دايما عندي صداع وبنام كتير اوووي وبحب الوحده جدا مش بحب التعامل مع الناس ولا اي حد حتي اهل بيتي دايما ف اوضتي لوحدي مع اني مكنتش كده كنت اجتماعيه جدا دلوقتي عكس كده خالص وبقيت عندي لا مبالاه فظيعه بس ف اوضتي بليل بفضل اعيط لحد لما انام وعندي فوبيا من الصوت العاالي مش عارفه ازاي بتعصبني او انا حرفيا بقيت اتعصب من اقل حاجه وعندي احساس دايما بالفقد وان اي علاقه ف حياتي هي عباره عن فتره وبفكر سلبي كتير اووي هي مشاعر كتير متلغبط بس مش فاهمه اي سبب كل دا او انا محتاجه اي 💔
عندي 19 سنه
ايه اللي اتغير في حياتك؟ ايه اللي حصل قبل ما تبدأي تحبي الوحدة وتنامي كتير ونشاطك يقل؟ في الغالب عندك احباط بسبب موقف صعب مريتي بيه وبتحاولي تتظاهري قصاد الناس انك كويسة وكله تمام محتاجة تتكلمي مع حد ثقة يتفهم مشاعرك وتعبري عن اللي جواكي بدون تردد او تجميل .. حد يساعدك تحددي سبب التغيير اللي حصل، يساعدك على تجاوز الموقف اللي سبب التغيير دا، ويساعدك تستعيدي نفسك وطبيعتك وتفكيرك يتحول لتفكير ايجابي مرة تانية.
تم النشر الخميس، ٢٥ أبريل ٢٠٢٤
من كل اللى قولتيه واضح انك زعلانه من الحاجات المفروضه عليكى فى واقع حياتك الزعل لانه مخلصش وصل بيكى لاكتئاب والاكتئاب اوله انكار للى بيحصل كله وبتبقى زى الغرقان اللى تعب من المحاوله ومستنى حد يجى ينقذه من اللى هو فيه ..يمكن الاحوال تتغير الحقيقية ان الانتظار فى سكون كده ده مش الحل محتاجين نتحرك حتى لو دراعنا مكسور ...حتى لو ناقصنا حاجة دلوقتى ..نتحرك بدل ما كل حاجة تنقص وساعاتها الحركه هتبقى اصعب علينا واحنا ناقصنا كتير . فحياتنا نبطل نرفض انها ناقصها حاجات ونبص على اللى موجود ونشوف نقدر نعين نفسنا بيه ازاى على النقص ده
تم النشر الجمعة، ٢٦ أبريل ٢٠٢٤
انا فاهماكي انا كنت زيك بالظبط. بس انتي لازم تشوفي دكتور نفسي يشخص حالتك و يعالجك عشان تستريحي، و ممكن قبل ما تنامي تحطي السماعات في ودنك و تسمعي قرآن بصوت شيخ هادي و هتهدي و هتكوني مطمنة و هتنامي و انتي مرتاحة، و كمان ممكن تكتبي مشارعك و اللي انتي حاسة فيه في ورقة عشان تفرغي مشاعرك السلبية و ده حل مريح جدا و انا بعمله أو ممكن تحكي لحد و تفضفضيله و ده برده هيريحك
تم النشر الخميس، ٢٥ أبريل ٢٠٢٤
مش منتظمه بصراحه بسبب نومي الكتير بس بحاول
تم النشر الجمعة، ٢٦ أبريل ٢٠٢٤
- ما طبيعة علاقتك مع اللَّه ؟
تم النشر الجمعة، ٢٦ أبريل ٢٠٢٤
في حاجات كتير بس مش عارفه احدد اني سبب ولا حتي بقيت قادره اني اتكلم حتي مع نفسي عشان احدد وحتي لما بحاول بتعصب علي نفسي هو ف الحقيقه انا عصبيه جدا من اقل حاجه
تم النشر الجمعة، ٢٦ أبريل ٢٠٢٤
- هذه أعراض اكتئاب ، ما الجديد الَّذي حدث في حياتك فأصبحتي هكذا ؟
تم النشر الخميس، ٢٥ أبريل ٢٠٢٤
لعرض السؤال في فدني اضغط هنا