مينفعش تحكمي على اي علاقة صحوبية بآنها توكسيك لسبب بسيط زي ده،انت عارفة اي معنى كلمة توكسيك! صاحبتك بتقولك تعالي المدرسة عشان بتحبك وبتحب وجودك،حتى لو معاها صحاب تانيين،لي متقوليش انها بتحبك ومتعلقة بيكي فحاولي تقعنيها براحة انك تعبانة ومش هينفع،والمفروض تبقي فرحانة من جواكي عشان عندك صاحب بيحبك مش تقولي عليها توكسيك وزهقتي،للأسف السوشيال ميديا قدرت تخلي الناس تكره بعضها وتسئ الظن في الغير على حجات بسيطة اقولك انا اهو فالكلية وبقعد اتحايل على صاحبتي تحضر معايا المحاضرات وبزعل جدا لو مجتش وبرن عليها مليون مرة وبقولها عشان مصلحتك والكلية من غيرك مش حلوة يبقى انا كده توكسيك!! ثم مفيش حد جابرك انك تسمعي كلامها انت لازم تقوي شخصيتك لانك حرة دي مش امك او ابوكي او حد فالبيت فانت مضطرة تسمعي كلامه عادي لوزنت عليكي اقفلي الموبايل ونامي ولو زعلت قوليلها انك كنتي تعبانة لكن تنهي علاقتك بصديقة عزيزة ومعاكي من ستة ابتدائي عشان موقف زي ده ده اللي غريب بصراحة!! كلامك فالأول كان يوحي انها غدرت بيكي أو اذتك أو بتحقد عليكي،مش على موقف زي ده اعذريني بس متفرطيش فالغاليين عليكي عشان حجات بسيطة الناس لا تعوض ربنا ييسر امورك وامورها
تم النشر الأحد، ٢٠ أكتوبر ٢٠٢٤
1 تعليق
أنا مقولتش أنها توكسيك لاني بسأل اصلا اعرف منين أنها توكسيك ولا لا لاني معنديش صحاب كتير ف مش هعرف افرق بس هي ساعات بتدغط عليا في حاجات أنا مش عايزة اعملها وبقولها اني مش عايزة انزل بس برضو هي المفروض تبقي سايبه مساحه ليا افرض أنا عندي مشكله ومتعصبه ومش عايزة اتعصب عليها ف مش عايزة اقعد معاها فهمتي وبعد الزن اروح متعصبه عليها ونتخانق ساعات الصحاب بيبقي عاينزين مساحه لي نفسهم شويه أنا وانا متدايقه مبحبش حد بتكلم معايا لان ده بيوترني جدا وبخلي تفكيري يقف
تم النشر الاثنين، ٢١ أكتوبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك