ازاي اتخطى فكرة إن اكتر شخص و اول شخص حبيته مش عايزني في حياته و بيعاملني ببرود
مش عارفه ابطل احبه بحس روحي متعلقة بيه
حرفيا حافظة كل تفاصيله
بيحب ايه بيكره ايه
بيخرج امتى بحس بدخوله البيت حتى
والله حافظة صوت خطواته طريقة رنه للجرس
الموضوع تخطى كل الحدود حقيقي 💔
طيب هل ده ميكونش سبب مثلا انك متكونيش انتي كمان عايزاه .. يعني حد مش عايزك وبيعاملك ببرود ..! المفروض منتظرة ايه من نفسك اتجاهه؟ اللي يبيعك بعيه وكسبي فيه كمان! ليه هتنتظري حد اصلا هو باعك، ومفكرش في اي حاجه كانت بينكم ! حافظي على نفسك، واعرفي قيمتك كويس اوي .. وحاولي تشغلي وقتك باكتر من حاجه علشان تهلكي نفسك ومتفكريش فيه كتير .. شغل، كورسات، تطوع ، رياضة .. غيري من حياتك وجددي فيها .
تم النشر الأحد، ٣٠ يوليو ٢٠٢٣
اشغل نفسك بشيء ولما تفكري افتكرني أنه مش هيكون ليكي واقرأي قرأن كتير وحاولي متعديش لوحدك ولما تكوني قعدة مع أهلك اتكلمي ومتعديش اسكتي وحطي في اعتقادك أن انت مش ليه في يوم من الأيام
تم النشر السبت، ٢٩ يوليو ٢٠٢٣
بصي انا ممكن انصحك اول نصيحه انك تقربي من ربنا وتصلي الفروض في وقتها وانتي بتسجدي كلمي ربنا قوليله يا رب انا متعلقه بالشخص ده انا مش عارفهه هو خير ليا ولا لا يا رب لو كان خير ليا قربه مني في الحلال يا رب ولو كان شر ابعدني عنه وأبعده عني يا رب وعن تفكيري ، ربنا الوحيد اللي حاسس باللي جواكي وعارف انتي عايزه ايه بالظبط ، تاني نصيحه بقا ممكن انصحهالك انك لما تلاقيه بيعاملك ببرود افتكري دايما انك انسان ومتستحقيش كده انتي تستحقي أن أي حد مهما كان مين هو أنه يحترمك ابدأي حطي حدود مثلا اشغلي نفسك بأي حد غيره لما تتجمعوا مثلا كلمي اختك او اخوكي وانتوا قاعدين مع بعض حسسيه أنه مش موجود او مش مأثر عليكي وحاولي تقنعي عقلك بده عارفه أنه صعب بس حاولي علي الاقل ، اعملي حاجه بتحبيها أو أتعلمي مهارات جديده ، شوفي انتي كنتي بتحبي ايه وانتي صغيره وليكي شغف اتجاهه وابدأي أو حاولي تعمليه تاني ، اشغلي وقتك وأملي قلبك بالمشاعر اللي هو محتاجها علشان ميبقاش ذليل اي شعور بيجيله من بره من اي حد، ولو بجد هو ليه مشاعر اتجاهك أو ليه نيه بجد هيأخد الخطوه في الحلال غير كده يبقي بيتسلي مش اكتر ، عززي نفسك و عامليه بنفس البرود مش اكتر وحتي لو هتعيطي بعد م يمشي لكن تعرفي ساعتها انك عززتي نفسك وعلي الاقل ممكن يفكر ايه اللي غير طريقتها معايا ويفكر ويمكن لوحده يتغير معاكي وتبقي طريقته احسن ولو ده حصل اوعي تقبلي أنه ترتبطي بيه مثلا او اي كلام من ده ، هو عارف بيتكوا لو كان جد هيجي يتقدملك فعلا غير كده العديد عن اي حد ممكن يلعب بمشاعرك
تم النشر السبت، ٢٩ يوليو ٢٠٢٣
هو جاري في نفس السكن بس احنا كلنا كانت علاقتنا ببعض ك جيران قوية لا طبعا مش متجوز ولا خاطب هو لسة طالب و كابتن مدرب ظروفه متسحمش لجواز اصلا دي حاجه انا واثقة منها
تم النشر السبت، ٢٩ يوليو ٢٠٢٣
حاضر
تم النشر السبت، ٢٩ يوليو ٢٠٢٣
المفروض تفصيل اكتر عشان نوصل لحل لمشكلتك..اولا هو انتي بتشوفيه فين..جارك ولا دراسه ولا شغلك..ثانيا بيتعامل معاكي ازاي يعني هو مديرك مثلا..وظروفه ايه وظروفك ايه متجوز خاطب..ياريت تفصيل
تم النشر السبت، ٢٩ يوليو ٢٠٢٣
لعرض السؤال في فدني اضغط هنا