السلام عليكم، حضرتك هي خلاص تزوجت وبقى حرام إنك تفكر فيها أو تحاول التواصل معها بأي طريقة... صدقني الحياة مش بتقف على حد، كل الحكاية إنك لسه متعلق بها عشان هي شيء مقدرتش توصل له وتحققه، فبقى حاجة ناقصة بالنسبة لك. أنت محتاج تشغل نفسك، طول ما حياتك فاضية من الهدف والمعنى فمش هتقدر تتجاوز الموضوع وهتفضل تفكر فيها. كلامك عن إحساسك إنها لسه بتحبك ده ممكن جدا يكون وساوس من الشيطان عشان يسحبك لطريق غلط ويخليك في النهاية تتواصل معها وتحاول ترجع المياه لمجاريها وساعتها الخيانة مش هتكون مستبعدة. فأنت اقطع الطريق على الوساوس دي تمامًا وانساها. صلي واستعين بالله وادعي إنه يساعدك تنساها تمامًا ويرزقك بالزوجة الصالحة. اشغل حياتك زي ما قلت وخلي عندك هدف يملأها ووقتها مش هتلاقي وقت تفكر أصلا فيها. بالتوفيق.
ونعم بالله بس غيابها عني خلي الحياه بدون هدف بدون ملامح لان هي كانت هدفي الوحيد وكان حلمي ساعتها كنت هبقا حابب اعمل حاجه لكن دلوقتى وجودي ف الحياه زي عدمه
تم النشر الاثنين، ٧ أبريل ٢٠٢٥
الفكرة مش في الشغل، عادي ممكن تكون بتشتغل لكن بطريقة روتينية مش مخلية فيه معنى أو هدف كبير في حياتك يخلي أي أفكار تانية جنبه أفكار تافهة لا تستحق إنك تشغل وقتك بها. صدقني، لو كنت تزوجتها كانت هتبقى عادية، مش حكاية حب خالص، ناس كتييير جدًا كانوا بيحبوا بعض وفورة المشاعر دي انتهت بعد الزواج ومواجهة الواقع. متتمسكش بالفكرة الرومانسية للحب عشان تقدر تنسى، هتقنع نفسك إنه الحب الواحد ميقدرش ينساه أو يتحكم في قلبه هتفضل في نفس الدائرة، هتقول لها إنها قصة وانتهت ومشاعر أخدت وقتها ومش صعب تجاوزها هتنساها فعلا. المهم تاخد القرار. *** كويس إنك قلت لها مينفعش، كمل كده وإذا كان فيه أي طريقة بتسهل تواصلك معها فلازم تقطع كل الطرق دي وتعملها بلوك وتقطعها جذريًا من حياتك. متخليش الشيطان يضحك عليك ويزين لك الباطل عشان يجرك له، خلي ربنا دايمًا رقيب عليك.
تم النشر الأحد، ٦ أبريل ٢٠٢٥
كل ما اكون نفسي ادخل اطمن عليها اترجع واخاف عليها
تم النشر الجمعة، ٤ أبريل ٢٠٢٥
انا عندي شغل ومش فاشل الحمد لله ف حياتي بس ده حب ومحدش بيعرف يتحكم ف قلبه وبعدين هي جات ف يوم عرفت ان تعبان سالت عليا واطمنت وانا قولتلها مينفعش تبعتي تاني وخلي بالك من نفسك ومن جوزك
تم النشر الجمعة، ٤ أبريل ٢٠٢٥
لعرض الإجابة في فدني اضغط هنا