انا عندى ولد صغير عنده 5 سنين وهو عنده فرط حركة ومراتى عندها كسل دائم فى كل حاجة بس هى مهتمة بالولد كويس بس للاسف عندها خمول فى تنظيف الشقة وده مأثر علية وهي بتشتغل فعشان كده مبتكلمش معاها ودلوقت فى قرار بندرسه هل اخلف ولد تانى ولا لا ... انا نفسيا مش قادر اخلف عيل تانى وهى نفسيا كذلك بس خايف ابنى يطلع ملوش اخ ويلومنى على عدم الخلفة واحساسى ان ان انا ومراتى هنبقى فى مشاكل لو جبنا عيل تانى فمش عارف اعمل اخد قرار الخلفة ولا لا
باختصار في مشاكل بتنشأ عند الطفل ال بيكون وحيد منها مشاكل نفسيه ومشاكل اجتماعيه وغيره وفي مشاكل بتكون في شخصية الطفل بيكون علاجها الفعال وجود اخوة واخوات يشاركوه يومه وحياته فيما بعد ولم ار في حياتي اسرة اكتفت بطفلين فقط مش طفل واحد كمان الا وندموا ندم شديد عندما كبروا ورايت بنفسي مع اكثر اسرة الاطفال عزوة ونعمه ودايما حضرتك وزوجتك تذكروا ( إن الله اذا كلف اعان ) ولما بيكبروا باذن الله بيكونوا سند لبعض وبيستشيروا بعض في امور كتير وبيسندوكم حتى انتم في كبركم ان شاء الله لو معندكمش مشاكل صحيه والموضوع كله نفسي فتجاهلوا الافكار السلبيه دي تماما وتوكلوا على الله واجعلوا نيتكم تكثير المسلمين وانجاب طفل موحد عابد لله ده بالنسبه لنقطة الانجاب بالنسبه للشقه وتنظيفها حضرتك حاول تساعد زوجتك فيما تقدر عليه حضرتك بتقول ان لد عنده فرط حركه فقد يكون بيصيبها اخباط واجهاد انها تكون بتنظف او تروق ومتكملش دقايق ويكون الولد بهدل المكان تاني ده حتى الاطفال ال معندهاش فرط حركه بتبهدل الدنيا بشكل مستمر وحضرتك بتقول انها بتشتغل فاكيد في جزء كبير من طاقتها بيستنزف في الشغل ده بيتها ومملكتها واكيد هي مش حابه يكون مبهدل ولا مش نظيف وقد تكون مستاءة اكثر منك بس مفيش طاقه عندها الله يعينها ويبارك في صحتها ومجهودها والطفل ال عنده فرط حركه بيحتاج مجهود برضه مش زي الطفل العادي لو الموضوع عامل ازمة كبيرة ممكن تشوف واحده امينه وثقه تيجي تساعدها مرة كل اسبوع مثلا ودلوقتي في شركات بتقدم الخدمة دي بالتوفيق
تم النشر الجمعة، ٢٤ مايو ٢٠٢٤
رئي يجب عليكم الانتظار عندما تنحل مشاكل الطفل ويكون كويس. لا توجد لديه مشاكل نفكر في موضوع الخلقة
تم النشر الأحد، ٢٦ مايو ٢٠٢٤
لا مو ذروري تخلف و الولذي لستوء سغيري يعني اسبروي شوي بعذيه فكرو في موضوع الخلف ام الولذي فطبيعي يكوني نشيط فهذي اسن الاطفال بتعرفو علي اشياء جديد و يتعلم الكثيري من الاشياء فتوكون رذتي فعلو هيك بسبب الحماس لي الاكتشاف المزيذي وهذي الشي منيح كثيري
تم النشر السبت، ٢٥ مايو ٢٠٢٤
يعني انا احيي حضرتك على انك بتفكر في الموضوع من كل الابعاد ودي حاجه محترمه جدا جدا بتدل على قد ايه عند حضرتك وعي في الموضوع احنا لو اتكلمنا من من اتجاه انه. هل الافضل ان احنا عموما نقلل من عدد الاولاد في الاسره ولا لا فبيكون الافضل لا ما نقللش عدد الاولاد لانه ده هو بيفرق في شخصيه لما لما لما بيكبروا خصوصا في الوقت الحالي الى العظمه الوحده كمان لما بيكون جوه البيت الواحد الطفل حاسس ان هو وحيد او ما عندهوش الاجتماعيات الكافيه اه ده بياثر عليها. طيب من الاتجاه التاني اللي حضرتك هل احنا يبقى من حقنا ان علشان خاطر نقلل من المشاكل فاحنا يعني نوقف موضوع شايفه ده برده تفكير صح طالما احنا عارفين هيولد خلافات اكثر بتهدد البيت كله اصلا واحنا ممكن وقتها الخلافات اللي ما بيننا وما نقدرش ان احنا نتعامل فيها فده برضو قرار صح مش المفروض ان احنا نعمل كده نبقى في حاجه لنا مشاكل زياده ونعملها. طب ايه الحل يعني ولا كده ولا كده الحل ان احنا ناخد فتره بنعمل مع بعض في وقت الخلافه بقى اولا نبدا نهيا الاجواء انها تناسب ان احنا يبقى عندنا طفل كمان يعني مثلا شغلي الزوجه مثلا دي مجرد مقترحات مني يعني علشان بس نبقى متفقين يعني لكن عموما كل زوجين بيقدروا يوصلوا لحلول وسط تناسب حياتهم هم الاثنين ولكن دي اقتراحات في الحلم انه ممكن في ناس متكرر الزوج ان هي مثلا تختار عمل ثاني اقل او وقته اقل. فلذلك بتلاقي وقت تقدر تديه لما يكون في طفل كمان هتقدر تدي له الاهتمام مع الطفل الاولاني. ممكن الزوج بيقرر انه يقدر يهمه بشكل ما جوه البيت ويسلم مهمه معينه من اللي جوه البيت زي مثلا زي ما حضرتك بتقول ان في مشكله في النظافه هي غير قادره عليها مع بقيه هي الحمد لله مديا الاهتمام والمسؤوليه للولد كويس فنشئته دي حاجه مهمه حضرتك تقررت خلاص انا البند ده مثلا انا هكون مسؤوله يساعد في بند النظافه ده فده يبقى كده كده متشال من عليك حتى ما تكونيش بتعملي. حتى وخلاص كده ايه الامور دي ومغديه لها مساحه وتقدر بها انها تجيب طفل كمان وهكذا فانا اقتراحي ونصيحتي ان حضرتك وظيفتك تاخده فتره تؤهله نفسكم فيها وتاهلوا وضع الاسره ان انتم تجيبوا طفل كمان ساعتها تقدروا تستخدموها. طفل بيخليكم عندكم ولادكم وكمان ربنا يمننا عليكم وبفضل ونعمته ان شاء الله.
تم النشر الجمعة، ٢٤ مايو ٢٠٢٤
أولاً، أنا أفهم قلقك ومشاعرك تجاه الخلفية. لكن الأمر يحتاج إلى توازن بين الإحساس بالمسؤولية تجاه ابنك الحالي وفِهم احتياجاته، وبين رغبتك في توسيع عائلتك. من المهم توضيح الأمور مع زوجتك بصدق وبدون اتهامات. اجلس معها وحاولوا البحث عن حلول مشتركة لإدارة المهام المنزلية والاهتمام بالابن. ربما يمكنكما البحث عن دعم خارجي كمساعدة منزلية أو نظرية لمساعدتكم في تخطي هذه التحديات. وقد تكون جلسات الدعم العائلي أو الإرشاد الزوجي أيضًا مفيدة. لا تحتاج إلى الإسراع في اتخاذ قرار الإنجاب، دع الأمور تتبلور بشكل طبيعي وتأخذ الوقت الكافي للتفكير والتوازن. تذكر أن هناك خيارات متعددة للعائلة المثالية وكل عائلة فريدة بتحديات وأفراحها. أهم شيء هو التواصل المفتوح والصادق بينك وبين زوجتك والعمل معًا كفريق واحد لحل المشاكل ودعم بعضكما البعض.
تم النشر الجمعة، ٢٤ مايو ٢٠٢٤
بالعكس..الخلفه التانيه حيخفف من فرط الحركه لانه حيلعب مع اخوه او اخته..في البدايه حتعاني من الغيره وضربه لاخوه لكن مع الوقت حيعرف انه حته منه وحيخاف عليه..المهم تكون مستعد ماديا ونفسيا للخلفه التانيه لانه فرط الحركه حتتنقل ليك بعدها يا ابو الاتنين..بالتوفيق
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا