كيف أتخلص من إدمان مشاهدة الإباحية المثلية؟

Question

اهلا بكم انا اعاني من ادمان لاباحيه من فتره من عمري ولكني قريب من ربنا ودائما ادعو من الله الهداية ولكن منذ سنه ونص انا اعدت ان أشاهد (لاباحيه المثليه)مع لاباحيه لاخره وفتره قصيره أصبحت مدمن لاباحيه المثليه حتي لان ولكن لان يوجد شهوه بدخلي غير طبيعيه لهذه الفديوهات جعلتني انظر لنفسي بجانب اخر وكل حركه اعملها فهي تثير شهوتي واصبحت يوميا في هذه المواقع المثليه واشاهد الرجال المثليين حتي لان ولكني في العالم الواقعي خارج الهاتف لا احب الرجال ولا يثيرو شهوتي ولا افكر في هذا واحب النساء ولكن عقلي أصبح يحب هذا الفديوهات وانا أعاني من هذا لأنها تثيرني في جسدي وانا اخاف ان امارس هذا مع احد او افكر ان اصنع مثل ما يصنعون !! حاولت بكل الطرق اصلي وادعي واتوب كل يوم كل يوم اتوب من هذا ولكن انا لا استطيع ان اتحمل هذا اطلاقا انا افكر في لانتحار لان هذا عار علي وعلي اهلي ولكني واقسم بالله لا احب الرجال ولا كنت ولا هكون وطول حياتي احب النساء وانا لست مثلي وهذا هو المتعب بنسب لي لا استطيع تفسير حالتي انا لماذا احب هذا الفديوهات وايضا لست مثلي الجنس ولا احب هذا النوع ساعدوني ارجوكو اني اخرج من هذا،،،، انا خاف ان المشكله تكبر وأصبح مثلهم وعندها اكيد سوف اقتل نفسي،،

Accepted Answer

اطمن 🤍 اول حاجه انا مصدقاك انك مش مثلى ولا عندك الميول ولكن انا فاهمه كلامك لان شوفت حالات كتير كده اول حاجه انا عارفه ان الموضوع غريب انك تشوف افلام اباحيه وترجع تصلى الموضوع غريب بالنسبالك يمكن بتكون حاسس انك مثلا مكسوف تصلى بعد ده ولكن الصلاه لازم تكون حاجه ف يومك حتى لو بتعمل الكبائر ف دى اول حاجه هتشفعلك وده طبعا لاننا اول حاجه هنتحاسب فيها ف القبر ، بالنسبه لموضوع حبك لمشاهده الفيديوهات المثليه اول حاجه الإنسان فطرته الطبيعيه انو دايما بيجيلو فضول ناحيه الشىء الغريب او الخطأ بيبقى عندو فضول يعرف ويشوف وممكن يدمن مشاهدته ف انت لازم تكون عارف ان فى ناس كتير اتحطت فى الموضوع ده جالها فضول ف مره شافت فيديو ف أنشدت وادمنت بس المفروض تفوق وتقف عند الموضوع ده بالنسبه لموضوع الشهوه عمتا الشهوه دى حاجه طبيعيه فينا ك بشر مش بس ناحيه الاشياء الجنسيه و العلاقات ولكن الشهوه فى حجات كتير حوالينا زى الاكل مبنعرفش نقاوم نفسنا ويجيبنا شهوه ناحيه الاكل او شهوه ناحيه المال والسلطه مثلا فى جمله لازمه تكون فاهمها وهى ان الشهوه وسيله مش غايه يعنى ايه؟ يعنى مثلا الشهوه ناحيه الاكل لازم تكون عندنا ولازم نحس بالجوع عشان نقدر ناكل ونعيش ف هى ساعتها هتكون وسيله عشان ناكل ونعيش ولكن مش غايه نفضل ناكل وندمن الاكل لحد ما نموت والشهوه الجنسيه ربنا خالقها فينا عشان تكون وسيله للزواج والانجاب مش غايه ابدا ف نقوم نستخدمها ك إدمان اتمنى تكون فهمت ايه الفرق بين وسيله وغايه ، زى ما قولتلك الإنسان طبعو بيحب الفضول زى مثلا قصه سيدنا ادم عليه السلام اكيد سمعت عنها لما ربنا كان باعت تحذير لسيدنا ادم وقال ليه انه مسموح ليه بأى شىء ف الجنه معدا الشجره دى لانها محرمه عليه وده طبعا كان اختبار من ربنا ليه تخيل سيدنا ادم بالرغم من انه عايش ف الجنه ولكن كان بس بيفكر يا ترى الشجره دى ليه محرمه ولكن كان بيحاول يبعد الافكار لحد ما الشيطان عرف يقنع سيدنا ادم انه يأكل من الشجره وفعلا عمل كده وده يعلمنا أن حتى الانبياء ف الآخر بشر زينا عندهم فضول رغم حجات كتير حواليهم بس لازم نتحكم ف الفضول لأن اوقات كتير الفضول هيكون بيسبب لينا مشاكل ومش لازم نكون عارفين كل حاجه حوالينا ، وانا فكرتك بالقصه عشان اقولك متلومش نفسك على ذنوبك واعرف ان حتى الانبياء معرضين للخطأ وتبقى التوبه الى الله هى الملجىء الوحيد ف حافظ على صلاتك حتى لو قبلها شوفت حاجه محرمه وبلاش فكره الانتحار المنتحر مطرود من رحمه الله ف ربنا وصفه بالكافر ف انت هتحب تكون فشلت دنيا واخره ؟ وانا هنا بقولك انك فشلت ف الدنيا عشان مش قادر تبطل الحاجه دى وكمان حاول تبعد عنها طب بص هو انا ممكن اسأل سؤال ؟ هل انت ممكن تشوف الافلام الاباحيه دى وسط اهلك وصحابك ؟ لاء صح ؟ يبقا انت كل ما تحس انك عاوز تتفرج عليها حاول تقعد وسط حد عشان تمنع نفسك حاول تهرب منها لحد ما تتعود على البعد عنها انت اقوى من كده صدقنى متخليش الشيطان يأثر عليك رغم أن الشيطان اول حد هيقول أنه ملوش اى دعوه وانك انت السبب يوم القيامه الشيطان حرفيا هيشيلك المسؤوليه ف بلاش تعيش شهواتك متحكمه فيك تُب ف شبابك قبل ما الوقت يفوت حاول تعمل اى حاجه بلاش تمسك تليفونك خالص وامسح اى حاجه تخليك تشوفهم وبالنسبه لموضوع انك حاسس بالعار اهنيك على الشعور ده لان ده معناه انك جواك حد كويس وعاوز يتوب عكس ناس تانيه وصلوا لآخر الطريق ومعندهمش مشكله مع المثليه خليك رحيم مع نفسك مين ف الدنيا مبيغلطش متتكسفش من ربنا ده هو الي خلقك وسايبك عايش كل يوم مستنى منك تتوب بلاش يكون ربنا عنده امل انك تتوب وانت تضيع امل ربنا فيك وتعصيه ومتحكيش لحد ابدا ابدا ابدا ابدا استر علي نفسك يعنى احنا كده كده مش عارفينك بس بتكلم عن الناس الي حواليك مثلا عشان محدش يفضحك أو كده خليه بينك وبين نفسك انت بينك وبين ربنا ثقه بلاش تضيعها 🤍

Answer

السلام عليكم ورحمه الله وبركاته اهلا بيك 🔹دائره الاباحيه عباره عن حلقات متصله ببعض ، الاول بيكون مشاهده عابره، ثم تتحول إلي مشاهده دائمه ثم يتحول الأمر إلي الإستثاره من التصرفات الجنسيه زي ما حصل معاك حاليا. 🔹تصاب بالقلق أو الاكتئاب لانك بتكون ملازم الغرفه بتاعتك. 🔹تبدأ كراهيه الذات و لون الذات بل الي الانتحار عندما تزيد الأمور سوءا. ✴️العلاج ايه في الحاله دي ؟ علاج عن طريق معالج نفسي و حاليا بقي فيه اونلاين او انك تزور العياده، و مش لازم تعرف حد خاالص من أهلك انك بتروح عياده لأنك بتروح مره واحده في الاسبوع لمده ساعه او ساعه و نصف علي حسب كل معالج. ✴️✴️لو انت عندك أستعداد للقراءه ف يوجد كتاااب رااائع دليل علمي يستخدمه المعالج و مدمنون الاباحيه للتعافي أيضا اسمه التغلب علي الإدمان الجنسي موجود في مكتبه الانجلو ، ترجمه / ا.د محمد الصبوه و د. مروه عبدالستار هايل و هيساعدك كتير جدا أن شاء الله. ✴️ خد الخطوه لانك تستحق انك تعيش حياه طبيعيه، اتخلص من هذه العاده بعد اما تفهمها كويس جدا علشان تقدر تتعامل معاها ، و تريح دماغك اللي بتفكر ليل و نهار في هذا الأمر. ابدأ و أن شاء الله ربنا يعينك ، الله معك

Answer

يا حبيبي، أنا فاهمة جداً المشكلة اللي انت بتمر فيها، وهي مش حاجة سهلة. أول حاجة أحب أقولك إن مشاعرك وأفكارك تكون مركبة في أوقات كثيرة، ودي مش بالضرورة تعني إنك هاتتحول لحاجة تانية غير اللي انت فعلاً عليه. فهمي واضح انك مش بتستمتع بفكرة العلاقات المثليّة في الواقع، بس دا مش معناه إنك لازم تورط نفسك في مشاعر الذنب والعار. الإدمان على مشاهدة الفيديوهات الإباحية، سواء كانت مثلية أو غيرها، ممكن يكون نابع من ضغوط نفسية واجتماعية أو قلة توجيه للطاقة الجنسية. هنحاول واحدة واحدة نلاقي خطوات عملية ممكن تساعدك: شوية وعي ذاتي: حاول تكتب شوية مشاعرك وافكارك في دفتر يومياً، ده هيساعدك تفهم أكتر ايه اللي بيشغل بالك فترة مشاهدة الفيديوهات. تحديد المحفزات: اكل المواقف اللي بتحفز رغبتك لمشاهدة الفيديوهات الإباحية وصورة خاصة المثليّة. ممكن تكون لحظات توتر، ملل أو وحدة؟ بدائل صحية: لما تحس انك مضغوط أو عندك طاقة جنسية زايدة، حاول تفرغها بطريقة تانية، زي الرياضة أو ممارسات تأمل. البحث عن دعم: ممكن تفكر تتكلم مع معالج نفسي محترف أو اختصاصي في مساعدة الأشخاص في الإدمان. ده حيكون ليه أثر إيجابي كبير. استمر في المحاولة: الخروج من الإدمان على حاجة زي دي بياخد وقت وصبر. ما تتعبش من أول محاولة، كل مرة تحاول فيها أنت بتقرب خطوة واحدة للخروج من الدايرة دي. ما تنساش انك مش لوحدك، وفي ناس كتير مرت بتجارب مشابهة وقدرت تتغلب عليها. والأهم من كل ده، ما تفكرش في الافكار السوداء والانتحار. الحياة مليانة فرص والتحسن دايماً ممكن. ربنا معاك، وانا معاك برضو. 🌷

كيف أتخلص من إدمان مشاهدة الإباحية المثلية؟

دينية

نفسية

وسواس

إدمان

سؤال من احد أعضاء فدني

تم النشر الثلاثاء، ١٦ يوليو ٢٠٢٤

5 إجابة

13 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك