انا لدي مشكله انا متزوجه عن قصة حب حب طفولي من ٥. ٥. إبتدائي والله زي ما بقلكم كده كان شخص بيحبني بمعني الكلمه بيعمل كل حاجه عشان يسعدني بيخاف علي من اي حاجه يخاف يزعلني او يقولي علي اي حاجه لا وازعل كانت حياتنا مستقره وانجبت منه طفلين زوجي كان بيسافر وكل سنه يجي أشهر ويسافر تاني مرت ٨ سنين علي هاذ الحال وجه اجازه وحصل لي حمل كونت مبسوطه اوي وهو كذالك وبعد شهرين من وجوده عندنا فجاء اتغير اسلوبه ومعاملة معي وتحول لشخص تاني انا كل ما اسأله ملك ما بيردش ومره جه قالي انا بحبك وعايز اعترفلك بحاجه عشان ضميري بيأنبني قلت خير قلي انا اجاني طلب صداقه من وحده ومعرفش ازي قبلت طلبها وفضلت اكلمها وتكلمني وحصل حوارت كتير وصور وحاجات كتير اوي وانا ندمان وكده انا اتشليت في مكاني بجد ودماغي وقفت ومقدرتش اتحرك قلت عادي ولا يهمك وانا بجد مصدومه وبعد دقيقه لقيت نفس انقهرت وحصلي حالت انهيار مش طبيعيه وبجد اتصدمت فيه ده حب عمري كل العالم كانت بنسبالي في كفه وهو زوجي حبيبي في كفه ده كونت بثق فيه لدرجت انها مستحيل تحصل منه حاجه زي دي برغم انه متدين جدا مبيسبش فرض وبيخاف ربنا اوي فضل يعتذر ويعيط ويتأسف لي علي الي حصل منه وانها لحظه ضعف ومش هتتكرر تاني فضل يحلف ويوعد انها اخر مره وكده بس بجد معرفش ليه او ازي صعب علي واحتويته وطبطبت عليه وقلت له كلنا بنغلط بس بجد من جوايه مصدومه في وثقتي فيه من جويه قلت وبعد يومين من الصدمه حصل لي الم لا يوصف في اسفل بطني ورحت لدكتور وقلي الجنين نبطه وقف في اللحظه دي كان قلبي وقف مع وقف نبض حته مني أدركت ان هو السبب بسبب التوتر والحزن والزعل والعياط والحاله الي كونت فيها بجد احساس وحش اوي انك تثق وتتعلق بشخص تتوقع كل الناس تخذلك وتخونك بس الي زوجي كان كل حياتي😭 قلتله انت السبب في اني خسرت طفلي وفضل يعيط زي الطفل وبعد كده سافر ومرت سنه ونص علي الحاله دي وانا بجد حاسه اني مبحبوهوش زي الاول أمكن مكرهتهوش بس قلبي بيألمني كل ما افتكر الموقف وكل ما اتذكر حزني وقهرتي وكسرتي واجهاط الجنين بجد بحس اني مش قادره انسه رغم انه عمل المستحيل من أجلي كي اتحسن وانا عارفه انو صادق في وعوده وبعرف مده حبه لي بس بجد مش قادره مشاعري واحساسي تجاه اتغير وحولت ابعد وانفصل بس هو رفض ده عشان بيحبني وعشان مبينا اطفال بس بجد مش قادره انسه وجع الخيانه الم بجد صعب اوي ودايما اتذكر الماضي وفضل اعيط ويحصلي حاله انهيار جامده وبحس اني معنديش شغف للحياه وبجد حاسه اني قلبي بيالمني وبيحصلي فيه ضيق شديد وبحس بنغره كده في قلبي وبحس اني دخلت في حاله اكتئاب شديد ومع العلم انو هو في صفات كتير حلوه اوي مبيبخلش عليا انا والأولاد في حاجه وبيدني فلوس اكتر ما اطلب منه ومعيشنا حياة ترفه وبيحاول يعوضني باي حاجه ودايما بيحاول معايه اني افوق من الي انا فيه ده وهو معترف بغلطه وندمان وبيبكي من كل قلبه وتاب بس المشكلة في انا الي مش قادره اتخلص من الي حصل علاقتي بيه غير الأول بحس اني حياتنا بقي فيها خلل بتظاهر اني بقيت تمام وطلب مني السماح وقلتله مسماك بعد مرور سنه من الي حصل بس بحس من جوايه كده اني مش مبسوطه زي الاول حاسه اني بجد خسرت حاجه كبيره اوي في حياتنا وبتمنا من كل قلبي كل الي يقراء المنشور ده يفيدني ويساعدني ونصحني اعمل ايه عشان حياتنا ترجع زي الاول وجزاكم الله كل خير
ببساطة حقك! حقك أن تتألمي وتشعري بالانكسار والهزيمة والانطفاء. ولكن دعيني أضرب لك مثالًا قد يخفف عنك ألم خيانته لك. لو أنك أعطيتك صديقة لك مادة مطهرة تستخدم على الجروح موضعيًا، وفي يوم شعرت هي بألم في بطنها فشربته، رغم أن الزجاجة مكتوب عليها استخدام موضعي فقط. ستشعر هي بالألم يمزق أحشاءها ونتعاطف معها لأنها فعلًا تتألم، هي فعلًا ليست بخير، لكن أليس الخطأ من البداية عندها؟ نعم. لم يسبق أن علمونا أن الزواج مشاركة، وأن الحب غير التعلق، ولم يسبق لنا أن ركزنا في قول ابن القيم: من تعلق قلبه بغير الله عُذب به ولا بد. نحن من البداية خُلقنا لأجل عبادة الله، ونستغين على ذلك بأشياء كثيرة جدًا من ضمنها العلاقات. وعندما يحيد المرء عن طريقه ويصبح كامل تركيزه مع الأسباب ويغفل عن رب الأسباب يحدث شيء من اثنين: إذا أراد الله بعبده رحمة ابتلاه حتى يعيده إليه ويكتب له الأجر. وإذا لم تكتب له الرحمة يغرق أكثر في ملذات الدنيا ودليل على هذا آية "يحسبون أنما نمدهم به من مال وبينين نسارع لهم في الخيرات بل لا يشعرون" هل تعرفين من هم أولاء الذين يسارع الله لهم في الخيرات في الدنيا؟ إنهم الذين يحيدون عن الطريق. قد تقولين لي أن هذا كلام منطقي ولكن صعب التقبل والتطبيق؛ سأقول لك عندك حق. هل تعرفين لماذا؟ لأن قلبك ومشاعرك ووجدانك كل ذلك بين يدي الله. أكثري من الدعاء لله ان يشفي قلبك من آلامه اسجدي وابكي قدر ما تشاءين. وأعدك ستزول آلامك. نقطة أخرى قد تساعدك: زوجك معدنه طيب وأحسبه على خير، والله تقابلني مشاكل من هذه النوعية يتصفون بالبجاحة وقوة العين في الذنب، يكرر فعله ولا يترك خاطرًا لأحد. هو إنسان أذنب، هذا ذنب بينه وبين ربه أسأل الله أن يتوب عليّ وعليه. نصيحة إذا استطعتم توفير إقامة تجمعكما سويًا فلا تتأخرا.
تم النشر الجمعة، ٢ أغسطس ٢٠٢٤
السلام عليكم ورحمه الله وبركاته. بتبقى جميله قوي قوي مشاعر الارتباط ما بين اثنين. تزوجوا وهما القصه بتاعتهم من سنين. القصص دي بتبقى عامله كده زي الشجره المعمره الاشجار اللي هي بتبقى تراث وبنبص عليه كده ونقول الشجره دي بقالها سنين وجدورها بقت كبيره وبقت نازله في الارض بعمق ومش سهله حد يعرف يشيلها من الارض. وعلشان دي بتبقى حاجه كبيره وعظيمه بيبقى التعامل معها. لازم ناخد بالنا منها كويس قوي طيب ناخد بالنا منها ازاي نعرف ان في حاجات هتنفع معاها ممكن ما تنفعش مع اي شجره ثانيه الشجره دي جذورها ثابته وقويه فاحنا مش هنخاف عليها ان الرياح لما تيجي توقعها. طيب ولو جت عاصفه. هي ممكن تتهز بس ان شاء الله مش هتقع. دي المواقف اللي بتحصل معاكم في الحياه المواقف الصغيره هي مجرد رياح فانت ما حسيتيش بيها. الخلافات الصغيره الخناقات العبره كل دي عادي ده موقف كبير الموقف الكبير ده ضروري جدا يعرفك لو الموقف ده بقى هي كانت عاصفه ما وقعتش الشجره بس عملت شرخ فواحد من الفروع بتوعها او عملت شرخ في القدر من الجذور لا هنا لازم نقف عشان احنا مهما كنا فاكرين الشجره قويه قوي وبقى لها سنين فاحنا متاكدين ان هي يعني ما يهزهاش حاجه الا ان الموقف اللي حصل بيعرفنا على حته ضعيفه فيها ايه هي الحته الضعيفه فيها انك ما تتحمليش انك تعرفي كل حاجه مهما كنا بنقول لا خلينا صراحه مع بعض والصراحه دي احسن حاجه ولكن كل واحد لازم يكون عارف مقدرته الحقيقيه لانه دي نقطه مهمه جدا ليه انا اتحدى قدراتي الذاتيه. انت قدرتك على التحمل ما تتحملش انك تشوفي خطا او ذنب بيغير في صوره زوجك في عينيك. فلذلك الموقف ده يعرفك انك النوع ده من الاخطاء انت مش محتاجه تعرفيها وهو كافي ان هو يعرف يتعامل مع الخطا ده ويوقفه بس. حاجه كمان وهي ان ده بيعمل كده جرس انذار انك تخلي بالك انك تتعاملي مع زوجك او شريك حياتك ان هو مهما كان ومهما كان في من صفات جميله الا ان هو بني ادم وبشر ووارد جدا ان هو يقع في خطا زي ما هنجيب الاخطاء البسيطه الصغيره اللي قلت لك انها عشان عبيره كانت عامله زي الرياح الخفيفه يعني انه ممكن يكون في العادي شخص مهتم جدا جدا ومش بينسى اي حاجه تخصك ولكن في مره ينسى حاجه ليه لانه بشر ووارد ان هو ينسى ااا لما احنا بنتعامل مع اللي بنحبه ونخرج من دايره البشريه من كتر ما هو بالنسبه لنا عظيم جدا ومكانته كبيره جدا بننسى ان هو بني ادم عادي وممكن ممكن ينزل من البرج العالي اللي احنا حاطينه فيه لازم نسيب المساحه دي علشان يكون عندنا مرونه في التقبل للاخطاء وفي التغافل وفي التسامح لانه المساحه دي مهمه جدا جدا عشان نحافظ على علاقتنا القويه دي الشجره القويه دي محتاجه ان احنا نرويها صح محتاجه ان احنا نسيب لها مساحه حواليها تخيل ان شجره كبيره واحنا بدانا نبني حواليها عمارات فاحنا ضيقنا عليها المساحه ما تعمليش كده فيتبصي على النقطه دي ان هي ان شاء الله ملهاش تكرار باذن الله وانت علشان تتخطي الموضوع ده لو مش قادره بما ان اعدي عليه سنه وانت مش قادره يعني تخرجي من المشاعر السيئه دي ممكن تاخذي جلستين او ثلاثه مع اي اختصاصي نفسي يمشي معك الخطوات بتاعه التخطي ااا لا يتخطي الصدمات لان انت لسه عندك صدمه من الموضوع ولان صورته اللي انت حاطاها جواكي حصل لها كده هزه وانت مش قادره تتقبلي ده. علشان تقدري ان شاء الله تتعاملي معاه بشكل.
تم النشر السبت، ٣ أغسطس ٢٠٢٤
السلام عليكم اهلا وسهلا بيكي حبيبتي اولاً احب أعرفك ان مشاعر الخذلان اللي انتي حسيتي بيها دي طبيعيه لان الخيانه شيء صعب جدا ثانيا تعالي نشوف الموضوع من وجهه نظر تانيه شوفيه ان ربنا عايزك تقربي منه اقترب ومتعلقين غير بربنا فقط ولكن علاقه الزواج علاقه موده ورحمه وحب مش تعلق اللي المشاعر اللي انتي بتمري بيها دي لانك كنتي متعلقه بزوجك تعلق مرضي ولكن هو بشر ومعرض للخطأ ولكنه تعلم من خطأ سريعا وتاب علي خطأ وهو ليس له علاقه بموت الجنين لان الموت والحياه بيد الله فقط ثالثا مهم جدا انكم تبقو مع بعض في منزل واحد علشان ترجع تاني الالفه بينكم وهو كمان اخد درس عمره ما هينساه علي فكره وممكن يكون بيتعذب زيك واكتر استعيني بالصبر والصلاه وخالي قالبك متعلق بالله فقط وحبي نفسك اكتر وقدريها وفكري لو كان جوزك كمل في الخيانه ومقالكيش وبقدر الله كان الطفل اللي توفي ده أتولد مريض مثلا ربنا دايما بيسبب الأسباب لأننا لو علمنا الغيب لاخترنا الواقع ارضي بقضاء الله وربنا هيرضيكي رضا كبير جدا وربنا يريح قلبك لانك ماشاء الله نقيه وربنا يعوض عليكي بالخير والبركة يارب اللهم امين وشكرا جزيلا
تم النشر السبت، ٣ أغسطس ٢٠٢٤
أنا آسفة جدًا على اللي مرّيتي به. الخيانة قدر ما هي مؤلمة، قدر ما صعبة إنها تروح. تعرفي، أنتِ محتاجة تدي نفسك الوقت عشان تشعري بالشفاء. الشعور بالخيانة والتوتر والعواطف المتضاربة ذي مرت عليك ما هوش سهل. أولًا، حاولي تكوني صادقة مع نفسك. مشاعر الغضب والألم اللي بتحسي بها طبيعية جداً. مهم تعترفي بها، بدون ما تخجلي. وبعدين، لو حابة تحاولي ترجعي زي الأول، ممكن تبدأي بخطوات بسيطة: تحدثوا بصراحة: اجلسوا مع بعض وتحدثوا بوضوح وبصراحة عن كل شيء. اسأليه عن مشاعره وكمان قولي له عن مشاعرك. خارجي من الماضي: حاولي تشتغلي على نسيان اللي حصل. ركزي على الأشياء الإيجابية في حياتكم وأولادكم وما يحببك في زوجك. تخصيص وقت لنفسك: اعتني بنفسك، روحي للكافيه مع صديقاتك، اعملي رياضة، أو اشغلي نفسك بحاجات تحبيها. لما تحسنت نفسك بتتحسّن علاقتك. هل تحتاجين مساعدة محترفة؟ لو حسيتِ إن الموضوع صعب عليكِ، ممكن تستشيري طبيب نفسي أو مشورة زوجية. اجعلي الخطوات صغيرة: ما تضغطي على نفسك عشان كل شيء يرجع كما كان بسرعة. خذي وقتك. المفتاح هنا هو التواصل والصراحة. لازم يكون في مساحة بينكم تتشاركوا فيها كل مشاعركم وتتناقشوا بيها. وبالتدريج، بإذن الله، هتحسّي بتحسّن. تذكري، كلنا بنغلط، لكن الأهم هو كيف نواجه ونصرف على الأخطاء.
تم النشر الخميس، ١ أغسطس ٢٠٢٤
مشكلة كبيرة طبعا ، الاول لزما تسامحيه علشان انتي بتحبيه بجد ولزما تكلموا مع بعض وهو قالك انه تاب وهو بيعمل علشانك كل حاجة صدقيني لو غيره ممكن يتجوز و عادي يعني هيقولك مش بعمل حاجة حرام ، حاولي بس تنسي ومع الوقت ثقتك هترجع تاني بإذن الله واخر حاجة ركزي على كلامك بعد كلمة أنا علشان ممكن تسببلك مشاكل اكبر من كده (متقوليش اي حاجة سلبية بعدها )
تم النشر الأحد، ٤ أغسطس ٢٠٢٤
لا اله الا الله ،قلبي وجعني علشانك بس للاسف مفيش حل غير انك تتجاوزي وطالما جه واعترف لك يبقي كويس ومكملش في خيانته
تم النشر السبت، ٣ أغسطس ٢٠٢٤
لعرض السؤال في فدني اضغط هنا