انا الحمد لله فى كليه طبيه دخلت الكليه تقديري اول ترم كان حلو وتاني ترم نزلت فى التقدير جيت فى سنه تانيه نفس الكلام وسنه تالته دلوقتي انا فى الترم التاني حاله احباط تامه لاني نفسي اتعين فى الكليه ومش عارفه اوصل كده ودايما بجلد ذاتي واهلى هما اللي رسخوا فى دماغي الكلام ده ان دكتور اللي فى الصحه فاشل وضغط اكتر واكتر اني اتعين .وظهر قرار تقريبا انهم هيستغنوا عن الدكاتره فى المستشفيات وهيتوزعوا فى القري والمستشفيات هتتقلب خاصه اغلبها فكنت بكلم أهلى ردهم كان صادم اكيد هيشتغل فيها الأوائل اما اللي تقديرهم كده لاه وخلاص بجد الدنيا اسودت فى وشي .بجد أهلى وصلوني اني بكرهه اليوم ال دخلت فيه الكليه. تاني حاجه دايما بيحسسوني اني اخدت حق اخواتي فى الرعايه وكل حاجه بحكمي الكبير . طريقتهم معايا بتالمني بجد بحاول اوصلهم دايما كده طلعا بيكون ردهم بالسلب وااني اناني واني اول واحد هغدر بيهم الحمل بقي تقيل اوى على قلبي ما فيش حد فى أهلى اتكلم معاه محشور دايما مع تليفوني سواء بذاكر او بضيع وقت والكتب ما فيش اي حاجه تانيه . وكل ما احاول اتكلم معاهم يقولولي انت بتعمل دوشه فى البيت وصاحب هم مش عجبك روح سكنك انت ضيف هنا انت اخدت رعايه كتير كفايه كده عليك وحجات كتير تانيه قلبي مثقل وداخل على امتحانات ومش عارف اعمل ايه بجد .وبيجيلى افكار سعات أعوذ بالله اني اموت بس بستغفر بعدها علطول
في البدايه كده من الواضح ان حضرتك شخصية ناجحه وانك توصلى لكليه الطب دي حاجه كبيره جدا لكن الظروف اللي تعرضت ليها هي السبب في حاله الاحباط اللي حضرتك وصلتى ليها بالنسبه للظروف المحيطه بيكى واللي خلت نفسيتك كده ف الظروف دي مش بمزاجك مش بارادتك لكن انتى لازم تحددى هدفك ولازم يكون دايما الهدف ده قدام عينيكى علشان تقدرى توصلى ليه ما ينفعش انك تستسلمى بعد النجاح اللي انت وصلت له الضغوط اللي حواليكى من المحيط الخارجي خلت نفسيتك مش سامحه بانك تفكرى في اي تغيير او في اي حاجه تانيه وبرضوا الظروف العائليه اللي حواليك انتى مش هتقدرى تغيريها. هنحاول ان احنا نتكيف عليها وحاولى انك تحددى الاهداف بتاعتك كلها وايه الحاجات اللي تقدرى ان انت تشغلى بيها وقتك من غير ضرر ليك حاولى لو في حد قريب منك انك تتكلمى معاه وبالنسبه للاهل فحاولى ان انت ما تدخلش معاهم في مناقشات طالما مناقشات دايما بتنتهي بنهايه سلبيه لكن لو في حد ممكن يتفهم الوضع اللي انتى فيه حاولى انك تتكلمى معاه بالراحه وتفهميه كل الاحداث دي انتى مالكيش يد فيها وانك بتحاولى على قد ما تقدرى ان انت تبقى ناجحه لكن الدنيا معاك مش ظبطه وحاولى ان انت ما تدخليش في المرحله دي لان دي مرحله صعبه جدا انك تفكر في الانتحاراو تفكرى انك تموت نفسك فدي مرحله صعبه جدا الفكره دي لو جت في دماغك لازم تشغلى نفسك سواء برياضه معينه حاجه انت بتحبيها حاولى تخرجى من المجتمع او الجو اللي انت فيه وحاولى انك تكون صداقات وتتعامل مع اطراف اخرى يكونوا سبب في دعمك ويفهموا دماغك اكثر لكن مش معنى كده انك تنفصل عن اهلك خلي علاقتك بيهم لحد ما يتفهموا الوضع اللي انت فيه ما يكونش فيها اي مناقشات لان مناقشات بتصفر عنها نتائج سلبيه ولازم دايما تكونى متاكده ان اللي بيصر على حاجه وبيكون امامه هدف بيوصل حتى لو بعد وقت بس المهم في الاخر بيوصل علشان ما يكونش واقف مكانه وانت قدام نفسك تقولى انا فشلت مش مشكله المحيط اللي حواليكى المهم انتى ممكن يكون المحيط اللي حواليكى مش فاهمك مش عارف يتعامل معاك بس انت هتقدرى تتعامل مع نفسك وخلي دايما عندك ثقه في الله ان ربنا ما بيضيعش مجهود حد اجتهد واعمل اللى عليك للاخر٠٠ واكيد انت هتكون قدها
تم النشر الثلاثاء، ١٨ يونيو ٢٠٢٤
لازم تعرف الاول سبب المشكلة يعني ايه اللي خلي تقدير بتاعك ينزل يعني العيب مثلا في طريقة المذاكرة حاول تغيرها وحاول تنظم وقتك وتواظب علي الصلاة وشوف كمان ايه اللي خلي تقدير بتاعك يرتفع في سنة الاولي هل مثلا الدكاترة كانوا متساهلين عشان لسه في اولي ولا منهج كان كويس ولا طريقتك في المذاكرة ،مادام في كلية طبية اعرف ان مذاكرة هي اللي مهمة وتقدير ده بتاع ربنا وبالنسبة لاهلك اتكلمت معاهم كذا مرة ومالاقتش في استجابة منهم لمعانتك يبقي خلاص حاول متتكلمش معاهم تاني ولا مع اي حد اشكي حزنك وبثك اللي اللله وسيبه علي ربنا واعمل اللي عليك واجتهد علي ماقد ما تقدر في الكلية عشان دي اهم ايام حياتك وهتحدد مستقبلك قدام وابعد عن ناس سلبية ومادام في كلية طب بشري اهم حاجة عندك هي تعليم اكادمي يعني مادة العلمية وربنا معاك ويخفف عنك هذه المعاناة
تم النشر الثلاثاء، ١٨ يونيو ٢٠٢٤
طيب تصدقي بالله انتي فخر ليا اصلا ربنا يبارك فيك انتي ربنا اختارك عشان تكون من جند الله في الارض أحمدي ربنا بجد والله على النعمه دي ربنا ادهالك عشان تخدمي بيها عباد ربنا وهي مهنه الطب ما بالك انت تقدري تخففي على الناس آلمهم وتعبهم وتخففي عنهم ماديا دا فضل من الله عليك عمل ينفعك دنيا واخره لذالك عليك ان تحمد الله وتنسي كل المعوقات فقط فكري في خدمه عباد الله اللي ربنا وكلك ليهم انا تالته ثانوي ونفسي اكون زيك والله ونفسي عملي اقدر اخدم منه ناس كتيير ومن جوايا بحلم بالطب البشري وبتعدي عليا معوقات نفسيه كتير بس بقول يارب لان خدمه عباد ربنا امنيتي،،، لذالك افرحي وحفزي نفسك انك كنت من اختيار ربنا لمجال زي ده فما اجمل من ان تخففي آلم الناس 🥹
تم النشر الثلاثاء، ١٨ يونيو ٢٠٢٤
التعامل مع الأهل الصعبة الذين يقللون من أولادهم ويمنون عليهم يمكن أن يكون تحديًا كبيرًا ويسبب الم كبير ،ولكن كل الم في حياتنا هو فتره لها بدايه ونهايه باذن الله ، مرحله وهتعدي بحلوها ومرها بعض الطرق التي ممكن تساعدك الاعتراف بالمشكلة - إدراك أن سلوك الأهل مرهق ومؤذي يمكن أن يكون الخطوة الأولى نحو التعامل معه بفعالية.الاهل هم بشر وليسوا بملائكه هذه الحقيقيه والواقع ، يمكن ان يخطئون ايضا سواء بوعي او بدون وعي . ثانيا وضع حدود واضحة - تحديد الحدود الشخصية وتوضيحها للأهل يمكن أن يساعد في حماية نفسك من السلوكيات المؤذية. قل لهم بوضوح ما هو السلوك غير المقبول بالنسبة لك. ثالثا التواصل الفعّال - حاول التحدث معهم بصراحة وهدوء عن تأثير سلوكهم عليك. عن طريق استخدم عبارات "أنا أشعر" بدلاً من الاتهامات لتجنب التصعيد "انتم ". رابعا الابتعاد عند الضرورة - إذا استمر الأهل في التصرف بطريقة مرهقه ، قد يكون من الضروري الابتعاد عنهم لفترات مؤقتة لحماية صحتك النفسية. خامسا البحث عن الدعم - تحدث مع أصدقاء موثوقين أو مستشارين أو معالجين نفسيين. الحصول على دعم خارجي يمكن أن يكون مفيدًا لفهم كيفية التعامل مع الوضع وتقليل تأثيره عليك. سادسا التركيز على الذات - اهتم بنفسك وحافظ على صحتك النفسية والجسدية. الانخراط في أنشطة تجلب لك السعادة والراحة يمكن أن يساعد في تخفيف التوتر الناتج عن التعامل مع الأهل المرهقين.الرياضه هتخرج كثير من المشاعر السلبيه ، والصلاه والدعاء كثيرا . التعلم والوعي الذاتي - زيادة وعيك بأساليب التعامل مع الأشخاص المرهقه والصعبه من خلال قراءة كتب، حضور ورش عمل، أو متابعة مواد تعليمية عبر الإنترنت. القبول والتأقلم - قد يكون من الصعب تغيير سلوك الأهل، لذا القبول بأنك لا تستطيع تغييرهم والتكيف مع الوضع يمكن أن يساعد في تقليل التوتر. البحث عن حلول بديلة - إذا كان الوضع غير محتمل ولا يمكن تغييره، قد تحتاج إلى النظر في حلول طويلة الأمد مثل الانتقال للعيش في مكان آخر أو تقليل الاتصال بهم إلى الحد الأدنى. التعامل مع الأهل المرهقين نفسيا يتطلب الصبر والقوة الداخلية، والأهم من ذلك هو الحفاظ على صحتك النفسية بطلب الدعم اولا من الله لانه المخرج الوحيد لكل المحن .
تم النشر الأربعاء، ١٩ يونيو ٢٠٢٤
أفهم تماماً قد إيه الوضع صعب عليك وإزاي شعورك بالإحباط وتأنيب الضمير ممكن يكون مكسِّر فيك. خليني أقول لك: أول حاجة، بخصوص تقديراتك، ومهم افتكر أن المجموع مش هو المقياس الوحيد للنجاح، فيه حاجات أكتر من كده به كتيرة. اضحك مع نفسك دقيقة وتذكر إنك بتاخد خطوات كبيرة في واحدة من أصعب الكليات. الدنيا متقلبتش مرة واحدة، وبالحب والصبر تقدر تشوف تقدم ونجاح برضه. ثاني حاجة، أضمن لك أن النجاح مش مرتبط بس بالتقدير العالي، فيه كتير من الدكاترة الناجحين كانوا مش ممتازين برجهم في الكلية، بس بالإصرار والتفاني قدروا يحققوا حلمهم. الأهم تفضل تشتغل على نفسك وتطور مهاراتك. أما موضوع أهلك، ربنا يعينك عليه. حاول تفهم أن ضغوط الحياة عليهم كمان ممكن تكون كبيرة، وده بيأثر على ردود أفعالهم معاك. بس ده ما يعنيش أنك ما تستحقش الحب والاهتمام. لو ممكن تلاقي شخص تثق فيه من العيلة أو الأصدقاء، حاول تتكلم معاه وتفضفض عن مشاعرك. أخيراً، لو الخلاص نفسياً بيوصل معاك للدرجة دي، مافيش حاجة عيب إنك تتصل بأحد مختص. مستشار نفسي أو مختص حيقدر يساعدك ترتب أفكارك وتلاقي حلول منطقية. ربنا يكون معاك، وكل التوفيق في امتحاناتك. انت قوي وأكيد حتعديها.
تم النشر الثلاثاء، ١٨ يونيو ٢٠٢٤
ارجع لربنا وصلي وانا بقولك والله كل حاجه هتتغير ارجع لربك بس وادعي وربنا عارف كل حاجه
تم النشر الأربعاء، ١٩ يونيو ٢٠٢٤
لعرض السؤال في فدني اضغط هنا