السلام عليكم
انا تالته ثانوي الفتره دي انا مش قادره اذاكر اي حاجه وكسلانه وفاقده الشغف وزهقت ومستوايا عمال ينزل ودرجاتي وحشه و ضغط من كل حته وانا عارفه ان الفتره دي مش بعمل الي عليا فيها بس انا مش قادره وبضيع وقت كتير اوي ومش عارفه ايه الحل ياريت لو حد يقدر يساعدني ان ازاي اتخطي الفتره دي وارجع زي الاول
عليكم السلام ورحمه من الله وبركاته حببتي تاكدي ان ده علي مدار كل السنين والاشخاص بيحصل فهونيها علي نفسك ده اول حاجه عشان تقومي من تاني لو رجعتي فعلا لاغلب اسئله الشهر ده عن الثانويه شوفي الاقتراحات والاجابات واهم حاجه بطلي لوم فنفسك علي الفات بلاش تضيعي منك دلوقتي كمان فحاربي فكره الندم بخطه علاطول التزمي بيها واستعيني بربنا وادعي يبعد عنك كسل ويلهمك الهمه مرني مخك انه لما اضيع من عليا شئ اكسب ال بعديه واعالج المشكله مش افضل زعلانه ربنا يوفقك يارب
تم النشر الخميس، ٢٣ فبراير ٢٠٢٣
وعليكم السلام ورحمة الله وبركاته مشاكل ثالثه ثانوى وعشان الضغط بتعمل اكتر من كده . شوفى الاسئلة بتاعت دفعتك هنا كتير سألوا عن المذاكرة واخدوا نصائح كتيرة جدا ان شاءالله تستفيدى منها.
تم النشر الخميس، ٢٣ فبراير ٢٠٢٣
طبيعي لما بنجيب حاجه اقل من توقعاتنا بنتضايق بس مش المفروض نكتأب ونفقد الشغف ومضيع الفرصه الي معانا لانها ممكن تكون حافز انك تذاكري اكتر وتشدي حيلك وثقي ف ربنا انه هيديكي نتيجه تعبك ومجهودك ف ذاكري ورتبي افكارك حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانت بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيصي كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجزي وتلمي المنهج وترجعي اشطر من الاول وكمان حياتك مش مذاكره بس ف خلصي مذاكرتك والخروج حدديله وقت مثلا مره ف الاسبوع وافصلي نفسك عن المذاكره بس كافئي نفسك بالتزامك ف المذاكره بأنك هتخرجي
تم النشر الجمعة، ٢٤ فبراير ٢٠٢٣
لعرض السؤال في فدني اضغط هنا