انا كنت مرتبط بواحدة من خمس سنين وكنت يحبها حب جنوني ومكنش في نصيب ان اتجوزها وهي دلوقتى اتجوزت وبعدت وعلاقتي بيها اتقطعت وهي دلوقتي وحشاني اوي ومش عارف اعمل ايه
السلام عليكم ورحمه الله وبركاته مسألة الارتباط بشخص رغم ان احنا مرتبطناش رسمي او ما قربناش لمرحله الجواز اه صعب جدا ان احنا نعرف نحطها لكن مش مستحيل خلينا نقول انت ممكن تعمل ايه اولا انت كان في تفاصيل كتير جدا من حياتك وخصوصا في المستقبل انت راسم الصوره وهي اللي موجوده في الصوره دي ضروري نبدأ بالتدريج كده نغير الصوره ونحط مكانها صوره لحد لسه احنا منعرفوش، يعني انا دلوقتي لو بحلم او عندي تخيلاتي في المستقبل ان انا البيت هي هتكون موجوده فيه مستنياني فانا هبدأ اغير الصوره اللي جوايا دي المشهد اللي جوا دماغي واحط مكانه خيال فاضي. الموضوع ده بيحتاج تدريب جوه العقل علشان اقدر فعلا اشوف انه خلاص الشخصيه دي ما بقتش تنفع تكون موجوده في الصور اللي انا راسمها في المستقبل دي اول حاجه ثاني حاجه لو احنا كان في عندنا تفاصيل حياتيه زي كلام بنتكلمه مسجات بنبعثها احنا محتاجين ان احنا نستبدل ده بأوقات ثانيه مع اشخاص ثانيه احنا بنحبهم برده حد من صحابي حد من اهلي الموضوع ده هياخذ وقت اه هياخذ وقت مشاعرك اللي انت موجوده جواك مشاعرك اللي حاسس ان انا عايزه اكلمها واقول لها انت وحشتيني لا انا لازم المشاعر دي تبقى كاني بالضبط كتبتها جوه كتاب وقفلت الكتاب والكتاب خدته وركنته على الرف مسألة هتحتاج وقت مساله هتحتاج تدريب وتمرين مسألة هتحتاج مجاهده لنفسك كتير جدا ولكن هو ده الطبيعي والمنطقي اللي لازم يحصل ضروري جدا تخرج صورتها من الصوره المستقبليه اللي عندك وده اللي هيساعدك كتير ان شاء الله.
تم النشر الاثنين، ٧ أبريل ٢٠٢٥
يا استاذي الفاضل انت بتقول انها اتجوزت يعني مجرد التفكير فيها عيب وحرام واكيد مترضهاش علي حد من أهلك واوعي شيطانك يهيألك انها لسه بتحبك لان دا مجرد وهم بتحاول تقنع نفسك بيه هي اتجوزت بمحض إرادتها واكيد سعيدة في زواجها واوعي تحاول تتواصل معاها لان دا هيفتح باب مش هتعرف تقفله وانت عارف دا ممكن يوصلك لكبيرة من الكبائر والعياذ بالله، اتمنالها الخير وافتكر انها ست متجوزة ومش من صفات المؤمن ان ينظر لما احله الله لاخيه المؤمن، استغفر كتير كل ما تيجي في بالك واكيد ربنا شايلك الاحسن، الإنسان دايما بيفتكر ان الحاجة اللي مستحيل يحصل عليها هي أحسن حاجة في الدنيا ودا مجرد وهم، انا مثلا لو منعتك تاكل نوع معين من الاكل هتفضل طول عمرك بتفكر فيه وبتحارب عشان توصله ومجرد ما هتوصل هتكمل حياتك عادي جدا وهتلاقي أنه مكانش فيه اي حاجة مميزة واكل زي اي اكل، بس دي طبيعة الإنسان أنت دلوقتي بتفكر قد ايه كنت هتبقي سعيد لو العلاقة دي كملت بس في الحقيقة انت متعرفش حكمة ربنا في أنه يبعدك عنها، ارضي بقضاء ربنا وادعيه يخرجها من قلبك ويرزقك بالزوجة الصالحة وركز علي نفسك وعلي شغلك
تم النشر الجمعة، ٤ أبريل ٢٠٢٥
أفهم تمامًا مشاعرك وألم الفراق الذي تشعر به. من الطبيعي أن تتعلق بشخص كنت تحبه لسنوات، ومن المؤلم أن تبتعد الأوقات وتفقد التواصل. في مثل هذه الحالات، إليك بعض النقاط التي قد تساعدك على تجاوز هذه المرحلة: قبول المشاعر: اقبل مشاعرك واسمح لنفسك أن تشعر بالألم، فهذه هي خطوة طبيعية في عملية الشفاء. ركز على نفسك: حاول استثمار وقتك في تطوير نفسك. يمكنك التوجه نحو الهوايات أو الأنشطة التي تستمتع بها، هذا سيساعدك على تحويل طاقتك إلى أمور إيجابية. تحدث مع الأصدقاء: شارك مشاعرك مع أصدقائك المقربين أو عائلتك. الكلمة الطيبة والدعم من الآخرين يمكن أن يساعد بشكل كبير في تجاوز الألم. ابتعد عن التواصل المباشر: إذا كانت الذكريات تعذبك، قد يكون من الأفضل الحد من التواصل مع الشخص الآخر حتى تتمكن من الشفاء. فتح صفحة جديدة: تعلم من هذه التجربة وواجه المستقبل بعقل مفتوح. الحياة مليئة بالفرص الجديدة والأشخاص الجدد الذين قد يدخلون حياتك ويجلبون لك السعادة. تذكر أن الوقت يخفف الألم، وبدعم نفسك واهتمامك بنفسك، ستتمكن من المضي قدمًا. وفقك الله.
تم النشر الجمعة، ٤ أبريل ٢٠٢٥
السلام عليكم، حضرتك هي خلاص تزوجت وبقى حرام إنك تفكر فيها أو تحاول التواصل معها بأي طريقة... صدقني الحياة مش بتقف على حد، كل الحكاية إنك لسه متعلق بها عشان هي شيء مقدرتش توصل له وتحققه، فبقى حاجة ناقصة بالنسبة لك. أنت محتاج تشغل نفسك، طول ما حياتك فاضية من الهدف والمعنى فمش هتقدر تتجاوز الموضوع وهتفضل تفكر فيها. كلامك عن إحساسك إنها لسه بتحبك ده ممكن جدا يكون وساوس من الشيطان عشان يسحبك لطريق غلط ويخليك في النهاية تتواصل معها وتحاول ترجع المياه لمجاريها وساعتها الخيانة مش هتكون مستبعدة. فأنت اقطع الطريق على الوساوس دي تمامًا وانساها. صلي واستعين بالله وادعي إنه يساعدك تنساها تمامًا ويرزقك بالزوجة الصالحة. اشغل حياتك زي ما قلت وخلي عندك هدف يملأها ووقتها مش هتلاقي وقت تفكر أصلا فيها. بالتوفيق.
تم النشر الجمعة، ٤ أبريل ٢٠٢٥
جربت كل حاجه ف الدنيا انا بقالي تلات سنين بعيد ومش عارف انسها وديما بتجيني ف الحلم حتا ريحتها ديمان مش مفرقاني انا عايز اتواصل معاها بس خايف اعملها مشاكل مع زوجها وانا حاسس ان هي لسه كمان بتحبني بس مينفعش تخون زوجها وانا مش حابب كمان انها تعمل كده حولت اتعرف ع غيرها علشان انسها برضه معرفتش انسها ولا عرفت احب غيرها
تم النشر الجمعة، ٤ أبريل ٢٠٢٥
لعرض السؤال في فدني اضغط هنا