كل حاجة قولت انك تريد تعملها في السؤال بتاعك دة خد ليها خطوة امسكهم واحدة واحدة و ابدا خطي اول خطوات فإنك توصلهم الصلاة سهلة بس ممكن تكون صعبة الي حد ما اولا ابدا في سنة الرسول و امشي عليها بحذفيرها بمعني كل حاجة بيعملها الرسول اعملها و اكتر كتاب جايب كل حاجة عن الرسول اسمه كتاب يوم في حياة النبي ص لياسر ممدوح و كتاب لطيف اوي لو تقرا جزء جزء و ابحث برضو اكتر من عندك لحد ما تعمل زي الرسول بالظبت هتلاقي نفسك بدات تبعد عن الحجات الي بتشتت قلبك كل شخص يشيل همة بس دلوقتي اكيد مش بقولك تسيب مامتك بس علي الاقل بطل تفكير فيها وانها صعبانه عليك لان التفكير دة مش هيغير حاجة في الواقع لو عندكو تلفزيون شغل ديما قران و خصوصا سورة البقرة و ال عمران و هتبعث شوية راحة و زي ما قولت بعد بقي سنه الرسول هتلاقي كمان حديث عن الرسول في الكتاب ان الرسول قال احسن صيام هو صيام داود و كان بيصوم يوم ويوم تمام هو صعب اوي بس احنا ممكن نبدا حد و خميس بس لو زودنا منزودش عن يوم و يوم و الصيام من اكتر الحجات الي هتبعدك عن الذنوب و المعاصي (ملحوظة انا بعملك زي مخطط انا مشيت عليه و نجح معايا و لخصتهولك عشان انا طولت اويي فيه فالتلخيص هيفيدك و هينجز معاك) اخر حاجة و اهم حاجة هي الدورات الدينية هتفيدك بطريقة انا اصلا مكنتش متخيلة انها مفيدة كدة عندك الشيخ حسن الحسيني ف تفسير سورة البقرة و ال عمران لو سمعته حاجة روعة تمام عندنا الشيخ علاء حامد و حاول تتابعة علي التليجرام شيخ بمعني الكلمة عظيم و من اكتر الشيوخ الي استفدت منهم ربنا يجازيه خير انصحك انصحك اول دورة تبدا بيها دورة الداء و الدواء لشرح كتاب الداء و الدواء لابن القيم دي من اكتر الدورات الي فادتني ع مر اخر خمس شهور كنت بسمع فيهم دورات دينية و خد في الحلقة وقتك حتي لو هتابعها علي تلت ايام المهم تستوعب كل كلمة بتتقال و تستعملها في حياتك و كمان اخر حاجة اكاديمية ميراث بكلل الدورات الي هي بتعملها بس دي بقي دوراتها صغيره اوي اخرها سبع تمن حلقات و لطيفة يعني بس مش بالافادة الي بناخدها من الشيوخ التانية بس دي الي بدات بيها صراحة لان انا اصلا عمري ١٥. و بدرس لغات و اول ما بدات اقرب من ربنا كنت عشان اتابع دورة زي الداء و الدواء مكنتش هفهم لاني اصلا اللغة العربية عندي كانت مكسرة وبس اخر حاجة بقي حاول تقرا كتب دينية و حاول تسمع بودكاست وعي و في غيره برضو بس دة اشهر واحد و بعد كدة هتلاقي نفسك اتنقلت نقلة كويسة اوي في علمك الديني و دماغك هتبدا تتغير و هتلاقي قلبك اصلا قرب لربنا اه صح و اهم حاجة حاول تروح المسجد كتير لانه بيت ربنا و هتلاقي هناك صحبة صالحة بقي كتيييير هياخدو بايدك للجنة باذن الله و هتفهم كلامي لما تجرب و كمان تحس بحلاوة صلاة الجماعة في المسجد و كمان لو في اول صف و لو ايي حاجة حبيت تسال فيها او تتناقش فيها انا ديما فاتحة التطبيقو تذكر ان العهد الذي بيننا و بينهم الصلاة فمن تركها فقد كفر 💔..
تم النشر الجمعة، ١١ أغسطس ٢٠٢٣
0 تعليق
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك