السلام عليكم،
كنت حابة اعرف ايه حكم الدين في اللي بيغش منغير قصد ، يعني مثلا انا بكون خلاص في الامتحان سؤال مش عارفاه او سؤال انا سايباه للأخر فالبنت الي ورايا تغشش اللي قدامي بصوت عالي و بكون في النص فأنا بكون سمعت الإجابه الصح فمببقاش عارفه اعملها ولا معملهاش وساعات بآجي احل السؤال في الأخر الأقيه طلع الناتج اللي البنت غششت اللي ورايا به فبعملو وساعات لاء مبكونش عارفاه بس البنت اقنعت اللي ورايا بالإجابه وأنا بكون سامعه حتى لو قاصده مركزش بكون سامعه فوقتها اعمل ايه أكتب الإجابه اللي قالتها ولا كدا انا هبقا غشيت ، دا غير أوقات واحده تغششني غصب بمعنى أنا مبكونش عايزه اعرف السؤال اجابته ايه حتى لو مش عارفاه بس عندي ان انا اهبد احسن من إن اغش بس هي تلف وبتقولي الإجابات هتبقا كذا وكذا رغم ان انا بقولها مش عايزه اعرف ومش عايزه اغش بس بتقولي بردو معرفش ليه بس هل كدا بردو اسمي غشيت ولا ايه بالظبط لإن الموضوع محيرني جدا بجد
السلام عليكم، لما كان بيحصل معي موقف مشابه كنت بتجاهل تمامًا كتابة الإجابة للسؤال اللي أنا مش عارفاه أصلا وعارفة إني مش مذاكراه ومش هفتكر إجابته خالص وكنت واثقة إن كده غش فبتركه وأنا عارفة إن ربنا هيعوضني. السؤال اللي كنت عارفة إني مذاكراه وعارفة إجابته حتى لو هفكر فيها عشان أكتبها كنت بعتبر نفسي مسمعتش الإجابة وأحله سواء كانت الإجابة في النهاية شبه اللي قالوها أو إجابة مختلفة بس إجابتي في النهاية. مش عارفة هل تقدري تطلبي من مراقب اللجنة ينقلك في مكان أبعد من اللي بيغشوا أو على الأقل يوقف الغش في اللجنة؟ لو متاح كده اعمليه أفضل وملكيش دعوة مين غش ومين لا والتنسيق وكل الكلام ده... اعملي اللي عليكِ وخلاص وابعدي عن الغش عشان ربنا يبارك لك إن شاء الله. بالتوفيق.
تم النشر الثلاثاء، ٣ ديسمبر ٢٠٢٤
وعليكم السلام ورحمة الله وبركاته، أختي الكريمة، أشكر لكِ طرح هذا السؤال المهم. الغش في الامتحانات له آثار سلبية على الفرد والمجتمع، ولكن يجب أن نتناول الحالة التي ذكرتها بدقة. إذا كنتِ في موقف لم تخططِ فيه للغش، بل كنتِ تستمعين ما قالته زميلتكِ دون قصد، فإن مسؤوليتكِ هنا تظل مرتبطة بنية قلبكِ. الشرع ينظر إلى النية، فإذا كنتِ قد صممتِ على عدم الغش لكن الظروف جعلتكِ تسمعين بالصدفة، فعليكِ أن تتوقفي عن كتابة الإجابات التي سمعتيها إن كانت لم تتضح لكِ بشكلٍ يضمن حقيقة التصحيح. أما إذا حاول أحدهم إقناعك بالإجابة رغم رفضكِ، فهذا قد يعني أنكِ وقعتِ في ضغطٍ غير مبرر، وفي هذه الحالة فإن أسلم طريقة هي أن تتجاهلي ما تقولينه وتعملي على الإجابة بإجاباتكِ الشخصية قدر استطاعتكِ. تأكدي أن المجهود الشخصي والاجتهاد هو ما يثمر في النهاية. ولتفرضي تحديدًا على نفسك أن تحرصي على عدم الانغماس في مثل هذه المواقف مستقبلاً. احرصي على أن تفهمي ما تحتاجينه جيدًا، وبهذه الطريقة تجنبي الإحباط أو الضغط الذي قد يؤثر عليكِ في الامتحانات المقبلة. خلاصة الأمر، إذا جاءتكِ إجابة غير مقصودة، يمكنكِ أن تتصرفي بناء على ما ترين أنه صحيح في قلبكِ، واحرصي دائمًا على تحقيق التوازن بين الرغبة في النجاح والنزاهة في العمل. وفقكِ الله وفتح عليكِ.
تم النشر الخميس، ٢٨ نوفمبر ٢٠٢٤
لا يؤاخذكم الله في اللغو في ايمانكم . والله اعلم انتي مطلبتيش الاجابه وسمعتيها اكتبيها عادي المهم متكونيش طلبتيها ولو خالفتي الاجابه الصح دا في ضرر عليك والله اعلم
تم النشر الجمعة، ٢٩ نوفمبر ٢٠٢٤
فعلاً متفقه جدا ف النقطه دي ، غير الظلم اللي بقا يحصل ، اللي غاشين بيجيبو اعلى من اللي عامل بمجهودو و بقا اللي حالل بمجهودو دا انسان فاشل عشان درجاتو مش ذي الي حواليه ، لما كانو بيقولو نبقا نتأكد من بعض ف الإجابات و قولت مش عايزه اغش كانو مستغربين و كأن دي حاجه غريبه و ازاي مش عايزه تغش رغم ان ديننا ك مسلمين محرم الغش المفروض يركزو على النقطه دي و لكن هم تجاهلولها ذيها ذي حاجات كتيره ، ربنا يهديهم فعلا احنا في اخر الزمان
تم النشر الجمعة، ٢٩ نوفمبر ٢٠٢٤
الصح انك تعتبري نفسك مسمعتش حاجه و تكملي عادي ،
تم النشر الخميس، ٢٨ نوفمبر ٢٠٢٤
اكيد مش بلاقي مبرر للغش ،انا عارفه كويس إن من غشنا فليس منا و انا مبحبش الغش عشان هو بيسبب ظلم ذي التنسيق بيعلى بسبب الي غاشين دول و هكذا حتى إن انا بسد وداني وقتها عشان مسمعش الإجابه و لكن صوتهم عالي و بسمع الإجابه بردو ، و لكن انا بحاول الاقي حل يعني ايه حل ده ، فكره ان اغير مكاني مفرقتش لإن بقت مهزله كلو بيغشش كلو ، بس انا بحس ب ذنب أنا مليش اي دخل فيه و ساعات لو السؤال مثلا معرفهوش و الي حواليا غشوه (مع العلم مش بيغشوا بصوت واطي مثلا لاء بيغشوا بصوت عالي و المراقب نفسو مبيعملش حاجه) ،ف عشان محسش ب ندم بعمل إجابه غلط حتى بعد مكون اتأكدت من السؤال و عرفت حلو الصح بقوم عاملاه غلط و بنقص بسبب ده و مش عارفه ازاي اتخلص من حاجه ذي كدا و اعمل ايه لو الإجابه طلعت صح ونا عارفه انها صح هل احل الصح الي سمعتو و اقتنعت بيه و الي لما حاولت احل المسأله طلعلي ولا اعمل ذي مبعمل و احل الغلط دا الي عايزه اعرفو و شكراً لحضرتك.
تم النشر الخميس، ٢٨ نوفمبر ٢٠٢٤
تعليقا بس علي جزئية انها بقت مهزلة ، ايوه منظومة التعليم واحدة من المنظومات التالفة من وجهة نظري الشخصية و اللي محتاجة تغيير جذري بس مش للأمام و لكن للخلف للايام اللي كانت مستقرة فيها و كان المعلم معلم و الطالب طالب واحد بيقدم علم و التاني بيتلقي علم حاليا فعلا مهزلة ، فعايز اقولك فاهم شعورك من جوا و كانك بتقولي هيه جت عليا .. مش كده .. بالظبط و الإجابة ايوه جت عليكي و وقفت علشان من الف واحد قرروا انهم يغشوا و عادي واحدة بس حست ان فيه حاجه غلط و ضميرها مش مرتاح و و جزء منها رفض الغلط .. اكتر حاجه هتلفت انتباه ان الغالبية العظمي بتروح للطريق الغلط علشان سهل و متوفر بكترة و ليه كذا مدخل .. لكن القلة هما اللي يروحوا للصح و الكل هيشاور عليهم و هيقول بص عبيط ، متخلف ، مش عارف يمشي أموره .. دورك بقي انك تتعلم توازني امورك في الحياة لا تكوني زيهم ولا تبقي متعنته و تخسري كل حاجه .اختاري الصح و العمليه بس بالهداية و من غير لفت نظر و ميهمكيش حد .
تم النشر الخميس، ٢٨ نوفمبر ٢٠٢٤
مش ملاحظة انك دايما قايمة بدور الوسيط Middle Man .. لو ممكن تغيري مكانك ابقي غيريه ، لو عايزة حد يحلل لك الغش محدش هيعملها ، و انتي اصلا مش عايزة كده سواء بقصد او بغير قصد ، في احتمال كمان يكون الإجابة اللي زميلتك بتقول عليها التانية غلط ، فالطبيعي انك هتلاقي نفسك بتعملي الصح و بتحلي بنفسك علشان توصلي لنتيجة لان الإجابة اللي جت بالساهل مش مضمونة ، عادي بيحصل الغش عامل زي الواسطة كده بتخلي الذي لا يملك العلم او الخبرة يصل الي مرتبة لا يستحقها و بيتسبب في ضياع مجهود الغير ، و بتتسبب في ظلم و قهر و حسرة لدي من يستحق ، من غشنا فليس منا .
تم النشر الخميس، ٢٨ نوفمبر ٢٠٢٤
لعرض السؤال في فدني اضغط هنا