الثلاثاء، ٦ أغسطس ٢٠٢٤
اسمعي دكاتره نفسيين واعملي انشطه مختلفه وربنا يعوضك كل واحد ليه ابتلات بس لازم نعدي علشان نوصل انتي قويه بجد
تم النشر الثلاثاء، ٦ أغسطس ٢٠٢٤
بجد شكرا جدا .. الفكره اللي بتخليني متواصلش مع دكتور نفسي اني معرفش افتح قلبي كدا لحد بسهوله واعرف اتكلم واحكي علي مخاوفي انا للأسف دايما بحب ابان شخص كويس مفيهوش حاجه ولا فيه غلطه وقوي فمن الصعب مفيش غير شخصية بنت بس وحيده وهي واحده صحبتي هي اللي ببين نفسي قدامها شويه وبحكيلها كل دا بنحاول نصلحه سوا بس برضه بخاف لأبقا تقيله عليها وهي برضه اغلب الوقت بتكون مشغوله ويمكن احيانا برضه مش بتفهمني
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا