عندي اعاقه بقدمي اليمني تجعلني امشي اعرج الي حد ما وظاهره تسبب لي الرهاب الاجتماعي وجعلني ابتعد عن التجماعات و الاماكن العامه لا اذهب الي الجامعه فقط اوقات الامتحانات لان اشعر ان كل من حولي ينظر لي واشعر باالتوتر وعلي الك النو في جميع حياتي اشعر بالتوتر والخجل واقوم بتصرفات غريبه وكان العالم كلو ينظر لي
الف سلامه قبل اى حاجه واتمنى انك تعمل على التقبل الذاتى بان تكون متميز وراضى دائما
تم النشر الخميس، ٢٦ يناير ٢٠٢٣
هى القصة كلها فى اخر جملة...احس كأن العالم كله ينظر لى . هو احساس فقط ...وليس حقيقة. يعنى انت مرتب حاجات فى ذهنك هى غير حقيقية و طبعا بيتبنى عليها افكار كتيرة وهى دى اللى بينتج عنها المشاعر دى كلها ( الخوف والتوتر والخجل والرهاب) حتى لو مفيش عندك مشكلة عضوية ...كنت ممكن تحس الاحاسيس دى بردوا بسبب فكرة محطوطة فى العقل ملهاش اى اساس من الصحة. لو مش عارف تظبط نظرتك لنفسك والافكار دى لوحدك ...انصحك وبشده تتوجه لاخصائى نفسي يساعدك
تم النشر الأربعاء، ٢٥ يناير ٢٠٢٣
طيب علشان نكون واضحين اللي عند حضرتك مش رهاب .. ومينفعش ابدا تشخص نفسك باضطراب نفسي او مرض .. بنفسك. يعني مثلا لو حد زعلان شوية مينفعش يقول انا عندي اكتئاب .. ده خطا جدا. انا متفهمة جدا شعورك الحالي وان بالتاكيد فيه حاجة اتغيرت عليك ... ولكن هل انت فقط اللي مثلا عندك مشكلة صحية .. اكيد لأ انت مش ذنبك خالص ان فيه مشكلة صحية عندك، وان شاء الله ربنا يشفيك عاجلا. كل الناس عندها مشاكل .. وانت متهيألك ان الناس ممكن تنظر .. لكن تخيل كده معايا ان في ناس اساسا ممكن متاخدش بالها .. ولكن خليني اقولك حاجة كمان فيها ايه يعني لو الناس اخدت بالها؟ فيها ايه لا يعرفوا انك تعبان مثلا؟ هيحصل ايه؟ هل مثلا ديه مشكلة وحيدة في العالم ..؟ هل محدش عنده ظروف مثلا في حياته حتى تمنعه من انه يمشي على رجليه؟ ايه اللي بتحسه لما تلاقي حد بيبص؟ وممكن تقولي فيها اي حتى لو شافك ..يعني ايه اللي هيحصل؟
تم النشر الأربعاء، ٢٥ يناير ٢٠٢٣
مش معنى ان عندك مشكله بسيطه ان كل الناس ملاحظاها اصلا ... وارد يكون عشان انت مدايق منها وملاحظها متوقع ان الكل شايفها لو ركز حوليك هتلاقي ان في ناس بتعرج من اعاقه فعلا وبتكون شديده وربنا كرمك انها خفيفه عندك وفي ناس بتعرج فعلا بس بسبب مشاكل ف الركبه او خشونه او نقص فيتامين معاهم او عشان الوزن هل معناه بقا ان كل الناس هتلاحظك وتدي عنك انطباع وحش لا طبعا لانه اولا مش ضروري تكون ملحوظه وده اعتقاد منك بس ان الكل ملاحظها عشان مدايقاك وثانيا عشان ناس كتير بتعرج لاسباب كتيره مش ضروري اعاقه والمشهد بيكون مألوف مش غريب ومستهجن عشان الناس تلاحظه . والاهم من كده مدركه قلقك وسط التجمعات وخوفك من نظرات الناس بس اول متلاقيك اتوترت وخوفت وحسيت الكل بيبص عليك فكر ف الكلام الي انا قلته لازم يفضل ف دماغك عشان تناقش فكره القلق المسيطره عليك بعد كده شتتها بأنك تدندن اغنيه بتحبها او تستغفر او تكلم حد فون تكون بتطمن وانت بتكلمه لحد متكتشف انك عديت الموقف الاجتماعي من خير توتر كمان ركز على تمارين الاسترخاء التنفسي والعضلي قبل اي موقف اجتماعي وبعديه هتفرق معاك كتير وان شاءالله هتكون كويس بس الاهم تثق ف انك هتعدي كل ده ان شاءالله
تم النشر الأربعاء، ٢٥ يناير ٢٠٢٣
موجود
تم النشر الأربعاء، ٦ مارس ٢٠٢٤
• هل مازلت موجود في البرنامج ، لأن المنشور مُنذ عام ، إذا مازلت موجود ضع تعليق لنتناقش بخصوص مُشكلتك ، تحياتي.
تم النشر الثلاثاء، ٣٠ يناير ٢٠٢٤
• لماذا تُعير النّاس كُل هذا الإهتمام ؟
تم النشر الاثنين، ١٨ مارس ٢٠٢٤
لعرض السؤال في فدني اضغط هنا