من وانا صغيرة حاسة ان اهلى مش مهتمين بيا من الناحية العاطفية انا اول م اتولدت جدتى كانت تعبانة ومكانش في حد بيهتم بيا لانهم مشغولين معاها حتى مامتى ف الفترة اللى المفروض تحتوينى فيها وترعانى كانت بتسيبنى عند الجيران وعند قرايبي بعيد عنها وكبرت على كدا وانا بعيدة عنها لحد م كبرت ماشية ادور ع الحب والحنان ف كل مكان حتى بابا كان قاسي اوى ف معاملته وديما بيزعق على كل حاجة ولما كنت بغلط كان بيضربني انا واخويا ومبيفهمناش براحة ودا كان بيخلينى اعمل حاجات من وراه كنت بسرق فلوس من صحابي وحاجات المدرسة رغم انى مكنتش محتاجة حاجة اصلا والدى مكتش بيهتم غير بالماديات وانو طالما بيدينا فلوس ومش مخلينا محتاجين حاجة يبقا كدا هو مش مقصر معانا بس انا كنت محتاجة حب واحتواء وصلت اعدادى وكان اى حد بيقولى كلمة حلوة بجرى عليه فى ولد كلمنى وكان بيفضل يقولى كلام حلو وانا طبعا حبيت دا وكنت لسة طفلة اصلا مش فاهمة دا صح ولا غلط وف الفترة دى كنت بتخانق كتير مع مامتى لانها مكنتش فاهمانى ولا فاهمة احتياجاتى وعايزانى بس اذاكر طول الوقت وانا كنت شاطرة جدا اصلا فالمهم الولد دا ادى رقمى لولاد صحابو وبدا ولاد كتير يكلمونى وواحد منهم كان بيخليني اعمل حاجات غلط ف التليفون وانا مش فاهمة حاجة والله العظيم ويخليني اقول كلام عشان يرضي رغبته لحد م بدات اتفرج على حاجات مش كويسة ووقعت ف العادة السرية وكان دا كل تفكيري بقا ف الفترة دى والدنيا بدات تبوظ معايا وخناقاتى مع امى تزيد وعرفت انى بكلم ولاد وفضلت تهيني بالكلام لحد م قررت انى اسيب البيت وفعلا خت القرار ومشيت بس حسيت بالندم ف نص الطريق ورجعت واتضربت يومها من ابويا ومحاولش يتفاهم معايا ويقولى لى عملتى كدا ولا اى حاجة كان بس بيضربني ويشتمنى المهم دلوقتى انا بطلت كل حاجة كنت بعملها مبقتش بكلم ولاد ولا بعمل العادة السرية دا بعد دروبات كتير بس انا لسة عندى تروما من الماضي وبقى قلبي قاسي ومبيفرقش معايا حد وبتعصب بسرعة ومبعرفش اسيطر على غضبي دا غير انى خايفة اكون عملت حاجة ف نفسي وانا معرفش واطلع ف الاخر مش بنت ومش عارفة اتصرف ولا اتكلم مع حد 😭 لو ممكن حد يفيدنى بس محدش يقولى اروح لدكتورة عشان مفيش امكانية خالص واسفة للاطالة
تم النشر الأحد، ٢٨ أبريل ٢٠٢٤
إنتِ قوية جدا إنك قدرتي تبعدي عن كل الذنوب والأخطاء وتتوبي لربنا .. انا معاكي إن تقصيرهم وقسوتهم أحيانا مش بنقدر ننساها لكن جربي تحطي نفسك مكانهم .. إنشغالهم مع جدتك المريضة والضغط النفسي اللي كانوا بيمروا بيه و المشاكل اللي متعرفيش حاجه عنها أدت لإهمال و بعد علاقتهم ببنتهم اللي أكيد هما بيتمنوا يحسنوها ويقربوا منها ضرب والدك ليكي يوم هربك كان أكيد على نفس درجة خوفه عليكي ورعبه انك مشيتي و على امل إن الضرب يخوفك إنك تفكري تعمليها تاني حتى لو من جواه كان عايز يتفاهم خايف يطبطب عليكي فتعمليها تاني ودا تفكير معظم الأهالي .. لازم تنسي اللي فات لانه مالوش لازم وتبصي لقدام وتبصي لأهلك من أول وجديد وإفتكري كل الحلو اللي عملوه وبيعملوه عشانك وإتأكدي انهم بيحبوكي فعلا بس مش بيعرفوا يعبروا عن ده بخصوص إنك مش بنت ليه بتقولي كدا؟ لو حصل وعورتي نفسك او إستخدمتي أي حاجه صلبه او حاده داخل جسمك و إتسببت بجرح ؟ حتى لو حصل لا أعتقد إنها هتسبب فض الغشاء لأنه مش بالسهوله اللي في إعتقادك و الحمدلله على توبتك ولو حصل جرح وعايزه تطمني ممكن تروحي لطبيبة نساء او تحوشي ليها الفتره الجايه لو مش متاح ماديا .. والكشف مظنش هيكون كتير هتلاقي أسعار بسيطه إن شاء الله وتطمني منها
تم النشر الأحد، ٢٨ أبريل ٢٠٢٤
اعرف حد قريب مني جدا كان في نفس الظروف دي ومع الزمن كل حاجه اتغيرت للأحسن
تم النشر الاثنين، ٢٩ أبريل ٢٠٢٤
لعرض السؤال في فدني اضغط هنا