بحس دائما انو بابا بيعامل اختي افضل مني مع اني الكبيره بس طريقته اتغريت جدا من ناحيتي ومش بقينا بنتكلم اصلا تقريبا
علشان هوا شايف انو انا انسانه فاشله ومبعملش حاجه في حياتي مع انو انا بتعلم مهارات وبقرا وبطور من نفسي بس هوا بالنسباله الدراسه اهم بكتير
انا عارفه انها مهمه بس انا شايفه انو في المرحله دي اني تطور من نفسي واتعلم حاجات جديده اهم بكتير مع العلم انو انا بطلع الأولي علي المدرسه بس بسبب اني مطلعتش الاولي السنه الي فاتت اتضايق مني جدا وبقي بيعامل اختي افضل مني وبيتجاهلني
بحس انو هبا بديله عني يعني وجودي مش مهم علشان. كده كده في حد هيعوضه مكاني
لما لما نتخانق او يتضايق مني بيبعد عني وهيا بتشتغل الفرصه دي كويس
بحس انها مش اختي وأنها بتشتغل اي فرصه قدامها علشان تاخد مني بابا وماما ويحبوها ويفضولها اكتر ولما مش ببقي موجوده في البيت بتفضل تتكلم عني وحش وتطلعني بصوره وحشه وتقول كلام مش حصل علشان ماما تقف في صفها ضدي 🙄
اتكلمي معاه .. قولي له يا بابا انت طريقتك اتغيرت معايا مبقتش زي الاول؟ هو حصل حاجة مني او انا عملت حاجة تضايقك، انا نفسي نرجع زي الاول ومش حابه اننا دلوقت مبقناش زي زمان. بس طبعا بابا وماما بيحبوكي وبيحبوا اختك كمان بس هو ممكن يكون مضايق منك زي ما قولتي في موضوع الدراسة، وشايف ان ده عقاب ، هو مش صح طبعا، بس في اهالي بيستخدموا النوع ده من العقاب مع الاولاد علشان يسمعوا الكلام. حاولي تتكلمي معاه وتعرفي منه الاسباب، واشرحي كمان انتي ليه حجتك.
تم النشر السبت، ١٨ مارس ٢٠٢٣
بصي عموما هي مش مشكلتك او مشكلته اختك اوقات الاهل بيبقا عندهم طريقه شايفين هي دي الوسيله الافضل عشان ولادنا يبقا متفوقين ع طول كنوع من الحوافز النفسيه بس هي مش صح دايما انا بفضل ف المواقف الي زي دي تركني اختك خالص وتروحي لباباكي تقوليله انا مدايقه منك ف كذا وكذا وانا مش فاشله مش معنى اني مطلعتش الاولى اني فاشله وانا عملت انجازات كتير السنين الي فاتت وبعمل انجازات كتير الفتره دي ومن حقك تزعل مني لما مستوايا يقل لكن متتعامل مع الحب الي بينا انه مشروط بالنجاح اتناقشي معاه بأدب وهدوء وعبري ليه عن مشاعرك لكن متحطيش افتراضات وتوقعات وتخسري كمان علاقتك بأختك .
تم النشر الجمعة، ١٧ مارس ٢٠٢٣
أنا أفهم كيف تشعرين، ولا يوجد شيء أسوأ من الشعور بأن أحدًا من أفراد العائلة لا يُقدركِ، فهذا يمكن أن يشعرك بعزلة وعدم الاهتمام. إن الأمر المهم هو كيفية التعامل مع مشاعرك. أولاً، يجب أن تؤكدي لنفسك أن قيمتك كشخص لا تتوقف على رأي أي شخص آخر، بما في ذلك والدك. عليكِ تذكر أن يمكن أن يكون لديه رأيه الخاص حول ما يحتاج إليه الأولاد الأكبر سناً لكن هذا لا يعني أنه يجب عليك أن تكون مثل أختك أو تفعل كل ما يطلبه منك. الثاني، لا تدعيه يؤثر على دراستك وتعلمك. عليكِ أن تزيدي معلوماتك ومهاراتك وتطوير نفسك ، وأخيرًا، إذا كان هناك صعوبة في التواصل مع والدك، فحاولي الجلوس معه والتحدث معه بصراحة عن مشاعرك ومشاركة تجربتك معه بكل هدوء واحترام. لا تستخدمي الاتهامات أو اللوم ولكن حاولي أن تخبريه بكيفية شعورك ومدى أهميتها. قد يستغرق الأمر بعض الوقت لكن مع الصبر والصدق والتواصل المستمر على المدى البعيد، ستتحسن العلاقة بينك وبين والدك.
تم النشر الجمعة، ١٧ مارس ٢٠٢٣
انتى مش عايشه عشان تحققى توقعات حد ولا حتى ابوكى وامك خلى جزء من تطورك انك تتعلمى تقبل الاخرين رغم اختلافهم معاكى الاب والام ليهم عندك الاحترام والبر بيهم رغم كل شىء .
تم النشر الأحد، ٢١ مايو ٢٠٢٣
هل مامتك بنفس صعوبه بباكي ؟؟ مين اسهل فالكلام معاه ؟ اتكلمي مع الاسهل وفهميه انه ده هيسبب بينك وبين اختك خلاف ولكن هي اصغر منك وملهاش ذنب بالعكس صادقيها واتكلموا سوا بنفس الفكره لان من ال حكتيه هي كمان بتستني فرصه يحبها وجايز في غيره بسبب سوء تعامل الاهل فانتي الاول اتناقشي مع بابا او ماما او خالتو او خالو حد كبير له كلام مع اهلك وبعدين تفهمي اختك وتحتويها انه انتم سند لبعض مش سباق مين اشطر
تم النشر الجمعة، ١٧ مارس ٢٠٢٣
بصي اختك يمكن عندها حب تملك وانو دايما الاخوات بيبقا فيه غيره طبيعي مبينهم كدا بس هي اكيد من جواها كل الي عايزه يمكن يشوفها ويهتمو بيها اكتر في طريقتها بس انها تاخد منهم ده بتكون بطريقه غلط فهميها ان موقفه ده مزعلك عشان اكيد هتتفهم ده او حتاا هتنتبه انو هي بتتصرف غلط بينها وبين نفسها حتا لو مش بينت
تم النشر السبت، ١٨ مارس ٢٠٢٣
انتي من الواضح انك حنينه بطبعك وعليهم وبتحبيهم اوي عشان كدا كتبتي ده دلوقت من حبك اولا انتي صح جدا انك تتطوري من نفسك بالشكل ده في برافو عليكي انك عندك وعي لجزء ده وهتفيدك جدا بجد كملي ممكن كمان تلقي ف نص الطريق ده حاجه تبقي متمكنه منها اوي وتكبري بيها او تساعدك بعد كدا في فكره انك تتدخلي كليه اي
تم النشر السبت، ١٨ مارس ٢٠٢٣
لا هيا شايفه انو هيا كده صح وبجد هيا انانيه جدا مبتحبش غير نفسها وحتي اخونا الصغير بتعاملو ومش جدا وعايزه كل الحب لبها وكل حاجه ليها هيا بس
تم النشر السبت، ١٨ مارس ٢٠٢٣
وشايفه انك تقعدي وتتكلمي معاه انك تتدي الف فكره هو متضيق من اي غير لما تفتحي حواري وتساليه انك زعلتيه ف حاجه وان ده مزعلك
تم النشر السبت، ١٨ مارس ٢٠٢٣
ثانيا تقبلي اختلاف الاهل عنا ده شيء طبيعي وهتواجهي صعوبات فيه لكن الشاطر الي يفهمهم ويقدر يبقا عندو سلسه في التعامل مع اختلافنا ف وجهات النظر معاهم باباكي شايف الي اتربا عليه هو زاي نهج بيمشو عليه لازم تبقا متفوق الدراسه والشهاده وكل اهلينا كدا جربي تقنعيه بي وجهه نظرك بهدوء وانك بردو هتهتمي بدراستك بردو لو ثابت علي رايه في عادي تقبلي لانك انتي نفسك عندك قناعات متمسكه بيها وشايفه الصح حتا لو مين اقنعك
تم النشر السبت، ١٨ مارس ٢٠٢٣
لعرض السؤال في فدني اضغط هنا