مؤخرا مريت بصدمات نفسيه خلتني مش قادره استمتع باي حاجه ولا بقيت عارفه افرح بجد ولا اتبسط
وكمان معاملة اهلي ليا دي لوحدها ضغط اصلا والسبب في معظم المشاكل الي عندي
بابا طول الوقت ينتقدني وشايف اني انسانه مش سويه وعصبيه وفاشله وطول الوقت بيزعقلي مع أن هوا السبب في الكل ده وطرقته معايا وعنفه ده خلاني انسانه عنيفه وعصبيه وبجد بكره نفسي لما تلاقي نفسي لا إراديا بعمل كده وطول الوقت بيتخانق معايا انا مش فاهمه ليه بجد ومبقتس قادره استحمل ده ولا اتعامل معاه
وطول الوقت بيفرق في المعامله بيني وبين اختي
مع اني انا الكبيره وشايفها هيا احسن مني لأنها بتعرف تقول كلام حلو وتتكلم معاه واختي دي حرفيا اكتر انسانه انانيه شفتها في حياتي بحس علطول انها بتحاول تكرهم فيا وتشكيلهم مني حتي لو هيا الي غلطانه وطول عمرها مبتعملش حاجه غير أنها تنكد عليا كل ما تشوفني مبسوطه ومع ذلك بحاول اتعامل معاها كويس وبرضو نفس طريقتها المقرفه بجد حقوده بطريقه مش طبيعيه
بقيت بنعزل عنهم علي قد ما اقدر واقعد في اوضتي علشان أتجنب المشاكل معاهم وبرضو شايفين وحشه علشان مش بقعد معاه مع اني كل لما احاول اقرب منهم يبعدوني عنهم بطريقتهم ومشاكلهم معايا بدون سبب
مبقتش عارفه اعمل ايه بجد
وانا أنسانه حريصه بطبعي وبحب حاجتي ومنظمه شويه فمبحبش حد يقرب من حاجتي أو ياخد حاجه من غير ما يستأذني وده السبب في أغلب الخنافات بيني وبين اخواتي واهلي وأنهم مش بيراعو ده وشايفسني كده اوفر ومش مراعين مشاعري تماما
ومن فتره اخويا الصغير جاب قطه وانا بحب القطط جدا وكان نفسي اجيب واحده واهلي كانو رافضين المهم سابوها وبعدها بشهر تقريبا قررو أنهم يمشوها من البيت مع اني اتعلقت بيها جدا وحلفو أنها مش هتبعد في البيت واتضطريت ادور علي حد يتبناها ودخلت وقتها في حالة حزن مش طبيعيه ومش باكل ولا بشرب وطول الوقت بعيط ومحدش فيهم عبرني اصلا لا وشايفني انا الغلطانه كمان ووقتها جاتلي حالة بانيك اتاك ومكنتش عارفه اتنفس وفكرت اني خلاص بموت
بجد تعبت ومبقتش عارفه اتقبل كل ده وكل لما احاول اكون كويسه يكتشف اني بقيت اسوء
بجد مبقتش عارفه احس باي حاجه ولا افرح بأي حاجه كنت بفرح بيها قبل كده ولا عارفه استمتع باي حاجه
مفيش حد اتكلم معاه ولا حد يساعدني وانا داخله علي تالته ثانوي وعايزه الاقي حل لكل ده علشان مش يأثر عليا في تالته
علشان بابا طول الوقت بيهددني اني لو مجبتش درجه كويسه أنه مش هيدخلني جامعه وده من وانا صغيره جدا مع العلم اني شاطره ويطلع من الاوائل اصلا
وكمان كنت بحفظ القرآن وكنت ختمته بس بإهمال مني واني مكنتش لاقيه معلمه كويسه وهما بطلو يساعدوني اصلا نسيت القران والوقتي مش عارفه اثبته وحاسه اني نسيته وده لوحده مدخلني في حالة ضغط وشعور بالندم وحاسه اني متاخره لأن اغلب صحابي والي حواليا دخلو مسابقات بالختمه واحدة عمره والوقتي بيياخدو اجازه فحاسه بفشل مش طبيعي
عايزه اروح لثيرابيثت بس في المكان الي انا فيه مفيش ثيرابيثت
في بس دكتور نفسي وانا مش عايزه اروح لدكتور نفسي لأنهم بيعتمدو علي الادويه وانا مش حابه كده
تعبت ومش عارفه اعمل ايه بجد
لو انتي روحتي لدكتور شاطر مش هيعتمد على الادويه انا اعرف حد راح لدكتور وبتاخد ادويه بسيطه وغير حلقات العلاج ال بيروحها بتبقي مع أشخاص تانيه وبيتكلم وبقي احين بكتيييير حقيقي عن الاول .فأنتي دوري على حد شاطر .تاني حاجه ادعي ربنا كتير كتير وصلى قيام ليل وانا متأكده ان ربنا هيوصلك لحل والدنيا هتتيسر معاكي
تم النشر الأربعاء، ١٩ يونيو ٢٠٢٤
أنا آسفة جدًا لسماع الكلام ده، وفهمانه ومش حاسة بوجعك بس حاسة بالقليل منه عن بعد. واضح أن عندك وضع معقد وصعب عايزه حلول فورية وطويلة المدى. خلينا نبدأ نشوف إنتِ إزاي تقدري تتعاملي مع الضغوط دي: 1. التعبير عن مشاعرك: البوح بمشاعرك مهم جدًا. يفضل تدوين يومية أو محادثة مع صديقة موثوقة عشان تفضفضي معاها. مش ضروري يكون حلك كامل، لكن الكلام بيريح. 2. تنظيم حياتك اليومية: حاولي تنضمي جدولك اليومي عشان يكون عندك الوقت اللازم للمذاكرة وللنفس. يعني حددي أوقات للمذاكرة والاستراحة والنوم. 3. استعادة علاقتك بالقرآن: ابدئي بخطوات بسيطة. تذكري أن كل خطوة صغيرة بتقربك لأهدافك. لوحتي الورقة وكتبي خطتك الأسبوعية للقراءة والحفظ، حتى لو كان الوقت قليل. 4. الوعي بالتصرفات العنيفة: لما تحسي أنك هتعصبي، حاولي تاخدي نفس عميق وتعدي لحد 10. ممكن تجربي تقنيات كمثل التأمل أو اليوجا لتهدئة نفسك. 5. التواصل مع أفراد عيلتك: حاولي تتكلمي مع والدك ولكن بهدوء، وقولي له كيف تحسي. مش ضرورك يكوت يقتنع من البداية، لكن ممكن هو يلاحظ أن عندك مشكلة ويديك فرصة تكبري. 6. القطط والحيوانات: لو القطط بترفع روحك المعنوية، ممكن تشوفين طريقة تانية تحتفظي بقطط تانية عند صديقة أو حد موثوق فيه. 7. القبول بالتحديات: تذكري أن ثالثة ثانوي صعبة، ولكنك شاطرة وبتقدري ترفعي من درجاتك. اطمئي لنفسك واتبعي جدول دراسي منتظم، واتجوزي كل اللي قدامك. 8. دكتور أو معالج نفسي: لو مش حابة العلاج الدوائي، ممكن تقترحي على الطبيب النفسي أنك تفضفض بس من غير دواء. ممكن الدكتور يقدملك نصايح أو تقنيات تساعدك. خليني أقولك أن أغلى حاجة عندك وهي قوتك وصمودك، لأنك رغم كل الضغوط دي لسه بتحاولي. وبرضو الوضوح والتنظيم في حياتك ممكن يساعدوك تتجاوزي. إذا احتجتي أي حاجة، أنا هنا دايمًا. 💕
تم النشر الثلاثاء، ١٨ يونيو ٢٠٢٤
معنديش اجابه بس عاوزه اقولك أن مش لوحدك وانا برضه داخله تالته وفي مشاكل عندي في البيت برضه بسبب اللي المفروض ماما ..وبتعرض للعنف برضه من بابا بس الحمدلله هو هيسافر لما يخلص اجازته..وعاوزه اعالج كل حاجه قبل ٣ زيك برضه بس بصي محدش هيحل مشاكلنا دي غير ربنا واصرارنا ..بنصحك تقرأي كتب ولو مفيش مكتبه عندكم مثلا بس حاولي تدوري اكيد فيه المهم اسمعي ناصر العقيل هو بيقرأ كتب وبيلخصها حلو اوي ومشهور ..بنصحك بالكتب في البدايه زي العادات السبع للمراهقين هيفرق معاكي جدا بجد وقربي من ربنا بالقيام واقرأي سورة البقره يوميا بيقولو فيها معجزات وبتحل كل حاجه واعملي اللي عليكي في تالته من بداية السنه وخليكي واثقه في ربنا أنو مش هيضيعك وحسني جودة حياتك زي اصحي اعملي رياضه وضبطي أكلك نومك مش عشان تالته بس لا عشان حياتك انتي ..ولما تتعصبي خدي نفس وابعدي عنهم مترديش وجربي التدوين احسن بكتير وهتكوني طلعتي اللي جواكي برضه
تم النشر الأحد، ٢٣ يونيو ٢٠٢٤
انا انصحك بقراءة كتاب العادات السبع لناس الاكثر فاعلية وكتاب محاط بالحمقي وكتاب من حرك قطعة الجبن الخاصة بي وكتاب العادات الذرية وكتاب العمل العميق الكتب ده هتفيدك وتنفعك كتير وهتساعدك
تم النشر الأربعاء، ١٩ يونيو ٢٠٢٤
كمان انا شائف إنك عندك مشكلة جماعة الاخطأ إنتي بتلومي بباكي وامك واخواتك بس الواقع إن العيب في طريقة تفكيرك مينفعش تلومي والدك إنه بيحب اختك اكتر منك عشان سببين السبب الاول هو إن اختك هي الصغيرة والصغير دائما بيبقي ليه معزة عند الاهل والسبب الثاني إنه بتعاملهم حلو إنتي نفسك ممكن يحدث معاكي كدا حت نفسك مكان ولدك وشوف هتحب مين تاني نقطة مينفعش تكره اختك لاي سبب كان ده مهما كانت هي اختك الصغيرة وثالث اكبر نعمة بعد الاسلام وابوكي وامكِ
تم النشر الأربعاء، ١٩ يونيو ٢٠٢٤
قاعدة لابد انكِ سوف تتعلميه في نهاية المطاف وعي اهلك ليسو اعتاء لكي اهلك هم اكثر الناس حب وإحترام لكِ إن اساوء لكي كان ذالك عن جهل وإن اخطأ في حقك فخطئهم لم يكن معتمد هم يرون ما يفعلون صحيح ليس تكبير منهن ولا عنات ولكن لان هذا هو مستوى تفكيرهم ولهذا دعاء إبراهيم عليه السلام لاباه رغم انه كان كافر والقي به في النار ولكن لم ينزع ابدا عن نفسه ثوب البري
تم النشر الأربعاء، ١٩ يونيو ٢٠٢٤
لعرض السؤال في فدني اضغط هنا