انا gay وكل ما بكبر فالعمر بخاف علي نفسي اكتر ومش عارف اتصرف ازاي ولا المفروض اعمل اي.. فكرت اني لما اكون متدين هرجع لطبيعتي بس للاسف مش ده الي حصل وبقيت شخصيتين في جسد واحد مبينهم صراع.. جربت اني اشغل نفسي دراسة، تطوير ذات ورياضة بس منجحتش لاني فاشل وبق بس زي مبيقولوا 😅 مش عارف اتصاحب علي ولاد زيي خوفا اني انجذب لواحد او خوفا من انهم يتنمروا عليا وغير اني شايف نفسي دايما ناقص وقليل عن باقي الناس، مفيش حد اتكلم معاه ولا اعبرله عن الي جوايا ولاني عارف الناس الي زيي بيحصلهم اي فالمجتمع ده والاحكام الي بتنزل عليا رغم ان لو الموضوع بيدي انا كنت تخلصت منه فورا
انا قرأت كل تعليقاتك على الاخرين بالنسبة لانك كبرت لقيت نفسك كده فده مش حقيقى ...احنا كلنا بنتولد بالفطرة السليمة ..والفطرة مفيهاش غير ذكر وانثى وكل منهما يميل للاخر فقط. طيب بيجى بقى الميول الاخر ده منين ؟ .بيجى من الحاجات اللى بتدخل لعقلنا من البيئة الخارجية...يعنى يجى ذكر بالغ يتحرش بذكر صغير ...فالصغير (اللى هو زي ما انت كنت اكيد وقتها كنت صغير ) ميبقاش عارف يترجم اللى بيحصل ده سببه ايه ..فمخه يلاقى اسهل حاجة انه يطبع فكره جديدة ( غلط ) فوق الفطرة السليمة ..فتلاقى شهوتك لما تبلغ بتتحرك ناحية الفكرة الغلط. من ناحية تانيه ده ابتلاء وجهادك لنفسك فيه بيخليك احسن من اى حد تانى معندوش نفس الابتلاء وواقف بيصلى جنبك فى المسجد ...المجاهد دايما افضل . وجهاد النفس اعظم والله اعلى واعلم . ومتخافش زى ما استعنت بالابلكيشن هنا وفى خصوصية واحترام لمشكلة اى حد ..بردوا المعالج النفسى ده اساس شغله انه يكون فى خصوصية وسرية وبكل احترام لاى حاله .
تم النشر الأربعاء، ٢١ فبراير ٢٠٢٤
علاجك ان واحدة تحبك... ده هيرجع لك طبيعتك وثقتك في نفسك.. غالبا الشذوذ ده واتخاذ الذكر لدور الأنثى بيكون بسبب نقص الثقة في النفس كذكر... الحل نمي قدراتك كذكر هتعود لك ثقتك بنفسك وهتنمو وتزيد لو كانت ضعيفة... حاول تملا حياتك ايجابية وألعب رياضة بناء العضلات مثلا.. دي تاثيرها ممتاز وشوف انت مبدع في ايه ونمي نفسك فيه.. التميز كذلك بيساعد... والتزم بدينك كويس.. بحقيقة الدين مش شكلياته.. جرب انجازات زي انك تنيم نفسك بدري وتقوم تصلي الفجر في الجامع كل يوم.. تصوم اتنين وخميس.. تحفظ سورة من القرآن الكريم... وهكذا... السيطره على النفس دي كمان من القوة النفسية ولما تعملها هتحس بالانجاز والثقة.. تقرب الى الله بالدعاء.. ابعد تماما عن المواضيع والمواقع الاباحية وعن اي ماضي من هذا القبيل لو عاوز تخف... بتقول انك حاولت وفشلت.. حاول تاني.. بس اعمل تغيير.. واصبر وتحمل .. امال عاوز تخف ازاي؟ مارس ادوار الرجولة الايجابية بأنك تساعد الناس.. تجيب هدايا لأختك او والدتك وتساعدهم وتحاول تحل مشاكلهم.. تبقى راجل ليهم..اؤكد لك انك لما تستعين بالله هيسهل لك الصعب لو صدقت معاه... ومن ضمن صدقك انك تحاول وتحاول وانك تقطع الصلة بالمواضيع السيئة والاباحية.. ادخل مجموعات دينية.. اتصاحب على ناس ايجابية.. انضم لمجموعة حفظ قرآن في احد المساجد..
تم النشر الثلاثاء، ٢٠ فبراير ٢٠٢٤
أولا خليك فاهم ان مش دي الفطره الطبيعيه اللي اتخلقت عليها و مفيش حاجه اسمها gay دي حاجه الأجانب اللي هم قليلين دين اخترعوها عشان يلعبو ب عقول الناس و يخلوهم يفكروا يختلطوا بنفس جنسهم حاول توقف تسمع حاجات عنهم او تتفرج ع السوشيال كتير عشان هي اكبر عامل يقدر يخلي دماغك مشوشه بمعنى أصح و لو انت ف سن جواز و قادر تفتح بيت يا ريت تعمل دا عشان تلحق نفسك من الحفره اللي وقعت فيها افهم ان دي وسوسه شيطان مش اكتر انت مش كدا و متحاولش تقنع نفسك انك كدا عشان الإنسان متخلقش كدا قرب من دينك و ربك عُد إلى الله يمكن يرجعلك وعيك و تذكر عذاب الله لقوم لوط و تذكر انك جيت الدنيا عشان تعبد ربك الواحد الأحد مش عشان تتبع خرافات كفار اخترعوها و افتكر ان ازاي البني ادم ييجي الدنيا و يكون فاهم ان في رب واحد احد و يعصيه و هو ب ايدو يكسب اخرتوا و حياتو و تتحسن امورو جرب تحفظ قران و تصلي ف المسجد أرجوك اصحى من اللي انت فيه !! هتموت و انت متبع لشذوذ و تخسر كل حاجه و تندم انت مش ضامن هتموت امتى قد يكون بكرا او بعد ساعه الله اعلم ف ارجوك عُد إلى الله الواحد الأحد و ربنا يهديك
تم النشر الاثنين، ١٩ فبراير ٢٠٢٤
مبدايا انت انسان كويس جداا علشان بتحاول تتدور علي حل ربنا يوفقك ثانيا لازم تروح لدكتور ،، عمره ما هيبصلك نظره اشمئزاز لان ناس كتير بتروحله بسبب كداا ثالثا متقولش انك استسلمت للواقع ولقيت نفسك كداا ،، محدش بيتولد كداا بس الافلام البورن كترهاا بيوصل لكداا رابعاا القرب من ربنا والدعا الكتيرر مهم جداا خامسا ودا الاهم انك تصبر وتحاول وتقوم وتقع ، انت مبقتش كدا في يوم وليله سادساا مارس رياضه وحب نفسك ومتسمحش لحد يقلل منك ولا يهينك ولا حتي تقول لنفسك كلام سلبي واعرف ان ربنا بيحبك جداا علشان انت بتحاول ربنا يكرمك
تم النشر الثلاثاء، ٢٠ فبراير ٢٠٢٤
هل تعرضت لتحرش في صغر من قبل شخص من نفس الجنس و هذا شكل لك انجذب نحو الرجال ان كان هذا هو السبب فالزم تروح لطبيب نفسي لانك كل ماتاخرت هتزيد حالتك سؤال انشاء الله يارب العالمين يشفيك انشاء الله وتتعاف وتسيرء احسن 🌹
تم النشر الثلاثاء، ١٢ مارس ٢٠٢٤
علاجك كله هنا شوف ربنا بيقول ايه بسم الله الرحمن الرحيم﴿وَالَّذِينَ عَمِلُواْ السَّيِّئَاتِ ثُمَّ تَابُواْ مِن بَعْدِهَا وَآمَنُواْ إِنَّ رَبَّكَ مِن بَعْدِهَا لَغَفُورٌ رَّحِيمٌ﴾ من جميل رحمة الله بك أن يهديك هو لتوبة بعد عمل السيئة فيمح لك بها كل ما فعلت.. ولكن اعلم ليتبدل حالك لابد من عمل صالح يصلح ما فعله الذنب فى قلبك فكن متيقظا واتبع السيئة الحسنة تمحها فإن ربك غفور عفو كريم
تم النشر السبت، ٢٤ فبراير ٢٠٢٤
الطبيب النفسي مش هيبص لك نظرة اشمئزاز ولكن هيتبع معاك أسلوب علمي للعلاج
تم النشر الاثنين، ١٩ فبراير ٢٠٢٤
الموضوع دة شاهدتة في اشخاص كثر والحمد لله هم تخطو هذة المرحلة انت عندك خطوة دلوقتي انك تروح لطبيب نفسي وهو هيتبع متك خطواط بسيطة جدا ومتقلقش اكثر ناس هتدعمك هم الاطباء في هذة المرحلة انت عاوز تبدا الخطوة ودي حاجة كويسة جدا اكتر حاجة كنت بسال فيها الاشخاص الي مرت بمرحلة بتعتك هي الاهتمام في الصغر والانعزال عن المحيطين بيك دة لو كان موجود الاحتواء الاهتمام وان حد يسمعلك ويتكلم معاك كان الموضوع اتغير في اول مراحلة أبداً انت بالبداية الجديدة واذهب الي الطبيب وانت هتلاقي حياة جديدة لك كانك مولود جديد انا سعيد انك بتفكر تتغير ودي اجمل خطوة انت بداتها وكثير مش بيعرفة يخدو الخطوة دي انت مميز علي فكرة انك عاوز تكون شخص حقيقي و رجل صالح اتمني لك القرار الصحيح لحياة افضل
تم النشر الأربعاء، ٢١ فبراير ٢٠٢٤
بص انت لازم تتقرب من ربنا وتدعي ليل نهار إنك تتعافي من هذا القرف
تم النشر الاثنين، ١٩ فبراير ٢٠٢٤
كون انك عاوز تتعالج من ده و عارف ان ده غلط ده كويس ، الفكر ده من تصدير الغرب لينا سواء بعقل واعي او عقل غير واعي ، روح لطبيب نفسي في محافظة تانية و يوم ما تروحلو متاخدش معاك اي حاجه تثبت هوية ولا تليفون ، بس احفظ رقم بطاقتك عشان في حال عديت ع كمين ، و ربنا يوفقك و يحفظك و اقرأدايما أيات عذاب قوم لوط ، و اعتبر ان في حد قدامك بيقولك جايبلك راجل في اوضة خش اعمل معاه اللي انت عاوزه بس بعد ما تخلص بالظبط مفيش هرووب هاخدك و أحطك في زيت مغلي ( اقصد إستحضار عقاب ربنا الشديد وقت ما تفكر) خلي بالك ده جاب عقاب وقتي من ربنا لقوم سيدنا صالح بس الزنا مجابش كده ، مش بقولك ازني بس بوريك بشاعة اللي بتعمله ، و ربنا يصلح حالك
تم النشر الأحد، ٢٥ فبراير ٢٠٢٤
الخطوة صعبة بس هحاول ان شاء الله اني اخدها واروح لطبيب
تم النشر الأربعاء، ٢١ فبراير ٢٠٢٤
لاني متاكد انه هيبصلي نظرة اشمئزاز وهيقولي كلام زي قرب من ربنا وان الحاجة دي حرام و و (والكلام ده كله انا عارفه وحافظة)
تم النشر الاثنين، ١٩ فبراير ٢٠٢٤
صعب اصلا اني اقول لحد
تم النشر الاثنين، ١٩ فبراير ٢٠٢٤
لا
تم النشر الاثنين، ١٩ فبراير ٢٠٢٤
جربت تحصل على علاج نفسي؟
تم النشر الاثنين، ١٩ فبراير ٢٠٢٤
لا، ممكن اعجاب بشكل وشخصية بس
تم النشر الاثنين، ١٩ فبراير ٢٠٢٤
شهوتك مش بتتحرك مع الجنس اللطيف خالص؟
تم النشر الاثنين، ١٩ فبراير ٢٠٢٤
عملت كدا بس للأسف الشهوة مازلت موجدة
تم النشر الاثنين، ١٩ فبراير ٢٠٢٤
وصلني اني gay؟! معرفش انا كنت كدا من زمان بس مكنتش فاهم ولما فهمت فكرت انه اعجاب او شئ عادي وبعدها كذبت نفسي ثم استسلمت للواقع
تم النشر الاثنين، ١٩ فبراير ٢٠٢٤
انت اي اللي وصلك للي انت فيه دلوقتي ،انت كنت بتعمل ايه زمان؟؟
تم النشر الاثنين، ١٩ فبراير ٢٠٢٤
لعرض السؤال في فدني اضغط هنا