بطنى بتوجعنى الم شديد بجد بقالي أسبوعين كشفت وطلع عندى القولون العصبي وحصوات علي الكلي ومشاكل كتير مع انى باكل نفس الاكل الي حواليا بياكلوه انا مش قصدى أن المرض جالي لوحدى ليه ولا الكلام ده انا راضيه جدا بأمر ربنا انا مستغربه ايه الحجات الي عملتها خلت عندى الأمراض دى وفى وقت زى ده انا حاليا فاضل اسبوع بس علي الامتحان كل ما انوى اذاكر مقدرش باخد ف اليوم اكتر من 15 حبايه حرفيا قبل الاكل بعد الاكل قبل النوم وهكذا لما كنت باكل كنت باكل طبيعي ولما كنت بنام كنت بنام طبيعي معرفش ليه المشاكل الصحيه بتحصل فى وقت مش مستحيل خالص انا والله راضيه والحمدلله بس بجد انا تعبت اقسم بالله مبقتش قادره استحمل الوجع ولا الخوف ولا التوتر من الامتحانات ولسه متراكم عليا
عامله ايه ياجميله❤ انا كمان عندي القولون وبطني بتوجعني جدا من اكلات كتيره بس اعمل اي بحب الاكل برضو 😂 بصي القولون سببه الاول والاخير عصبيه وهي اللي بيضغط علي الكليه وبيعمل فيها حصوات وغيره واحيانا بيضغط علي الكبد برضو فحاولي تقللي عصبيه وتوتر خالص والحمدلله علي نعمة الدوا في ناس مش بتعرف تشتريه الحمدلله وكمان فاكس الامتحانات اصل كده كده هتمتحني فخليكي رايقه مالهاش لازمه العصبيه والتوتر والله ❤ الف سلامه عليكي اشربي نعناع او كمون مغلي بينضف المعده جامد لو حسيتي بانتفاخ او كده وهتبقي زي الفل ان شاءلله.
تم النشر الأحد، ٢٤ ديسمبر ٢٠٢٣
سواء بسبب معروف او لا فهو قدر ممكن يكون فى سبب من الاكل وان جسمك انتى اللى اتأثر بيه بس بشكل مختلف وممكن يكون مفيش سبب غير انه اراد ربنا ان ده يحصل . .. تقبلى القدر حتى لو مش عارفه سببه وهتلاقى نفسك مرتاحة اكتر و اللطف يتنزل من رب العالمين ويرزقك بانتهاء الظروف الصعبة باذنه على قدر صحتك دلوقتى ذاكرى وتوكلى على الله
تم النشر الاثنين، ٢٥ ديسمبر ٢٠٢٣
أولا الف سلامه عليكي الأمراض دي بسيطة جدا وحتي في سن صغير امنعي بس السكر والنشويات وهتبقي كويسة جدا خلال شهر ثانيا بالنسبة للمذاكرة اقرائي الدرس سريعا وحلي أسئلة عليه اكتبيها وانتي بتحلي فا هتنجزي أسرع ثالثا وده الاهم أمراض المعدة والقولون سببها التوتر في المقام الأول فا حاولي تهدي وبلاش تكبري المواضيع علي نفسك بالنجاح والتوفيق يارب
تم النشر الاثنين، ٢٥ ديسمبر ٢٠٢٣
أولاً سلامتك بس كمية المسكنات دي غلط لأنها هتأثر علي الكلي أكتر بالتالي الحل إنك تخفيفها حتي لو هتتوجعي بس معلش يروحي علي الأقل التأثير هيكون أقل، خدي أدوية الدكتور وأبعدي عن الأملاح نهائياً عشان الكلي متتعبكيش، ومعلش دا بس إختبار ليكِ وأنتِ قدها اللي عليكِ تذكاري وتصلي. ✨
تم النشر الثلاثاء، ٢٦ ديسمبر ٢٠٢٣
بس ربنا يعافيكم، قد يكون اختبار من الله على الصبر ..
تم النشر الأحد، ٢٤ ديسمبر ٢٠٢٣
ازاي الكمية دي من الادوية ف يوم واحد ده غلط جدا على المعدة ،
تم النشر الأحد، ٢٤ ديسمبر ٢٠٢٣
متقلقيش كله خير ذاكرى واعملى ال عليكى ومتفكريش ف اي حاجه بجد ارميها ع ربنا واهم حاجه اليقين من كل قلبك بجد أن ربنا مش هيضيعك وهيفك كربك وصدقينى عن تجربه انا نجحت ومكنتش متخيله النجاح ابدا ف الظروف ال كنت فيها بس كان ثقه ف ربنا كبيره اوي وجات فعلا خلى عندك ثقه ويقين بالله وذاكرى واعملى ال عليكى
تم النشر الأحد، ٢٤ ديسمبر ٢٠٢٣
اولا ما تشغليش بالك باي حاجه فرغي كل طاقتك ف مستقبلك وبس وتذكري ديما حديث إن الله إذا احب عبدا ابتلاءه أكثر البشر ابتلاء كانو الانبياء وحديث ما من شوكه يشاك بها العبد الا غفر الله بها من ذنبه
تم النشر الأحد، ٢٤ ديسمبر ٢٠٢٣
لعرض السؤال في فدني اضغط هنا