انا أعاني من أحلام اليقظة المفرطة منذ أكثر من ست سنوات وانا حاليا عندي ١٩سنةو الموضع بدأ يأثر علي حياتي جدا لأني بضيع وقت كتير في الأحلام دي و ده أثر بالسلب علي دراستي و صلاتي و حتي علاقاتي و كل جوانب حياتي ، فقررت اني استشير دكاترة نفسيين بس اونلاين عشان أهلي ميعرفوش ، و للأسف قالولي انها ملهاش علاج و أغلب الحالات بتبقي مزمنة بس في طرق بتقلل من الأحلام دي و بتساعد في الحد من تأثيرها بس الي صدمني انها ملهاش علاج و انا دلوقتي حاسس بحزن شديد و اني هفضل طول حياتي بعيد عن الواقع و هبقي فاشل و هخسر كل حاجة .
بس انا مش هيأس ف الي يعرف أي علاج أو حل يساعدني.
و شكرا
في البدايه ما خلق الله وباء الا وجعل له الدواء ليس هناك مشكله ليس لها حل فكل قبيح قابل للتجميل وكل فاسد قابل للتعمير وثاني شئ اترك كلامهم لأننا كما سبق وقلنا جميع المشكلات قابله للحل بعون الله فليس مع الله مستحيل وليس مع الاراده والعزيمه مستحيل ومن جانب آخر لانك ان اقتنعت بأن المشكله ليس لها حل مهما قدمنا حلول مفعاله وفي قمه العبقريه لن يحرك ذلك ساكناً مع الإيمان بأن ليس هناك حل والشئ الثالث ءامن أن هناك حل هناك مقوله لابن سينا يقول فيها التوهم نصف الداء والطمأنينه نصف الدواء في الخطوه الثانيه كان النصف الأول من المقوله وهنا النصف الثاني في الثلاث خطوات السابقه كان التأهيل النفسي وفيما يلي الحلول العمليه المشكله الشئ الرابع املأ وقت فراغك انت بالتأكيد لديك الكثير من الوقت والذي هو بدوره البيئه الأنسب لنمو الكثير من السلبيات فنصيحه من اخ الي أخيه سد أوقات فراغك قدر الإمكان الشئ الخامس أقضى علي فكره عدم القدره أنت بالتأكيد عندما تفوق من احلامك هذه في أوقات قليله كما تقول تقول عندما تنظر لنفسك انا ليس هكذا انا لا استطيع الوصول لذلك أقضى علي تلك الافكار فهي العائق الاول والاخير لدينا الشئ السادس أسمعت يوما ما عن مصطلح تحويل السلبيات الي إيجابيات اليوم سنطبقه حاول أن تسخر تلك الأحلام لتكون سلماً لك للنجاح مثال أنت تتخيل في احلامك انك انسان ناجح مثقف محبوب خذ ذلك كإرشاد لك و حوله الي الواقع انت في احلامك ناجح اجتهد واسعى وتعلم لتكون كما في احلامك• وفي النهايه اتأسف إن أطلت الحديث أو كتبت كلمه خاطئه عن دون قصد واتمنى لك دوام النجاح والتفوق
تم النشر السبت، ٢٣ مارس ٢٠٢٤
لكي تخرج من هذه الدائرة عليك بالعمل ثم العمل وغيك بذكر الله والصلاة علي النبي وعليك صلاة الفجر في وقتها ثم الجلوس حتي تطلع الشمس بقدر ميل وصلي بعدها ركعتين وداوم علي ذلك سيخرج الله عنك بمشيئته
تم النشر السبت، ٢٣ مارس ٢٠٢٤
يا غاليتي الموضوع ده نفسي. يعني تقدري تسيطري عليه. و كذلك. الصلاه والدعاء وقربك من الله سلاح أيضا. قوي هتعدي هذه المرحله بنجاح متقلقيش كونك تبحثين عن الحل أو وسيله ده اكبر دليل علي انك سوف تتخطيهذه المرحله بنجاح
تم النشر الجمعة، ٢٢ مارس ٢٠٢٤
طيب انا مش عارفه مين الدكاتره اللي ممكن يكونوا يعني يوضحوا لك فكره ان هي حاجه ملهاش علاج ممكن اللي كانوا يقصدوه ان هي ملهاش علاج دوائي يعني ما تقدرش تاخد قرص خلاص يخليك تبطل تحصل لك احلام اليقظه دي. اي حاجه بتعزز التخيلات واحلام اليقظه اي حاجه بتخرج الانسان عن الواقع وتعيشه في وهم ويبدا يتسحب فيه ويبدا هو اللي يغلب عليه في يومه بيكون اولها انه في عنده شعور دافين بانه هو معترض على الواقع الموجود الحالي. طول الوقت عاوز يشوف حاجه تانيه مش عاوز يشوف الواقع اللي موجود. فيا ريت تشوف ايه اللي انت راده في الواقع بتاعك وايه الحاجات اللي انت بتتخيلها طيب والحاجات اللي بتيجي في احلام اللقضات دي بتكون شبه حاجه انت اتفرجت عليها او هي شبه حاجه انت نفسك فيها اكتر علاج لاحلام اليقظه دي هو انك تكون واضح مع نفسك. انت بتحلم بالحاجات دي ليه انت بتعيش احلى من اليقظه ليه طب انت بتتخيل نفسك ولا بتتخيل نفسك تانيين بتشوف ناس تانيين في الاحلام دي ولا انت شايف نفسك في مكان تاني شايف نفسك في حاجه مستقبليه ولا شايف نفسك في حاجه في ماضي كل الحاجات دي بتفرق جدا. كون انك تحكم على نفسك مستقبليا بواحد من احتمالات خلينا نقول ان واحد من الاحتمالات ان الحاجه دي ما اتعالجتش او انها قعدت استمرت معك وقت طويل هل ده يعني يؤكد انك تكون بني ادم ما فيش حكم انت بتحكمه على نفسك وكانك برضو بتعمل واحد من احلام اليقظه وبتقرر ان هو ده الواقع. انت شكرا على سؤالك ويعني فكر في الحاجات اللي انا؟
تم النشر الأحد، ٢٤ مارس ٢٠٢٤
كان نفس الأمر عندي وانا صغير فالمرحلة الابتدائي بشكل لا ارادي، بمعنى انو كنت اروح الدرس وانسا الاستاذ وكل حاجه واسرح بخيالي واحلم وانا صاحي وطبعا كنت كل شوية افوق عليه وهوا بيقولي افتح ايدك عشان مش مركز، حاليا بقيت متحكم فيها بشكل كبير، بل بالعكس بتسهل انو انام واحلم فوقت قصير جدا، وبتديك القدرة على انك تستفيد من مخيلتك، دا غير انو معتتش باسرح بشكل لا ارادي نهائي، ملخص الامر، دي حاجه فيك، ممكن تشوفها عيب يأثر عليك بالسلب، او ميزة تأثر عليك بالإيجاب وتديك افضلية على زملائك وتساعدك على انك تكون شخص مبدع
تم النشر الجمعة، ٢٢ مارس ٢٠٢٤
الدعاء هو سلاح المؤمن واحنا في أيام مفترجه ادعي ربنا وقت الفطار بعد المغرب وقبل ما تفكرين ادعي أن ربنا يشفيكي وافتكري ان زوجه سيدنا زكريا كنت عقيمه ولكن الله رزقها بولد فلا تيأسي من الله ﴿إِنَّهُ لا يَيأَسُ مِن رَوحِ اللَّهِ إِلَّا القَومُ الكافِرونَ﴾ وأحسني الظن بالله ﴿يقول الله تعالى : أنا عند ظن عبدي بي، وأنا معه إذا ذكرني، فإن ذكرني في نفسه ؛ ذكرته في نفسي وإن ذكرني في ملأ ذكرته في ملأ خير منهم ، وإن تقرب إلى شبراً ، تقربت إليه ذراعاً ، وإن تقرب إلى ذراعاً ؛ تقربت إليه باعاً ، وإن أتاني يمشي؛ أتيته هرولة ﴾وكل ما الأحلام ديه تيجي لا تسترسلي معها انا عارف ان الموضوع صعب بس احنا بردوا لازم نتخذ بالأسباب وبوانت كمسلمه حاولي يكون ليكي ورد من تدبر القرآن فممكن تسمعي حلقات تدبر القرآن من الشيخ فاضل سليمان واخطلتي بالناس كتير ول مفيش حد تكلميه كلمي ربنا وادعي ربنا احسن ما تكلمي نفسك وافتكري ان الإبتلاء الي انت في ده صعب فا حوالي تقاومي
تم النشر الجمعة، ٢٢ مارس ٢٠٢٤
شكرا هحاول تاني و إن شاء الله اقدر اتحكم فيها
تم النشر الجمعة، ٢٢ مارس ٢٠٢٤
لعرض السؤال في فدني اضغط هنا