انا مشكلتي اني مش فاهمه انا عاوزه اي مش عارفه احقق حاجه حاجه اني مهما اعمل مش دي الحاجه اللي هتبسطني انا اصلا مش مبسوطه، حتى مع الشخص اللي بحبه اوقات كتير هو مش بيفهمني اوقات كتير بحس حتى اهلي
ابويا كل اللي ف دماغو نفسوا وبس وانا دايما برتاح ف اوضتي مش بحب اقعد مع حد مش بحب انزل كتير بحب دايما دايرتي صغيره اوووي تعبت من فكره ان كل حاجه عليا محدش كلوا عاوز يعرف مالي وانا مش عارفه اشرح لحد مالي دايما عندي خوف ورهبه من اللي جاي نفسي اصلي وانتظم بعمل حاجات كتير وحشه وعارفه انها غلط بس نفسي اتغير بجد نفسي احس اني مبسوطه ولو يوم من جوايا
مبدائيا كدا نيجي لنقطه نقطه انتي مش فاهمه عايزه اي او عايزه تحققي اي ؟ بصي حطي ليكي اهداف واسعي لتحقيقها لما تحطي هدف قدامك هتبقي عارف انتي عايزه اي وهتعملي اي نيجي في نقطه انك مش مبسوطه وعايزه تكوني مبسوطه لو ليوم واحد ؟ مين قالك السعاده في الحاجات الفخمه الكبيره السعاده بتختلف من شخص للتاني انتي ممكن تتبسطي بقراءة كتاب ب حاجه انتي بتعمليها ب اي نشاط مثلا زي الرسم او القراءه او الخروج مع صديقه مريحه وبترتحيلها السعاده مش صعب اننا نصعنها بنفسنا ممكن قعده برضو مع نفسك مع مشروبك المفضل مع فيلم بتحبيه تخلقي جو من السعاده كل إنسان لي حاجات معينه بتبسطه صدقيني السعاده مش صعب انك تلاقيها نيجي لنقطه عندك خوف ورهبه من كل اللي جاي ؟ كل م يجيلك خوف من اللي جاي افتكري هل اللي جاي اللي انتي خايفه منه اصلا انتي موجوده فيه لقدر الله يعني انا مقصدش بس بفهمك احنا مش عارفين بكره موجودين او لا ف أخاف لي من بكره وهو مجهول وانا مش عارفه اذا كنت فيه او لا وعلشان تطمني برضو ربنا موجود استشعري وجود ربنا في كل لحظه في يومك وانتي هتعرفي انك ملكيش في الأمر شئ وخوفك وقلقك مش هيغير من قدرك حاجه كل شئ مكتوبلنا هنشوفه نيجي لنقطه نفسك تصلي وتنتظي كلنا بنعرج للطريق الي الله حتي نستقيم النهارده بتصلي الفجر والضهر بكره تصلي باقي اليوم بعده تصلي قيام اليل بعده تصلي السنن عايزه افهمك انها كلها خطوات ومجاهده منك علي نفسك وشيطانك ، ربنا يثيتك يارب وانصحك لمتابعه حازم شومان ومحمد الغليظ وهاله سمير بجد أسلوبهم وطريقتهم في الدين حلوين جدا اللهم بارك اتمنالك التوفيق واسفه لاني طولت😂
تم النشر الأحد، ١٣ أكتوبر ٢٠٢٤
قربي من ربنا بجد لما تقرأي قرآن وورد يومي من المصحف الورقي هتحسي براحة نفسية غريبة وتحسي انك مش بتشبع من القرآن وانك بتشعري بلذة لما تقرأي كل آية وتعيشي معاها واقرأي فتفسير الآيات الحجات دي هتشغلك وهتحببك فالدين والحياة بجد روعة وجربي اسمعي قرآن بصوت المنشاوي قمة فالسعادة والراحة النفسية هتروحي في عالم تاني جربي اعملي الحجات دي بشكل بسيط وهتدعيلي،ومش لازم كم كبير اهم حاجة انك تستمري وتجربي من الأول
تم النشر الأحد، ١٣ أكتوبر ٢٠٢٤
حضرتك قولتي انك نفسك تنتظمي في الصلاة وتبطلي الحاجات الوحشة فده أول الطريق حال العبد بيبقي ما بين خوف ورجاء وحب لله شوفي انتي محتاجة تذودي اي في قلبك محتاجة تخافي من ربنا شوية زيادة وتعظمية في قلبك اعملي كدة من خلال دايما التذكرة بالآخرة ورؤية فضل الله عليكي فتستحي انك تعصيه وسماع الدروس ده مهم اوي انصحك بودكاست دكتور احمد العربي عن الصلاة طيب محتاجة تزود الرجاء لله في قلبي بحسن الظن اشتغل علي معرفة الله باسمائه وصفاته في سلسلة اسماء الله الحسنى وطبعا تكون من حد من أهل السنة والجماعة أنا معرفش بالظبط اي اللي حضرتك نفسك تبطليه ولكن كل ده هيروح باحساسك بعظمة الله في كل حاجة وحاولي دايما تحسني صلاتك واقرئ في وصف صلاة النبي ولما تصلي صلاة كويسة انتي نفسك مش هتقدري تبطلي والالتزام بالاوقات مهم حضرتك مش عارفة انتي عايزة اي ولا اللي في حياتك مش شبهك انتي وحقيقتك مهم تعرفي إجابة سؤال ده الأول كونك حاسه بأن كل حاجة عليكي فده مجرد وهم مس محتاجة اكتر من انك تهدي وتظبطي نظام يومك وطبعا مش هتقدري تهدي وانتي بنفكري وخصوصا للمستقبل وهي كلها حاجات مترابطة حضرتك خايفة وده ناتج عنه تفكير للمستقبل اللي ناتج عنه احساس بالتعب وان كل حاجة عليكي كونك بنت ده هيسهل عليكي كل ده انتي مش محتاجة اكتر من انك تتعاملي مع كل حاجة في حياتك علي انك بنت بمعني انك ممكن تحاولي تدمجي في يومك حاجات زي الرسم والتلوين وخصوصا فن الماندلا المشي في الطبيعة الأعمال اليدوية انك تدي لنفسك وقت كل يوم متعملش في أي حاجة التدوين كل يوم الرقص من اي نوع المهم ادي فرصة لجسمي لتعبير والتخزين ذكريات سعيدة الهدوء والبطء في الحركات والكلام
تم النشر السبت، ١٢ أكتوبر ٢٠٢٤
عزيزتي، أود أن أكون بجانبك في هذه اللحظات الصعبة. من الواضح أنك تمرين بفترة من الضغوط والارتباك، وهذا أمر طبيعي. الحياة تجلب لنا أحيانًا مشاعر مختلطة، ويبدو أن لديك رغبة قوية في التغيير والتحسين. أولاً، يجب أن تفهمي أنك لست وحدك. العديد من الأشخاص يشعرون بعدم الرضا أو التوتر فيما يتعلق بعلاقاتهم أو بمواقف الحياة المختلفة. يمكنك البدء بتحديد بعض الأهداف الصغيرة التي تودين تحقيقها. ربما يمكنك التفكير في الأشياء التي تجعلك سعيدة، حتى لو كانت بسيطة مثل قراءة كتاب، ممارسة هواية تجدينها ممتعة، أو تخصيص بعض الوقت للخروج والتفاعل مع الطبيعة. بالنسبة لعلاقتك بالشخص الذي تحبينه، قد يكون من المفيد التحدث معه بصراحة عن مشاعرك واحتياجاتك. التواصل هو الأساس في أي علاقة، وقد يساعدكما على فهم بعضكما البعض بشكل أفضل. أما في ما يتعلق بعائلتك، فيمكنك محاولة توضيح لمشاعرها بشكل مُفتَح. أحيانًا، عدم التواصل يمكن أن يُحبِط الشخص. حاولي إيجاد لحظة مناسبة للتحدث عن مشاعرك وإحساسك. لا تنسي أيضًا أهمية العناية بنفسك. رغم أننا جميعًا قد نمر بفترات من الكسل أو عدم الرغبة، فإن القيام بأشياء صغيرة يوميًا يمكن أن يُساعد في تحسين مزاجك. إن الوصول إلى حالة من السعادة الداخلية يتطلب وقتًا وصبرًا، لذا كوني لطيفة مع نفسك في هذه الرحلة. إذا كنت تشعرين بأن الأمور تعقدت، يمكن أن يكون من المفيد أيضًا الاستعانة بمدرب حياتي أو مختص لمساعدتك في تنظيم أفكارك واحتياجاتك. تذكري، التغيير ممكن، وأنتِ قادرة على تحقيقه.
تم النشر السبت، ١٢ أكتوبر ٢٠٢٤
لعرض السؤال في فدني اضغط هنا