عندي مشكله نفسيه وهي القلق المفرط، طول الوقت خايفه وقلقانه وخاصه في المستقبل، شايلة هم حاجات كتير اوي اوي غيري مش شايل همها اصلا والمشكله ان كل اللي حواليا بيحاولو يطمنوني ويقولوا توكلي علي الله وكلام حلو بس انا والله مش قادره
دايما بقول توكلت علي الله بس لسه بالي مشغول وقريبه من ربنا والله الموضوع مش موضوع ديني فاهميني؟
عندي بقا مشكله عايزه دكتور يرد عليا عشان انا والله العظيم حاسة اني هموت من الرعب انا من سنه ونص كدا كنت في الحمام والشطافه ضربت فيا جامد اوي لمده طويله لحد لما قفلتها وكنت اثناء الدوره الشهريه ولاقيت دم نزل بعد الحادثه دي في ساعتها انا قلقت بشكل مش طبيعي ومحكتش لأمي ومحدش وبحثت وسألت الذكاء الاصطناعي وحاسه ان الغشاء حصله حاجه وعاتله هم ان بعدين يتشك في شرفي بسبب حاجه زي كده انا بجد هموت من القلق عايشه في رعب بحاول انساه بس كل مره افتكر ممكن حد يرد عليا يقولي لو حاجه زي كده حصلت ولمده طويله وفي الاخر نزل دم ممكن غشاء البكاره يكون محصلوش حاجه 😭؟
محدش يقولي اسألي مامتك عشان هتقلق زياده وانا مش ناقصه توتر وبردو محدش يقولي اكشفي عند دكتور عشان مش متاح ليا
صباح الخير يا فندم مع حضرتك د. ابراهيم طه، لازم يا فندم دكتورة استشاري نساء وتوليد، و يتم عمل سونار على المنطقة علشان ممكن يكون مشكلة تانية، النقطة إن الشطافة منقدرش تخترق الغشاء بسهولة، حضرتك أصلا لو حاولت تخترقيه شخصياً بدون أداة مش هتقدري، فبالتالي نعرف الوالدة و نروح للدكتور و نتأكد مليون في المئة إن طالما انتي مش غلطانة متقلقيش من أي حاجة و ربنا عمره ما بيسيب حد.
تم النشر الثلاثاء، ٤ فبراير ٢٠٢٥
السلام عليكم ورحمه الله وبركاته. المشكله النفسيه اللي عندك فعلا هو انك بتقلقي بزياده اللي انت كتبتيها بالمعنى القلق المفرد طيب انا ليه بيحصل عندي قلق بزياده وهو لاني بصه لقدام بزياده عمال بفكر في اللحظات اللي لسه ما جتش بزياده وسايبه اللحظات الحاليه وما بتعاملش بيها هو هنا تصول بالمشكله علاج المشكله هو ان انا ابدا اعكس ان انا افكر في اللحظات الحاليه دلوقتي اكثر ما انا بفكر في اللحظات اللي جايه اللي انا لسه ما اعرفش عنها حاجه وما اعرفش اذا كانت هتحصل ولا مش هتحصل لانه هنا ده اللي بيوقفك عن انك تعرفي اا تتوكلي على ربنا والمساله بتعمل توكل على الله هي مش مساله دينيه فقط هي مساله دينيه ومساله نفسيه ازاي انا اقدر اعتمد على اي حاجه او اي حد غير نفسي. هو اني اقدر فعلا اسيب الحاجه من ايدي واسلمها لطرف اخر هو اللي يتصرف فيها وهنا لما بكون انا نفسيا ما عنديش ثقه غير في تفكيري انا واللي بيطلع من دماغي انا واللي بتعمله ايدي انا فهنا بتكون المساله صعبه جدا ولذلك الموضوع بيروح لحد ما انا ان كنت عملي مع ربنا وتوكلي على لونها في نفس المشكله انا مش قادره وانا بقول يا رب همم انا متوكله عليك وسايبه الموضوع لك اكون فعلا صفت الموضوع على ربنا لا انا لسه ماسكه في الموضوع بايدي واسناني وبقول لا انا اللي لازم اعمل حاجه فيه ما هو انا مش هينفع اتكلم عشان لو اتكلمت هيحصل كذا انا كده ما سبتش حاجه لربنا ما هو انا لا هتكلم بس لما هتكلم هيحصل كذا انا كده برده ما سبتش على ربنا انا كده عماله بحط توقعات وبحط سيناريوهات وباكدها فبما اني اكدت حدوث ده في المستقبل فانا وقفت الحاضر. اتمنى يكون كلامي ده بالنسبه لك واضح وموضح لك المشكله فين تاني عيشي اللحظه الحاليه اكثر من اللحظات المستقبليه لانه هو ده اللي هيبدا يعزز معاكي التوقف بتاع التفكير المفرط انا محتاجه دلوقتي انا عايزه اعمل كوبايه شاي فانا هروح اهتم بانه انا دلوقتي هعمل ايه في كوبايه الشاي هجيب الكوبايه اللي موجوده دلوقتي اجيب الشاي اللي موجود دلوقتي هجيب السكر اللي موجود دلوقتي طب انا يا كان نفسي يبقى فيه شيء كان نفسي يبقى فيه نعناع عشان اشرب شاي بالنعناع اصل لو كنت شربت شاي بالنعناع كان هيظبط في دماغي اكتر هنا انا بدات اروح للجزء الغلط انا محتاجه اركز بس على المكونات اللي موجوده المكونات اللي موجوده تعملي كوبايه شاي ساده فانا محتاجه اركز على بس وابدا استخدم المكونات اللي موجوده واشوف بعد ما هشربها هيحصل ايه هل دماغي هتكون تمام وتظبطت بكوبايه الشاي ولا فعلا زي الاحتمال اللي انا كنت هروح معاه وما كنتش هعمل كوبايه الشاي ما ضبطتش دماغي قوي وكنت محتاجه نعناع اتمنى اكون بسطتها لك مساله غشاء البكاره انت بتستخدمي فيها نفس نفس الاسلوب انت مش محتاجه غير اللحظه الحاليه اللحظه الحاليه بتقول. انك محتاجه تطمني على نفسك فهتطمني على نفسك ازاي هتحتاجي كشف طبيب اي حد فينا هيقول اي كلام ده مش معناه تاكيد ابدا خالص لكن في احتماليات بتكون اكبر وهي اللي احنا ممكن نتكلم فيها زي ما اا تفضل الدكتور ورد عليك واقلب انه لا مساله الشطافه دي مش سهله خالص ان هي تكون ااا عملت مشكله في ال في الغشاء ولكن مع ذلك احنا محتاجين ناكد الاحتماليه الكبيره دي وتبقى خلاص اكيده ونعمل كشف بيتعمل الكشف بالصنار.
تم النشر الثلاثاء، ٤ فبراير ٢٠٢٥
انتي بتعاني من خوف مرضي ولازم علاج سلوكي وبطمن حضرتك ان قوة ضغط المياة من الشطافة لم يستطيع الوصول لغشاء البكارة لكن من الممكن انه حدث التهاب لذلك من الضروري استشارة طبيب نساء واطمني ان شاء الله خير وبالكشف سيكون قلق حضرتك بعيد عن الواقع وتكوني بخير
تم النشر الثلاثاء، ٤ فبراير ٢٠٢٥
هذا أمر تستشيري فيه طبيبة نساء تفحصك وتطمئنك، وان كان الأمر مجرد ماء شطافة ودم حيض، فهو خير ان شاء الله لا داعي للقلق خذي بالأسباب واستشيري الطبيبة وخلي بالك من نفسك لكن الخوف والاستسلام للقلق سيشرك ولن ينفعك أبدا الله يطمنك
تم النشر الاثنين، ٣ فبراير ٢٠٢٥
طيب حضرتك ما انتي مش هتعرفي تكشفي لنفسك لازم حل من الاتنين يا تقولي لامك او تروحي مع نفسك لدكتورة و انا ارجح تقولي لامك لان لو لا قدر الله حاجة حصلت هي هتعرف هتعرف و ان شاء الله مفيش حاجة و محصلكيش حاجة وربنا يعينك ان شاء الله
تم النشر الاثنين، ٣ فبراير ٢٠٢٥
عزيزتي، أقدر مشاعرك وأتفهم قلقك الشديد حيال هذا الموضوع. من المهم أن ندرك أن القلق المفرط قد يؤثر على حياتنا اليومية، ويجعلنا نشعر بالخوف وعدم الراحة. بما أنك تحملين همومًا عديدة، فالتوجه للطبيب أو مستشار نفسي يمكن أن يكون خطوة مفيدة حتى لو كان الأمر صعبًا عليك. فيما يخص الموقف الذي تعرضت له، من المهم أن نذكر أن الغشاء البكاري هو عبارة عن نسيج رقيق يمكن أن يتأثر بعدة عوامل، وليس بالضرورة أن يحدث ضرر دائم في حالة التعرض للإصابة مع عدم وجود علامات أخرى على ذلك. كما أن نزول الدم بعد الحادثة يمكن أن يكون أمرًا طبيعياً، وقد يكون ناتجًا عن عوامل متنوعة. لكن التركيز على الخوف من التحدث مع طبيب أو شخص موثوق هو خطوة يجب أن تعيدي النظر فيها؛ فالصحة النفسية والجسدية مهمة جدًا، وقد يساهم الطبيب في تقديم المعلومات والدعم الذي تحتاجينه. حاولي البحث عن شخص موثوق تستطيعين التكلم إليه حيث يمكن أن تمنحكِ بعض الراحة من مشاعرك. الإيمان بأن كل شيء بيد الله، وطلب الدعم، يمكن أن يساعد في تخفيف القلق. تذكري أن الاعتناء بنفسك في هذه الأوقات الحرجة يعد مهمًا جدًا، ولا تترددي في السعي للحصول على المساعدة والدعم الذي تحتاجين إليه. تذكري أنك لست وحدك في هذا.
تم النشر الأحد، ٢ فبراير ٢٠٢٥
السلام عليكم رأيي انك تحكي لوالدتك اللي حصل وهي اكتر حد هيساعدك ويهتم بالموضوع. وغالبا هتاخدك وتعرضك علي دكتورة نسا وربنا ييسر لك الامر
تم النشر الخميس، ١٣ فبراير ٢٠٢٥
هذا الحديث ليس من السُنة وهو منقول من الإسرائيليات https://islamqa.info/ar/answers/104924/صحة-الحديث-القدسي-خلقتك-للعبادة-فلا-تلعب
تم النشر الثلاثاء، ٤ فبراير ٢٠٢٥
فى حديث عن النبي صلى الله عليه و سلم قال : قال الله عز وجل : يا ابن آدم لما القلق، خلقتك للعبادة فلا تلعب , وقسمت لك رزقك فلا تتعب , فإن أنت رضيت بما قسمته لك أرحت قلبك و بدنك و كنت عندي محمودا ,وإن لم ترضى بما قسمته لك فوعزتي و جلالي .. لأسلطن عليك الدنيا تركض فيها ركض الوحوش في البرية , ثم لا يكون لك منها إلا ما قسمته لك و كنت عندي مذموما . رابط المادة: http://iswy.co/e25386
تم النشر الثلاثاء، ٤ فبراير ٢٠٢٥
لعرض السؤال في فدني اضغط هنا