انا ماكنتش عايشة في مصر بس كان بابا بيجيبنا لأهلنا كل سنة وكانت علاقاتي في حدود الأهل ماكانش فيها حد من بره وكنت تمام يعني ليا أصحاب هناك وأهلي هنا فكنت عادي.
دلوقتي الحال اتغير؛ اضطريت اخد الجامعة من مصر عشان غالية في المكان اللي كنا عايشين فيه بس دي مش مشكلتي،
مشكلتي اني مش متعودة على هنا، بعدت عن اهلي اللي كنت ببقى في وسطهم ومابقيتش عارفة اتعامل، ومش عارفة اكون اصحاب حاولت كتير وتعبت من المحاولة بس مفيش نتيجة.
هل هم شايفني مثلا مختلفة او ايه العيب اللي فيا وانا اغيره؟
رحت الجيم قلت اشغل وقتي واكيد هاتعرف على بنات هناك... حرفيا ماعرفتش! مفيش حد رايح لوحده زيي كدا لأ كلهم مجموعات ماعرفتش ابدأ ازاي! وبطلت اروحه كنت باتمنى حد يروح معايا وييجي معايا زي اصحابي اللي هناك فزهقت!
بقيت باخرج لوحدي، باتمشى لوحدى كل حاجة لوحدي!! هموت وانا لوحدي؟
بعدين تطوعت في منظمة خيرية عشان برده اشغل وقتي واتعرف على اصحاب برده ماعرفتش! واصحابي اللي في الجامعة اصحاب حرفيا للمشاريع والمحاضرات بس، مش لدرجة نتكلم او نخرج او احكيلهم موقف مش متعودة انه يحصلي فيقولوا لي اتصرف معاه ازاي مع انهم برده ماكانوش عايشين في مصر بس هم متوحدين مش قابلين فكرة التكيف وراضيين بالتوحد لكن انا بزهق من القاعدة وبازهق لما بحس اني لوحدي! كنت اتمنى اكمل حياتي في المكان اللي اتربيت فيه😔. اعمل ايه
انتي مفكيش اي عيوب ولا اي مشكله علشان تغيرها اصلا وموضوع ان ميبقاش عندك صحاب وكده ده طبيعي جدا والطبيعي اكتر ان ميكنوش نفس دماغك فده كله عادي وبمره تتعرفي على ناس ويبقى صحابك بس وانتي بتعملي كل حاجه متحطيش في دماغك انك عايزه صحاب لا اعملي الحاجه علشان انتي حبها وجربي كل حاجه عادي مش شرط يبقى في صحاب معاكي في كل حاجه انتي تواصلي مع صحابك اللي كنتي معاهم عادي جدا وتعرفي على صحابك اللي هنا برضو وحاولي تقريبي اكتر يمكن وانصحك نصيحه حلوه ممكن لو ينفع أو لو عندك وقت تشتغلي بجد ده هيشغل وقتك وهتتعرفي على ناس اكتر واحسن مليون مره او شوفي ايه هواياتك مثلا واشتركي في اي كورس ينمي الهوايه دي وهناك هتتعرفي على ناس كتير اوي أو لو في حاجه حابه تتعلميها أو كده يعني وعيشي حياتك عادي فوكي كده الدنيا مش مستهله مش لازم يبقى في صحاب أو ناس شبهك علشان تجربي حاجه معينه او تعمليها او تحكي حاجه طالما هما مش شبهك أو نفس الدماغ أو مش لازم صحابك يبقوا من الجامعه بردو ممكن يبقى عندك صحاب من أماكن تانيه واحسن بكتير ولو انتي بتزهقي من القعده ومش عايزه تشتغلي هقولك على حاجه عملتها وتحفه اوي علشان انا برضو زيك بكره القعده هتجيبي ورقه مثلا واكتبي كل الحاجات اللي نفسك تعمليها أو الأماكن اللي نفسك تزوريها أو حاجات ملهاش علاقة ببعض اصلا وكل يوم اعملي حاجه معينه انا كنت عايزه اشغل وقتي كتبت كل حاجه نفسي اتعلمها هويات مثلا وبقيت كل فتره كده تجرب حاجه ولوحدي عادي وكل متجربي حاجه هتتعرفي على ناس أكتر وتحبي اللي بتعمله بس شلي من دماغك انك رايحه المكان ده علشان تتعرفي على ناس أو صحاب لا انتي رايحه علشان تعملي حاجه معينه فهماني وواحده واحده هيجوا عادي وانتي مش لوحدك وصدقيني لو شلتي بس من دماغك ان المشكله فيكي هترتاحي انتي مفكيش عيب ومش هتفضلي لوحدك كتير علشان في نفس الوقت اللي انتي بتقولي نفسي في صحابه في واحده برضو بتقول نفسي في حد شبهي عيشي حياتك وانبسطي وربنا يعوضك خير كتير اوي ويفرحك يارب
تم النشر الخميس، ١٠ أبريل ٢٠٢٥
السلام عليكم ورحمه الله وبركاته طبعا تغيير. المكان حتى لو يعني لو انت عايشه في نفس البلد بس غيرت المحافظه اللي انت عايشه فيها الخروج من منطقه الراحه الخروج من المكان اللي انا متعوده عليه طبعا دي بتبقى نقله محتاجه شويه تهيئه ومحتاجه شويه مرونه احنا هنا بندور على المرونه ايه المرونه خليني اسالك ويعني اتمنى ان انت تجاوبيني الاول على الاسئله دي عشان اقدر اقول لك افضل حاجه تناسبك ايه الصوره اللي جوه ذهنك عن مميزات وعيوب الناس اللي عايشه في مصر بشكل دائم ايه الحاجات اللي انت كنت بترفضيها في الجو بت متعودين عليه واللي انت متعوده عليه؟ الحاجات دي وان شاء الله هاحاول.اع المعيشه في مصر ويعني كانت افضل وانت في البلد الثانيه دي حاجه ايه اللي انت متخيله انه هيكون الناس بيبصوا لك بيه يعني الطريقه اللي هم وصل لك بيها ايه الافكار اللي جايه في دماغهم ايه الحاجات اللي بتيجي في دماغك وانت بصه للي حواليك ثالث حاجه ايه العقبات اللي انت حاسه ان انت هتلاقيها في التواصل مع المجموعات لو انت دخلتي وسطيهم ايه اكثر حاجه تحسي ان انت غريبه بالنسبه لهم طريقتك في الكلام ولا طريقتك في التفكير ولا
تم النشر الأحد، ١٣ أبريل ٢٠٢٥
أولاً، أشعر بك وأفهم تمامًا ما تمرين به من تحديات في التكيف مع البيئة الجديدة. الانتقال إلى بلد جديد وترك الأهل والأصدقاء قد يكون تجربة صعبة للغاية، وخاصة عندما تتواجدين في مرحلة جديدة من حياتك مثل الجامعة. في البداية، ينبغي أن تكوني لطيفة مع نفسك. هذا شعور طبيعي يمكن أن يمر به الكثير من الأشخاص، لذلك لا تشعري بالوحدة في ذلك. هناك بعض الخطوات التي قد تساعدك في التكيّف مع الوضع الجديد وبناء علاقات جديدة: تحديد الأهداف الاجتماعية : حاولي وضع هدف بسيط، مثل التعرف على شخص واحد في الأسبوع. يمكنك البدء بالحديث مع زملائك في المحاضرات أو مشاركة اهتمامات مشتركة. الأنشطة الاجتماعية : بجانب التمارين الرياضية، يمكنك الانضمام إلى نوادي أو أنشطة في الجامعة تعكس اهتماماتك. مثل هذه الأنشطة توفر بيئة أكثر ودية للتعرف على الآخرين. التطوع والمشاركة المجتمعية : الاستمرار في التطوع هو فكرة رائعة. إن تعاملك مع الآخرين في بيئة تطوعية قد يفتح لك فرصًا للتواصل والأصدقاء. التواصل مع العائلة والأصدقاء القدامى : تذكري أن التواصل مع أصدقائك من الماضي يمكن أن يكون مصدرًا للدعم. قد يتطلب الأمر التحدث معهم بانتظام للشعور بالقرب منهم. الصبر : بناء العلاقات يأخذ وقتاً، لذلك كوني صبورة مع نفسك. من الطبيعي أن تحتاجي إلى وقت لتجدي مكانك في المجتمع الجديد. لا تنسي أن تحديات الحياة يمكن أن تكون فرصًا للنمو والتطوير. ركزي على الاهتمامات التي تهمك وسوف تجدين الأشخاص الذين يتشاركون معك هذه الاهتمامات. وفي النهاية، لا تترددي في طلب الدعم من مستشارين في الجامعة أو مختصين يمكنهم مساعدتك بشكل أكبر في التعامل مع مشاعرك. أتمنى لك كل التوفيق في مسيرتك.
تم النشر الثلاثاء، ٨ أبريل ٢٠٢٥
لعرض السؤال في فدني اضغط هنا