لقد تعرضت لمشاكل عائلية ونفسية مما سببت لي في أزمات نفسية في نفسيتي الكثير من المشاعر منها الحب واحيانا خوف واحيانا فقدان أمل تعرضت لخيبات أمل من أقرب الناس لي
حضرتك اتعرضتى لمشاكل نفسيه واكيد هيحصل نتائج بعدها بس المفروض عشان تتعالجى من مشاكل زمان انك تتقبليها أو تتقبلي انك ملكيش ذنب ف اى حاجه حصلت زمان انتى كنتى مجرد ضحيه لمشاكل عائليه ايوه ، انتى لازم تتقبلي مش تنسي لأن احنا مش كل حاجه تعاقدنا ننساها وهنفضل نحاول ننسا كل حاجه والنسيان مش بإيدنا حاولى تحبي نفسك وتصاحبيها وتعرفي قد ايه انتى حد كويس ميستاهلش انو يتعرض لصدمات بسبب ناس غير سويه كانت ف حياتك والماضي لازم نتعلم منو وخليه نسخه تقدرى تغييرها للأحسن 🤍 بالنسبه لموضوع الصحاب ف هما فترات كل فتره بيكون ليها صحاب جداد وحتى لو القدام كملوا هيجي معاهم كام حد جديد لان ببساطه سنة الحياه بتخلينا نتعرف علي ناس كل فتره عن طريق قدر ربنا ، اغلب الناس الي بيعيشوا ظروف صعبه ف طفولتهم ومشاكل نفسيه بيكونوا فاقدين اهم حاجه لنمو شخص سليم وهى المشاعر بيكونوا فاقدين حب وعطف وحنان وكل حاجه بتساهم ف تكوين حد كويس وبمإن الحب والحنان فطره ف الإنسان ف بيبدأ يبحث عن اى مكان يديلو الي محتاجو ف غالباً انتى كنتى بتصاحبي اى حد منغير ما تعرفي سواء هو مؤذى أو لاء لمجرد انك محتاجه تفرغى مشاعرك مع حد أو تلاقي حد تحبي وقتك معاه 🤍 اتعلمى انك مش عشان فقدتى شىء ف حياتك انك تدورى عليه ف اى مكان حتى لو مش مناسب حاولى تتعرفي علي نفسك اكتر والله ده هيفيدك مش هتحتاجى لحد 🤍 قربي من ربنا طبعاً مش محتاجه كلام ولو كنتى قريبه فعلا ف دى حاجه كويسه لو معاكى تروحى لدكتور نفسي ياريت لو مش قادره فى متخصصين كتير علي اليوتيوب وربنا يسعدك 🥰🥰🥰🤍🤍
تم النشر السبت، ٤ نوفمبر ٢٠٢٣
سؤالي هو كيف أتصرف مع حالتي ومع الناس الذين يسببون المشاكل حتى ولو كانو من أقرب الناس
تم النشر السبت، ٤ نوفمبر ٢٠٢٣
نتمنى لك السلامة .. ولكن ما هو السؤال؟
تم النشر السبت، ٤ نوفمبر ٢٠٢٣
لعرض السؤال في فدني اضغط هنا