هو مش عيب ابدا انك تاخد هدنه مع نفسك وتفصل شويه من البشر بس الفتره دي مفروض تكون مركز فيها مع نفسك وتكتشفها وتدلعها يعني هدنه لنفسك مش عزله عشان مش ليك نفس تتعامل فاهم الفرق والصحاب مش بالعدد يعني القريبين دول حافظ عليهم وعرفت ناس تمام معرفتش تمام برضو الا لو انت بتتجنب تنزل مع ناس جديده او بتقفل فالكلام معاهم فده عشان انت مقفول دلوقت كمان حلو انك واخد بالك من نفسك وبتعبر عنها وعاوز تخليها احسن دي اهم نقطه فالتغيير كمل فانك دايما تعبر عن نفسك ورتب كده ايه اسباب زعلك وحاجه حاجه تهونها وتحلها الحزن صحي جدا عالفكره ونعمه انك تعرف تقول انا حزين غيرك مش بيعرف يعملها ولا اصلا بيحس بنفسه محتاج بس ترتب ايه اسباب الحزن ده وفضفض لربنا وانت ساجد بجد كل سجده هتغسل قلبك وتبدل حزنك فرح ورضا وسكينه اشكيله وادعي دايما اللهم اجبر بقلبي وقر عيني زود ورد يومي للحمد وكل مره تفتكر حاجه مزعلاك احمد ربنا كتير كده تبقي اشتغلت عالجانب الروحي والعقلاني مع بعض
تم النشر الخميس، ٢٣ فبراير ٢٠٢٣
على الاغلب ممكن تكون اتخدعت في ناس كتير زمان علشان كده مبقتش حابب تتعرف على ناس تانية جديدة، لان لسه جواك الصدمات ديه. هضع ليكي روابط لنفس موضوعك ... واتمنى انهم يكونوا مفيدين واتمنى ايضا لو حابب تسرد اكتر مشكلتك علشان نعرف نساعدك https://fedni.net/q/56629256/التعب-النفسي-بسبب-الاصدقاء https://fedni.net/q/91303429/اتوجعت-كتير-خذلان-اصدقاء-و-حبيب
تم النشر الخميس، ٢٣ فبراير ٢٠٢٣
خلاص يعنى تفتكر فى حاجة هتخلص قبل الحياة كلها ما تخلص. الحياة مكملة حوالينا ايه اللى يخلينا نقرر نوقف جزء منها . عشان حاجة واحدة حصلت ...طب وليه ...طب ما احنا لما بنوقفها بنحس بردوا بحاجات وحشة ...يبقي كده مستفدناش حاجة ومحلناش حاجة بردوا . يبقي الطريق ده مش هو الصح . ارجع لطبيعتك واتعامل بس بحدود .وخليه دايما تحدى لنفسك انك هتتعلم من كل اللى فات و هتحاول دايما تكون بتميز الكويسين من الوحشين.
تم النشر الخميس، ٢٣ فبراير ٢٠٢٣
اتعرضت لموقف او تجربه سيئه خلت عندك الشعور ده ؟ بقالك قد ايه بتمر بيه؟ اثر معاك ع النوم او الشهيه وفقدان الشغف والطاقه بشكل عام ولا ع الجانب الاجتماعي بس؟
تم النشر الخميس، ٢٣ فبراير ٢٠٢٣
لعرض السؤال في فدني اضغط هنا