بفكر ابدا مشروع تعبئه مواد غذائيه سكر و رز
فهل حد ليه تجربه الموضوع مربح كفايه للعلم انا عندي مكان فمش هدفع و لا ايجار و لا اي مصاريف للمكان
ممكن اجابتي تفيدك في بعض الامور انا سجلتها صوت ليك
تم النشر الأربعاء، ١١ يناير ٢٠٢٣
ايام اليسر يعني في الأوقات الطبيعية الزبون بيدقق، لكن اليومين دول فيه أزمة استغلها لان الزبون بيدور علي الارخص، بس استغلها بما يرضي الله، ثانيا الاسم مش بيفرق كده كده المصري بيزهق و بيحب يغيير و يجرب، و الناس في الاخر بتختار اللي احسن مش اللي ماركة.. اهم شيء يبقي ليك علامة مميزة تلزق في عين و عقل الزبون و الأهم و انت بتعمل حسابك علي التكاليف تحسب نسبة الهالك يعني زي مثلا لو ماكينة عندك هتحتاج صيانة او بكرة أكياس ممكن جزء منها يبقي بايظ الخ و تعمل حسابك انك تمشي في ورق السجل و البطاقة الضريبيين علشان محدش مضايق منك يروح يبلغ عنك، و داري علي شمعتك و لو ربنا كرمك تطلع شيء لله بينك و بين نفسك، ربنا يوفقك يا رفيق
تم النشر الثلاثاء، ١٠ يناير ٢٠٢٣
محدش بيدخل مشروع عمياني لازم تسأل كويس و تحسبها صح و تعمل بنود يعني كمثال بتحسب تكاليف الإنتاج و تشوف عندك طلبيات قد ايه و تحسب أجرة العمال و تكاليف المكان حتي لو بتاعك زي الكهرباء و الوجبات الخ و تطرح كل ده من المكسب المتوقع و تشوف العائد يستاهل ولا لاء
تم النشر الثلاثاء، ١٠ يناير ٢٠٢٣
اعتقد ان الموضوع مربح بدليل ان فيه ناس شغالة فيه من سنين و لسه شغالين، اهم شيء بس يا ريت تراعي موضوع النضافة سواء في عملية للتعبئة و التغليف او من ناحية نضافة العمال نفسهم علشان حرام العامل يبقي واقف علي شوية السكر برجليه و بعدين ناس تانية تحط الكلام ده في معدتها و تتعب و تشيل ذنبهم في رقبتك، اذا عزمت فتوكل علي الله..
تم النشر الثلاثاء، ١٠ يناير ٢٠٢٣
شكرا جدا ليك
تم النشر الثلاثاء، ١٠ يناير ٢٠٢٣
عملت كدا بلفعل و فيه مكسب بس اني انزل السوق باسم جديد هل هيبقي في تقبل و لا لا يعني حضرتك لما بتنزل تشتري سكر او رز بتشوف اسم المنتج و لا التعبئه و لا الوزن و لا السعر و لا ايه؟ دا بلنسبالك كمستهلك طيب كتاجر جمله بردو هيركز مع ايه و كذالك تاجر التجزئه؟ دا الي محتاج اعرفه اكتر و ايه يسبب خساره و ايه يخلي العميل ميتقبلش المنتج
تم النشر الثلاثاء، ١٠ يناير ٢٠٢٣
اولا لا تقلق المكان نظيف جدا و ان شاء الله تبقي حاجه كويسه بس انا بسال عن تجربه حد بلنسبه للمكسب او الخساره بذات مع تقلبات السوق الحاليه
تم النشر الثلاثاء، ١٠ يناير ٢٠٢٣
لعرض السؤال في فدني اضغط هنا