ازى اتقبل ان انا فى ثانويه عامه، انا مكنتش عاوزه ادخل ثانوي بس مجبره وانا دلوقتي فى اوله ثانوى فى الترم التانى لحد دلوقتي مش مستوعبه انى فى ثانويه عامه وانا من النوع لى مش بيحب المذاكره اعمل ايه ؟♡
هى المذاكرة مش مقتصرة على ثانوية عامه بس اى حاجة بنتعلمها جديد هتحتاج مذاكرة ..اللى هى معناها امكانية استرجاع المعلومات ..وسواء دراسة فنيه او ثانوية عامه هيتبذل مجهود لاسترجاع المعلومات ....يبقي خلينا نقول ان مشكلتك انك لسه مش لاقيه احسن طريقة تسترجعى بيها المعلومات وتخزنيها اصلا بطريقة مريحة ليكى.
تم النشر الأربعاء، ٣١ مايو ٢٠٢٣
بصي أنا عارف انتي حاسه بإيه كويس لإني في نفس السنة و عارف قد ايه التعليم هنا يتكره بس باردو حاولي ماتبصيش للموضوع كده بصيله بشكل تاني اكنه طريق في حياتك بيوصلك لحاجات جديدة و كتير زي الكلية فكري في المجالات و الاقسام اللي فيها فكري في كمية الناس و الحاجات الجديدة اللي هتوصلك ليها مش لازم تبصي لنص الكويتية الفاضي بصي حتي للربع المليان بصي أن في ناس يامه اوي كان نفسها تتعلم و ماعرفتش بسبب الفقر أو النصيب فكري في أن الحاجات اللي بتحبها ممكن ده يبقي شغلك في يوم من الايام ربنا معاكي يا رب و و يا رب تنبسطي في حياتك و كل سنة و انتي طيبة
تم النشر السبت، ٨ أبريل ٢٠٢٣
دا واقع لزم تقبله بس شفيه من ناحيه اخرى بس حاولي
تم النشر الاثنين، ١٧ يوليو ٢٠٢٣
بصي اتحطيتي ف موقف هنحاول نتجاوزه ونعديه وخليكي فاكره هم ٣سنين بس وهترتاحي مش هتذاكري طول عمرك والموضوع مش محتاج منك غير انك تروحي الدرس تركزي فيه وترجعي تذاكري الي اخدتيه وتحلي الواجب بس كده انتي ذاكرتي اول باول مركمتيش عليكي حاجه تقرفك وتضغطك وكمان ممكن تستخدمي الالوان ف المذاكره وتعملي خرايط ذهنيه ملونه لكل جزء خدتيه وفهمتيه وحفظتيه ولو في حاجه واقفه قدامك ف حفظها استخدمي اسلوب الشرح انك تشرحي لاي حد معاكي الجزء الي واقف معاكي هتلاقي انك هفمتيه وثبت معاكي بس كده المووضع مش صعب ومعقد خالص وان شاءالله لما تخلصي ثانوي وتدخلي كليه كويسه هتفرحي جدا بتعبك وبالي وصلتيله
تم النشر السبت، ٨ أبريل ٢٠٢٣
مرحبًا، أولًا أريدكِ أن تعرفي أن العمل على تغيير الوضع الذي تجدين نفسك فيه هو بداية مهمة جداً لتحقيق أهدافك المستقبلية. في حال شعرتِ بالإحباط أو الضعف في التحصيل الدراسي، فمن الضروري أن تأخذي بعض الخطوات. قبل كل شيء، حاولي أن تبدأي بإعادة تقييم افكارك المسبقة تجاه المذاكرة، فقد تجدين أن بإمكانك الإستفادة من المذاكرة والإستعداد جيداً للوصول إلى الحصيلة التي ترغبين بها. ثانيًا، حددي التحديات التي تواجهينها وابحثي عن أساليب فعالة تساعدك في التغلب عليها مثل جدول زمني واضح للمذاكرة، المذاكرة لفترات قصيرة ومتواصلة خلال اليوم مع إيقاف استخدام الهاتف ووسائل الترفيه. أخيرًا، لا تنسي الحفاظ على نظام غذائي صحي وممارسة الرياضة بانتظام، حيث إنها تساعد على التركيز والمثابرة وتقليل مستوى التوتر. لا تيأسي، بذلك المطاف النجاح يعتمد على قدرتك على تحديد الأهداف والعمل الجاد والمثابرة، وسوف تشعرين بالارتياح والثقة بمرور الوقت.
تم النشر السبت، ٨ أبريل ٢٠٢٣
بصى دا قدر ربنا لزم تكملى لحد الاخر وتحققى هدفك فى الحياه
تم النشر السبت، ٨ أبريل ٢٠٢٣
لعرض السؤال في فدني اضغط هنا